L-EVANĠELJU SKONT MARK

Dwar Dan il-Ktieb

L-enfasi speċjali ta’ Mark hija l-Qawwa Sovrumana ta’ Ġesù, juri d-Divinità Tiegħu permezz tal-Mirakli Tiegħu. Mark iħalli barra l-biċċa l-kbira mid-diskorsi ta’ Ġesù. Jirrakkonta ħwejjeġ li Ġesù għamel pjuttost milli ħwejjeġ li Ġesù qal. Jidher li kellu f’moħħu qarrejja Ġentili.
Xi wħud jaħsbu li l-Evanġelju ta’ Mark inkiteb xi mkien bejn is-sena 50 W.K. u s-sena 55 W.K. waqt li oħrajn jistqarru li dan inkiteb bejn is-sena 80 W.K. u s-sena 100 W.K. li jistqarru li dan jaqbel max-xhieda interna tal-Evanġelju nnifsu
L-ewwel tliet segwaċi ta’ Ġesù li sabu l-qabar vojt kienu tliet nisa, u l-anġlu qalilhom:
“La tindehxux: Intom qegħdin tfittxu ’l Ġesù n-Nazzarenu, li kien imsallab: hu qam; mhux hawn; araw il-lok fejn qegħduh.” (Mattew 28:18-20).

Ħarsa Ħafifa Lejn Dan il-Ktieb

• Il-Messaġġ ta’ Ġwanni l-Battista (1:1-8)
• Il-Magħmudija u t-Tentazzjoni ta’ Ġesù (1:9-13)
• Ġesù fil-Galilija (1:14—9:50)
• Ġesù Jitlaq mill-Galilija għal Ġerusalemm (10:1-52)
• L-Aħħar Ġimgħa ta’ Ġesù: It-Tiġrib u l-Mewt Tiegħu (11:1—15:47)
• Ġesù Hu Ħaj (16:1-8)
• Ġesù Jidher lill-Appostli u Jagħtihom il-Kummissjoni l-Kbira (16:20)

Mark 1

Il-bidu tal-aħbar it-tajba ta’ Ġesù Kristu, Bin Alla;
Bħalma hu miktub fil-profeti: Ara, jien nibgħat il-messaġġier tiegħi quddiem wiċċek, li jhejji triqtek quddiemek.
Il-leħen ta’ wieħed igħajjat fix-xagħri: Hejju t-triq tal-Mulej, wittu l-mogħdijiet tiegħu.
Ġwanni kien igħammed fix-xagħri, u kien ixandar il-magħmudija tal-indiema għall-maħfra tad-dnubiet.
U kienet tmur għandu l-art kollha tal-Lhudija, u n-nies ta’ Ġerusalemm; u kienu kollha mgħammdin minnu fix-xmara tal-Ġordan, billi jistqarru dnubiethom.
U Ġwanni kien liebes bix-xagħar tal-ġemel, u bi ħżiem tal-ġild madwar qaddejh; u kien jiekol il-ġradijiet u l-għasel salvaġġ;
U kien ixandar, billi jgħid: Ġej warajja wieħed aqwa minni, li ma jistħoqqlix nitbaxxa nħollu l-qafla tal-qorq tiegħu.
Jien tassew għammidtkom bl-ilma; iżda hu jgħammid-kom bl-Ispirtu Qaddis.
U ġara f’dawk il-jiem, illi Ġesù ġie minn Nażaret tal-Galilija, u tgħammed fil-Ġordan minn Ġwanni.
U hu u ħiereġ mill-ilma, ra s-smewwiet jinfetħu, u l-Ispirtu bħal ħamiema nieżel fuqu:
U leħen ġie mis-smewwiet igħid: Int Ibni l-maħbub, li bik nitgħaxxaq.
U minnufih l-Ispirtu tefgħu fix-xagħri.
U qagħad fix-xagħri erbgħin jum, imġarrab minn Sata-na; u kien mal-bhejjem salvaġġi; u l-anġli kienu jduru bih.
Issa wara li ntafa’ l-ħabs, Ġesù ġie fil-Galilija, ixandar l-evanġelju tas-saltna ta’ Alla.
U jgħid: Iż-żmien twettaq, u s-saltna ta’ Alla qorbot: indmu, u emmnu l-evanġelju.
Issa hu u għaddej mal-baħar tal-Galilija, ra lil Xmun u lil Indri ħuh jitfgħu xibka fil-baħar: għax kienu sajjieda.
U qalilhom Ġesù: Ejjew warajja, u nagħmilkom tkunu sajjieda tal-bnedmin.
U minnufih ħallew ix-xbieki tagħhom, u marru warajh.
U wara li mexa ftit iżjed ’il quddiem minn hemm, ra lil Ġakbu bin Żebedew, u lil ħuh Ġwanni, li kienu wkoll fid-dgħajsa jsewwu x-xbieki tagħhom.
U minnufih sejħilhom: u ħallew lil missierhom Żebedew fid-dgħajsa mal-ħaddiema mikrija, u marru warajh.
U daħlu f’Kafarnahum; u minnufih fis-sabat daħal fis-sinagoga, u qabad igħallem.
U kienu mistagħġbin bit-tagħlim tiegħu: għax kien igħallimhom bħal wieħed li għandu l-awtorità, u mhux bħall-iskribi.
U kien hemm fis-sinagoga tagħhom bniedem bi spirtu mniġġes; u għajjat,
Igħid, Ħallina; x’għandna naqsmu miegħek, o Ġesù ta’ Nażaret? ġejt biex teqridna? Jien naf int min int, il-Qaddis ta’ Alla.
U ċanfru Ġesù, billi qal: Iskot, u oħroġ minnu.
U wara li l-ispirtu mniġġes ħabbtu ma’ l-art, u għajjat b’leħen għoli, ħareġ minnu.
U kollha stagħġbu, hekk li kienu jistaqsu lil xulxin, billi jgħidu bejniethom: X’ikun dan? X’tagħlim ġdid hu dan? għax bl-awtorità jordna saħansitra l-ispirti mniġġsa, u huma jisimgħu minnu.
U xterdet malajr l-aħbar tiegħu ma’ kullimkien fl-art kollha madwar il-Galilija.
U mingħajr telf ta’ żmien, meta ħarġu mis-sinagoga, daħlu fid-dar ta’ Xmun u Indri, ma’ Ġakbu u Ġwanni.
Imma omm il-mara ta’ Xmun kienet mixħuta fis-sodda marida bid-deni, u mill-ewwel qalulu biha.
U resaq, u ħadha minn idha, u qajjimha: u d-deni telaqha f’daqqa, u daret bihom.
Filgħaxija mbagħad, fi nżul ix-xemx, ħadulu quddiemu kollha li kienu morda jew li kienu maħkuma mid-demonji.
U l-belt kollha nġemgħet flimkien quddiem il-bieb.
U fejjaq ħafna li kienu morda b’ħafna mard, u keċċa ħafna demonji; u ma ħalliex lid-demonji jitkellmu, għax kienu jafuh.
U filgħodu, wara li qam wisq qabel ma sebaħ, ħareġ, u telaq għal post imwarrab, u hemm qagħad jitlob.
Xmun u dawk li kienu miegħu marru warajh.
U malli sabuh, qalulu: Kulħadd qiegħed ifittxek.
U qalilhom: Ejjew immorru fl-ibliet l-oħra; biex inxan-dar hemm ukoll: għax għal dan ġejt.
U xandar fis-sinagogi tagħhom mal-Galilija kollha, u keċċa d-demonji.
U ġie lejh wieħed imġiddem, jitolbu, u joqgħodlu għarkobbtejh, u jgħidlu: Jekk trid, tista’ tnaddafni.
U Ġesù, imqanqal mill-ħniena, medd idu, u messu, u qallu: Irrid: indaf.
U hekk kif tkellem, il-ġdiem telqu minnufih, u ndaf.
U wissieh bil-qawwa, u bagħtu bla telf ta’ żmien.
U qallu: Ara li ma tgħid xejn lil ħadd; iżda mur uri ruħek lill-qassis, u offri għat-tindif tiegħek dawk il-ħwejjeġ li Mosè ordna, b’xhieda għalihom.
Iżda dak ħareġ, u beda jxandar ħafna, u jxerred il-kelma; hekk li Ġesù ma kienx jista’ jidħol bid-dieher bil-belt, iżda kien joqgħod barra f’postijiet imwarrba: u kienu jiġu għandu minn kullimkien.

Mark 2

U raġa’ daħal Kafarnahum wara xi jiem; u nstama’ li kien id-dar.
U minnufih ħafna nġemgħu flimkien, hekk li ma kienx hemm wisa’ biex jilqugħhom; le, lanqas ħdejn il-bieb: u xand-rilhom il-kelma.
U ġew għandu jġibulu raġel paralitiku, li kien merfugħ minn erbgħa.
U meta ma setgħux jersqu fejnu minħabba r-rassa, kixfu s-saqaf li fuqu kien mixħut il-paralitiku.
Meta Ġesù ra l-fidi tagħhom, qal lill-paralitiku: Ibni, dnubietek maħfura.
Iżda kien hemm x’uħud mill-iskribi bil-qiegħda hemm, igħidu f’qalbhom:
Għax qiegħed jidgħi hekk dal-bniedem? Min jista’ jaħfer id-dnubiet ħlief Alla biss?
U hekk kif Ġesù ra fl-ispirtu tiegħu li kienu jgħidu hekk fihom infushom qalilhom: Għax qegħdin tgħidu hekk f’qalb-kom?
Liema hu l-eħfef tgħid lill-paralitiku: Dnubietek maħfu-ra; jew tgħid: Qum, u ħu s-saqqu tiegħek, u imxi?
Iżda biex tkunu tafu li Bin il-bniedem għandu s-setgħa fuq l-art biex jaħfer id-dnubiet, (qal lill-paralitiku,)
Ngħidlek: Qum, ħu s-saqqu tiegħek, u mur f’darek.
U dak qam minnufih, u ħa s-saqqu, u telaq qabilhom ilkoll; hekk li kollha stagħġbu, u igglorifikaw lil Alla, billi qalu: Qatt ma rajna hekk.
U raġa’ ħareġ lejn il-baħar; u l-folla tan-nies kollha ġiet għandu, u għallimhom.
U hu u għaddej, ra lil Levi bin Alfew bil-qiegħda fuq il-bank tat-taxxi, u qallu: Ejja warajja. U dak qam u mar warajh.
U ġara, xħin Ġesù kien jiekol fid-dar ta’ dan, illi bosta pubblikani u midinbin kienu flimkien ukoll fuq il-mejda ma’ Ġesù u mad-dixxipli tiegħu: għaliex kien hemm ħafna, u kienu marru warajh.
U meta l-iskribi u l-Fariżej rawh jiekol mal-pubblikani u l-midinibn, qalu lid-dixxipli tiegħu: Kif jiekol u jixrob mal-pubblikani u mal-midinbin?
Malli sama’ dan, Ġesù qalilhom: Dawk li huma b’saħħit-hom m’għandhomx bżonn ta’ tabib; iżda dawk li huma morda: ma ġejtx insejjaħ lin-nies sewwa, iżda lill-midinbin għall-indiema.
U d-dixxipli ta’ Ġwanni u tal-Fariżej kienu jsumu: u ġew u qalulu: Għaliex id-dixxipli ta’ Ġwanni u d-dixxipli tal-Fariżej isumu, iżda d-dixxipli tiegħek ma jsumux?
U qalilhom Ġesù: Jistgħu l-ħbieb isumu, fil-waqt li l-għarus hu magħhom? Sakemm għandhom il-għarus magħhom, ma jistgħux isumu.
Iżda l-jiem jiġu, meta l-għarus jitteħdilhom, u mbagħad isumu f’dawk il-jiem.
Ħadd ukoll ma jħit roqgħa ta’ xoqqa ġdida fuq libsa qadima: inkella r-roqgħa l-ġdida li tkun imlietha tiġbed mill-qadima, u t-tiċrita ssir agħar.
U ħadd ma jqiegħed inbid ġdid fi ġlud qodma: inkella l-inbid il-ġdid jaqsam il-ġlud, u l-inbid jixxerred, u l-ġlud jintilfu: imma inbid ġdid għandu jitqiegħed fi ġlud ġodda.
Sabat wieħed, għadda minn qalb l-għelieqi tal-qamħ; u d-dixxipli tiegħu, huma u għaddejjin, bdew jaqtgħu ż-żbul.
U l-Fariżej qalulu: Ara, għaliex qegħdin jagħmlu dak li mhuwiex skont il-liġi fis-sabat?
U qalilhom: Qatt ma qrajtu x’għamel David, meta kellu bżonn, u ħadu l-ġuħ, hu, u dawk li kienu miegħu?
Kif daħal fid-dar ta’ Alla fi żmien Abjatar il-qassis il-kbir u kiel il-ħobż imqiegħed quddiem il-Mulej, li ma kienx jixraq jieklu barra mill-qassisin, u ta wkoll lil dawk li kienu miegħu?
U qalilhom: Is-sabat kien magħmul għall-bniedem; u mhux il-bniedem għas-sabat.
Għalhekk Bin il-bniedem hu Sid is-sabat ukoll.

Mark 3

U raġa’ daħal fis-sinagoga; u kien hemm raġel li kellu idu niexfa.
U għassewlu, jekk ifejquxfis-sabat; biex jixluh.
U qal lir-raġel li kellu idu niexfa: Qum, ejja fin-nofs.
U qalilhom: Huwa skont il-liġi li fis-sabat tagħmel il-ġid, jew li tagħmel id-deni? Li ssalva ħajja, jew li toqtol? Iżda huma baqgħu sektin.
U wara li ħares lejhom imgħaddab, billi kien imwaġġa’ mill-ebusija ta’ qalbhom, qal lir-raġel: Midd idek. U dak meddha: u idu saret b’saħħitha bħall-oħra.
U l-Fariżej ħarġu, u minnufih ftiehmu ma’ l-Erodjani kontra tiegħu, kif jistgħu jeqirduh.
Imma Ġesù twarrab mad-dixxipli tiegħu lejn il-baħar: u folla kbira ta’ nies mill-Galilija, u mil-Lhudija, marret warajh;
U minn Ġerusalemm, u mill-Idumija, u ’l hemm mill-Ġordan; u mill-idwar ta’ tir u Sidon, folla kbira ta’ nies, malli semgħu bil-ħwejjeġ kbar li għamel, ġew għandu.
U qal lid-dixxipli tiegħu, biex ikun hemm dgħajsa ċkejkna tistennieh minħabba l-folla tan-nies, biex ma jrossuhx.
Għax kien fejjaq ħafna; hekk li dawk kollha li kellhom xi flaġell kienu jrossu fuqu biex imissuh.
U l-ispirti mniġġsa, meta rawh, inxteħtu quddiemu, u għajtu, jgħidulu: Int l-Iben t’Alla.
U qalilhom ħafna bħala twissija biex lilu ma jagħmluhx magħruf.
U tala’ fuq muntanja, u sejjaħ għal miegħu dawk li ried; u ġew fejnu.
U għamel tnax, biex ikunu miegħu, u biex jibgħathom ixandru.
U biex ikollhom is-setgħa li jfejqu l-mard, u jkeċċu d-demonji:
U lil Xmun semmieh Pietru;
U lil Ġakbu bin Żebedew, u lil Ġwanni ħu Ġakbu; semmihom Boanerġes, jiġifieri, Ulied ir-Ragħad:
U Indri, u Filippu, u Bartolomew, u Mattew, u Tumas, u Ġakbu bin Alfew, u Taddew, u Xmun il-Kangħani.
U Ġuda Iskarjota, li wkoll ittradih.
Mbagħad hu mar id-dar. u l-folla ta’ nies reġgħet inġemgħet, hekk li ma kinux lanqas jistgħu jieklu l-ħobż.
U malli niesu semgħu dan, ħarġu biex iżommuh; għax qalu: tilef moħħu.
U l-skribi li niżlu minn Ġerusalemm qalu: Għandu l-Begħelżebul, u bil-mexxej tad-demonji jkeċċi d-demonji.
U sejħilhom lejh, u qalilhom bil-parabboli: Kif jista’ Satana jkeċċi ’l Satana.
U jekk saltna hija mifruda kontra tagħha stess, dik is-saltna ma tistax iżżomm.
U jekk dar hija mifruda kontra tagħha stess, dik id-dar ma tistax iżżomm.
U jekk Satana jqum kontra tiegħu stess, u hu mifrud, ma jistax iżomm, iżda jintemm.
Ħadd ma jista’ jidħol f’dar ta’ bniedem b’saħħtu, u jis-raqlu ħwejġu, jekk qabel ma jorbotx ir-raġel b’saħħtu; imba-għad jisraqlu daru.
Tassew ngħidilkom: Lil ulied il-bnedmin jinħafru d-dnu-biet kollha, u d-dagħa kollu li jkunu dgħaw:
Iżda dak li jidgħi bl-Ispirtu Qaddis qatt ma jkollu maħ-fra, imma jkun ħati ta’ kundanna għal dejjem.
Għax kienu jgħidu: Għandu spirtu mniġġes.
U ġew imbagħad ommu u ħutu, baqgħu barra u bagħtu jsejħulu.
Dak il-ħin kien hemm ħafna nies bilqiegħda madwaru. Ara, qalulu, ommok u ħutek qegħdin hemm barra u jriduk.
U hu weġibhom: Min huma ommi u ħuti?
Imbagħad dawwar ħarstu fuq dawk li kien hemm mad-waru, u qal: Dawn, araw, huma ommi u ħuti.
Kull min jagħmel ir-rieda ta’ Alla, dak huwa ħija, u oħti, u ommi.

Mark 4

U raġa’ beda jgħallem ħdejn il-baħar: u hemm inġemgħet madwaru folla kbira ta’ nies, hekk li tala’ f’dagħjsa, u qagħad fuq il-baħar; u n-nies kollha kienet fl-art ħdejn il-baħar.
U għallimhom ħwejjeġ bil-parabboli, u qalilhom fit-tagħlim tiegħu.
Isimgħu: Ara, wieħed li jiżra’ ħareġ biex jiżra’:
U ġara, hu u jiżra’, li xi żerriegħa waqgħet mal-ġenb tat-triq, u t-tjur tal-ajru ġew u belgħuha.
U biċċa waqgħet fuq art bil-blat, fejn ma kellhiex ħafna ħamrija; u nibtet f’daqqa, għax ma kellhiex fond ta’ ħamrija:
Iżda meta x-xemx telgħet, inħarqet: u billi ma kellhiex għerq, nixfet.
U biċċa waqgħet qalb ix-xewk, u x-xewk kiber, u ħan-aqha, u ma tatx frott.
U biċċa oħra waqgħet fuq art tajba, u għamlet il-frott li kiber u żdied; biċċa tat tletin, biċċa sittin, u biċċa mija.
U qalilhom: Min għandu widnejn biex jisma’, ħa jisma’.
U meta kien waħdu, dawk li kienu madwaru mat-tnax staqsewh il-parabbola.
U qalilhom: Lilkom ingħata li tkunu tafu l-misterju tas-saltna t’Alla: iżda lil dawk li huma minn barra, dan kollu jsirilhom bil-parabboli.
Biex huma u jaraw, jaraw u ma jarawx; u huma u jisi-mgħu, jisimgħu u ma jifhmux; li xi darba ma jikkonvertux, u dnubiethom jinħafrulhom.
U qalilhom: Ma tifhmuhiex dil-parabbola? U kif mela tkunu tafu l-parabboli kollha?
Dak li jiżra’, jiżra’ l-kelma.
U dawn huma dawk ta’ mal-ġenb tat-triq, fejn il-kelma hi miżrugħa; iżda meta jkunu semgħu, minnufih jiġi Satana, u jieħu l-kelma li nżergħet f’qalbhom.
U dawn huma bħal dawk li jinżergħu f’art bil-blat; li, meta jisimgħuha, jilqgħuha mill-ewwel bil-ferħ;
U m’għandhomx għerq fihom infushom, u għalhekk idumu xi żmien: wara, meta jinqala’ l-għali jew it-taħbit min-ħabba l-kelma, mill-ewwel jitfixklu.
U dawn huma dawk li jinżergħu fix-xewk; dawn jisi-mgħu l-kelma,
U l-ġibdiet taż-żmien, u l-qerq tal-għana, u x-xewqat ħżiena ta’ ħwejjeġ oħra, meta jidħlu, joħonqu l-kelma, u ssir li ma tagħmilx frott.
U dawn huma dawk li jinżergħu fuq art tajba; dawk li jisimgħu l-kelma, u jilqugħuha; u jagħtu l-frott, biċċa tletin, biċċa sittin, u biċċa mija.
U qalilhom: Jaqaw lampa tinġieb biex titqiegħed taħt basket tal-kejl, jew taħt sodda?
Għax xejn m’hemm moħbi, li ma jinkixifx; lanqas m’hemm xejn miżmum sigriet, li ma jiġix fil-beraħ.
Jekk wieħed għandu widnejn biex jisma’, ħa jisma’.
U qalilhom: Oqogħdu attenti x’tisimgħu! Bil-kejl li tkejlu, ikejlu-kom; u iżjed jingħata lilkom li tisimgħu.
Għax lil min għandu, jingħatalu: u lil dak li m’għandux, jitteħidlu wkoll dak li għandu.
U qal: Hekk hija s-saltna t’Alla bħallikieku bniedem jixħet iż-żerriegħa fl-art.
U jorqod, u jqum bil-lejl u bi nhar, u ż-żerriegħa tinbet u tikber, mingħajr ma jaf kif.
Għax l-art tagħti l-frott minnha nfisha; l-ewwel il-ħaxix, imbagħad is-sbula, imbagħad il-qamħ lest fis-sbula.
Iżda meta jsir il-frott, malajr joħroġ il-minġel, għax il-ħsad ikun wasal.
U qal: Kif inxebbhu s-saltna t’Alla? jew b’liema parab-bola nuruha?
Hi bħall-qalbha taż-żerriegħa tal-mustarda, li, meta tinżara fl-art, hi l-iċken fost iż-żerriegħa kollha li hawn fl-art:
Iżda meta tinżara’, tikber, u ssir akbar mill-ħxejjex koll-ha, u tagħmel friegħi kbar; hekk li t-tjur tal-ajru jistgħu jgħa-mmru taħt id-dell tagħha.
U b’ħafna parabboli bħal dawn kien jitkellem il-kelma magħhom, bħal ma kienu jistgħu jisimgħuha.
U mingħajr parabbola ma kienx ikellimhom: u meta kienu jkunu weħidhom, kien ifsser kollox lid-dixxipli tiegħu.
U dak in-nhar stess, meta sar fil-għaxija, qalilhom: Ejjew immorru n-naħa l-oħra.
U wara li bagħtu l-folla tan-nies, ħaduh hekk kif kien għadu fid-dgħajsa. U kien hemm ukoll dgħajjes oħra żgħar miegħu.
U qam riefnu kbir ta’ riħ, u l-mewġ kien dieħel fid-dgħajsa, hekk li issa mtliet.
U hu kien fil-poppa, rieqed fuq imħadda: u huma qajmuh, u qalulu: Mgħallem, ma tħabbilx rasek li nintilfu?
U qam, u ċanfar lir-riħ, u qal lill-baħar: Iskot, ikkwieta. U r-riħ waqaf, u kien hemm kalma kbira.
Imbagħad qalilhom: Għaliex intom hekk imbeżżgħin? għaliex m’għandkomx fidi?
U beżgħu wisq; u qalu lil xulxin: Xi bniedem hu dan, biex ir-riħ u l-baħar stess jobduh?

Mark 5

U ġew in-naħa l-oħra tal-baħar, fil-pajjiż tal-Ġeraseni.
U kif niżel mid-dgħajsa, f’daqqa waħda ltaqa’ miegħu mill-oqbra bniedem bi spirtu mniġġes.
Li kellu daru qalb l-oqbra; u ebda bniedem ma kien jista’ jorbtu, le, lanqas bil-ktajjen;
Għax kien ta’ spiss marbut bil-qjud u l-ktajjen, u l-ktaj-jen kienu mkissrin minnu, u l-qjud imfarrkin biċċiet: u lanqas ħadd ma kien jista’ jimmansah.
U dejjem, lejl u nhar, kien ikun fil-muntanji, u fl-oqbra jgħajjat, u jqatta’ lilu nnifsu bil-ġebel.
Iżda malli ra lil Ġesù mill-bogħod, ġera, u tah qima.
U għajjat b’leħen għoli, u qal: Jien x’għandi x’naqsam miegħek, Ġesù, Bin Alla l-ogħli? Nitolbok għal Alla, la taħ-qarnix.
Għax hu qallu: Oħroġ minn dal-bniedem, ja spirtu mniġ-ġes.
U staqsieh: X’jismek” U dak wieġeb, billi qal: Jisimni Leġjun: għax aħna ħafna.
U talbu wisq biex ma jibgħathomx barra mill-pajjiż.
Issa kien hemm qrib il-muntanja merħla kbira ta’ ħnieżer jirgħaw.
U d-demonji kollha talbuh, billi qalu: Ibagħtna fil-ħnie-żer, biex nidħlu fihom.
U minnufih Ġesù rħielhom. U l-ispirti mniġġsa ħarġu, u daħlu fil-ħnieżer; u l-merħla, li kien fiha ma’ l-elfejn ras, intefgħet bil-herra mill-irdum għall-baħar, u fgaw fil-baħar.
U dawk li kienu jirgħaw il-ħnieżer ħarbu, u taw l-aħbar fil-belt, u fir-raba’, U dawn ħarġu jaraw x’kien ġara.
U ġew għand Ġesù, u raw lil dak li kellu d-demonju u l-leġjun, qiegħed bil-qiegħda, u liebes, u b’moħħu f’loku: u beżgħu.
U dawk li raw dan qalulhom x’ġara lil dak li kellu d-demonju; u fuq il-ħnieżer ukoll.
U bdew jitolbuh biex jitlaq mill-inħawi tagħhom.
U meta tala’ fid-dgħajsa, dak li kellu d-demonju talbu biex ikun miegħu.
U Ġesù ma ħalliehx, iżda qallu: Mur f’darek għand niesek, u għidilhom kemm ħwejjeġ kbar il-Mulej għamel għalik, u kellu ħniena minnek.
U telaq u beda jxandar f’Dekapoli kemm ħwejjeġ kbar Ġesù għamel għalih: u n-nies kollha stagħġbu.
U meta Ġesù raġa’ għadda bid-dgħajsa għan-naħa l-oħra, ħafna nies inġemgħu madwaru: u hu kien ħdejn il-baħar.
U, ara, ġie wieħed mill-kbar tas-sinagoga, jismu Ġajru; u xħin rah, inxteħet f’riġlejh.
U talbu billi qal: Iċ-ċkejkna binti qiegħda f’xifer il-mewt: nitolbok, ejja u qiegħed idejk fuqha, biex tfiq; u tgħix.
U hu mar miegħu. U folla kbira marret warajh, u rassewh.
U waħda mara, li kellha telf ta’ demm għal tnax-il sena,
U kienet batiet wisq minn ħafna tobba, u nefqet dak kollu li kellha, u ma tjiebet xejn, iżda aktar marret għall-agħar,
Malli semgħet b’Ġesù, ġiet fir-rassa minn wara, u messet ilbiesu.
Għax qalet: Jekk nista’ mmiss biss ilbiesu, inkun imfejqa.
U minnufih it-tnixxija ta’ demmha nixfet; u ħasset f’ġisimha li kienet imfejqa minn dik il-marda.
U hekk kif Ġesù għaraf fih innifsu l-qawwa li kienet ħarġet minnu, dar fuq il-folla, u qal: Min missli lbiesi?
U d-dixxipli tiegħu qalulu: Qiegħed tara l-folla tan-nies trossok, u tgħid: Min missni?
U ħares madwaru biex jara lil dik li kienet għamlet dan.
Iżda l-mara mbeżżgħa u mriegħda, billi kienet taf dak li kien sar fiha, ġiet u nxteħtet quddiemu, u qaltlu l-verità kollha.
U qalilha: Binti, il-fidi tiegħek fejqitek: mur bis-sliema, u kun imfejqa mill-marda tiegħek.
Xħin kien għadu qiegħed jitkellem, ġew x’uħud min-għand il-kbir tas-sinagoga jgħidulu: Bintek mietet: għalfejn tħabbat iżjed lill-Imgħallem?
Imma hekk kif Ġesù sama’ l-kelma li kienet ingħadet, qal lill-kbir tas-sinagoga: La tibżax, emmen biss.
U ma ħalla lil ħadd imur warajh, ħlief lil Pietru, u lil Ġakbu, u lil Ġwanni ħu Ġakbu.
U ġie fid-dar tal-kap tas-sinagoga; u ra konfużjoni ta’ għajat, u biki u ħafna xhir.
U malli daħal, qalilhom: Għalfejn qegħdin tagħmlu din il-għagħa, u tibku? it-tifla mhix mejta, iżda rieqda.
U daħku bih. Imma wara li ħariġhom kollha barra, ħa lil missier it-tifla u lil ommha, u lil dawk li kienu miegħu, u daħal fejn kienet it-tifla.
U ħa t-tifla minn idha, u qallha: Talita qumi; li tfisser: Tifla, ngħidlek: Qum.
U minnufih it-tifla qamet, u mxiet; għax kienet ta’ tnax-il sena. U stagħġbu b’għaġeb kbir wisq.
U wissiehom bis-sħiħ li ebda bniedem ma jkun jaf dan; u ordna li jagħtuha xi ħaġa x’tiekol.

Mark 6

Telaq minn hemm u mar lejn pajjiżu, u d-dixxipli tiegħu marru miegħu.
Meta wasal is-sabat, daħal igħallem fis-sinagoga, u l-ħafna li semgħuh bdew jistgħaġbu u jgħidu: Mnejn kisbu dan kollu? U x’inhu dan il-għerf li nagħtalu biex saħansitra qegħdin isiru dawn l-għeġubijiet kbar b’idejh?
Dan mhuwiex il-mastrudaxxa bin Marija, u ħu Ġakbu u Ġożè u Ġuda u Xmun? U ħutu l-bniet mhumiex hawn magħna? U huma skandaliżzaw ruħhom minħaba fih.
U qalilhom Ġesù: Ebda profeta ma hu bla ġieh jekk mhux f’pajjiżu u fost qrabatu u f’daru stess.
U hemm ma kienx jista’ jagħmel ebda egħmil kbir, għajr dak li qiegħed idejh fuq ftit morda, u fejjaqhom.
U stagħġeb minħabba n-nuqqas ta’ fidi tagħhom. U mar madwar l-irħula jgħallem.
U sejjaħ lejh it-tnax, u beda jibgħathom tnejn tnejn; u tahom is-setgħa fuq l-ispirti mniġġsa;
U ordnalhom biex ma jieħdu xejn għall-vjaġġ tagħhom, għajr ħatar biss; la ħorġa, la ħobż, la flus fil-borża tagħhom:
Iżda lebsin il-qorq; u ma jilbsux żewġt ilbiesi.
U qalilhom: Kulfejn tidħlu f’dar, hemm oqogħdu sa-kemm titilqu minn hemm.
U kull min ma jilqagħkomx, u lanqas jismagħkom, meta titilqu minn hemm, farfru t-trab ta’ taħt saqajkom bħala xhieda kontra tagħhom. Tassew ngħidilkom: Ikun aħjar għal Sodoma u Gomorra f’jum il-ħaqq, milli għal dik il-belt.
U ħarġu, u xandru li l-bnedmin għandhom jindmu.
U huma keċċew ħafna demonji, u dilku biż-żejt ħafna li kienu morda, u fejquhom.
U sama’ bih is-sultan Erodi; (għax ismu sar magħruf): u qal: Ġwanni l-Battista qam mill-imwiet, u għalhekk opri kbar qegħdin jidhru fih.
Oħrajn qalu: Hu Elija. U oħrajn qalu: Hu profeta, jew bħal wieħed mill-profeti.
Imma meta sama’ b’dan Erodi, qal: Hu Ġwanni, li qtajt-lu rasu: qam minn bejn l-imwiet.
Għax Erodi stess kien bagħat u qabad lil Ġwanni, u rabtu fil-ħabs minħabba Erodja, mart ħuh Filippu: għax kien iżżewwiġha;
Għax Ġwanni kien qal lil Erodi: Mhuwiex skont il-liġi għalik illi jkollok mart ħuk.
Għalhekk Erodja żammitha kontrih, u xtaqet toqtlu; iżda ma setgħitx:
Għax Erodi kien jibża’ minn Ġwanni, billi kien jaf li kien raġel ġust u qaddis, u kien iħarsu; u meta semgħu, għamel ħafna ħwejjeġ, u semgħu bil-qalb.
U meta wasal jum f’waqtu, f’egħluq sninu, Erodi għamel ikla lill-kbarat tiegħu, u lill-kaptani l-kbar, u lill-irġiel ewlenin tal-Galilija;
U meta t-tifla tal-imsemmija Erodja daħlet, u żifnet, u għoġbot lil Erodi u lil dawk li kienu fuq il-mejda miegħu, is-sultan qal lit-tfajla: Itlobni kulma trid, u nagħtihulek.
U ħalfilha: Kulma titlobni, nagħtihulek, imqar nofs is-saltna tiegħi.
U ħarġet, u qalet lil ommha: X’nitolbu? U dik qaltilha: Ras Ġwanni l-Battista.
U daħlet minnufih bil-għaġla għand is-sultan, u talbet, billi qalet: Jien irrid li malajr tagħtini f’dixx ras Ġwanni l-Bat-tista.
U s-sultan sogħobbih wisq; iżda minħabba l-ħalfa tie-għu, u minħabba dawk li kienu jieklu miegħu ma ridx jiċħa-dielha.
U malajr is-sultan bagħat bojja, u ordna li tinġieb ras Ġwanni: u dak mar, u qatagħlu rasu fil-ħabs.
U ġieb rasu f’dixx, u taha lit-tifla: u t-tifla tatha lil ommha.
U xħin id-dixxipli tiegħu semgħu b’dan, ġew u ħadu ġismu, u qegħduh f’qabar.
U l-appostli nġemgħu għand Ġesù, u qalulu kollox, sew kulma għamlu, u kemm kulma għallmu.
U qalilhom: Ejjew intom weħidkom f’lok imwarrab, u strieħu ftit: għax kien hemm ħafna ġejjin u sejrin, u ma kell-homx mistrieħ lanqas biex jieklu.
U telqu weħidhom f’lok imwarrab bid-dgħajsa.
U n-nies rawhom jitilqu, u ħafna kienu jafuh, u ġrew hemm bil-mixi mill-ilbliet kollha, u walsu qabilhom, u marru flimkien għandu.
U kif Ġesù ħareġ mid-dgħajsa ra ħanfa nies, u kellu ħniena minnhom, għax kienu qishom ngħaġ mingħajr ragħaj: u beda jgħallimhom ħafna ħwejjeġ.
U xħin il-ħin kien issa daħal sewwa, id-dixxipli tiegħu resqu lejh, igħidulu: Dan lok imwarrab, u issa tard wisq:
Ibgħathom, ħalli jmorru fir-raba’ ta’ madwar, u fl-irħu-la, u jixtru għalihom il-ħobż: għax m’għandhom xejn x’jieklu.
Wieġeb u qalilhom: Agħtuhom jieklu. U huma qalulu: Immorru nixtru b’mitejn dinier ħobż, u nagħtuhom jieklu?
U qalilhom: Kemm-il ħobża għandkom? Morru araw. U meta raw, qalu: Ħamsa, u żewġ ħutiet.
U ġagħalhom joqogħdu lkoll bil-qiegħda fi qtajjiet fuq il-ħaxix aħdar.
U qagħdu bil-qiegħda fi qtajjiet ta’ mija, u ta’ ħamsin.
U kif ħa l-ħames ħobżiet u ż-żewġ ħutiet, ħares lejn is-sema, u bierek u qasam il-ħobżiet, u tahom lid-dixxipli tiegħu biex iqiegħdu quddiemhom; u ż-żewġ ħutiet qasam bejniethom ilkoll.
U kielu lkoll, u xebgħu.
U ġabru tnax-il qoffa mimlijin biċċiet, u mill-ħut.
U dawk li kielu l-ħobżiet kienu madwar ħamest elef raġel.
U minnufih ġagħal id-dixxipli tiegħu jitilgħu fid-dgħajsa, u jmorru qablu n-naħa l-oħra ta’ Betsajda, waqt li hu bagħat in-nies.
U wara li bagħathom, telaq lejn muntanja jitlob.
U xħin wasal filgħaxija, id-dgħajsa kienet f’nofs il-baħar, u hu waħdu l-art.
U rahom imħabbtin fil-qdif; għax ir-riħ kien għal wiċċhom: u f’xi r-raba’ għassa tal-lejl resaq lejhom, jimxi fuq il-baħar, u kien sa jaqbiżhom;
Iżda xħin rawh jimxi fuq il-baħar, ħasbu li kien xi fantażma, u għajtu:
Għax ilkoll rawh, u tħawdu. U minnufih kellimhom, u qalilhom: Qawwu qalbkom: hu jien; la tibżgħux.
U tala’ fejnhom fuq id-dgħajsa; u r-riħ waqaf: u kienu mistagħġbin ħafna fihom infushom.
Għax ma kinux fehmu dwar il-ħobż: għax qalbhom kienet twebbset.
U meta qasmu għan-naħa l-oħra, ġew fl-art ta’ Ġennesa-ret, u ġibdu lejn ix-xatt.
U malli mid-dgħajsa, minnufih għarfuh.
U ġrew madwar dik l-art kollha, u bdew iġorru fuq is-saqqijiet dawk li kienu morda, fejn semgħu li kien.
U kulfejn ġie, fl-irħula, bliet, jew fir-raba’, kienu jqiegħdu l-morda fit-toroq, u talbuh bil-ħrara li mqar im-issu tarf libstu: u kemm nies kienu jmissuh kienu jieħdu saħħi-thom.

Mark 7

Imbagħad ġew għandu flimkien il-Fariżej, u x’uħud mill-iskribi, li ġew minn Ġerusalemm.
U kif raw x’uħud mid-dixxipli tiegħu jieklu l-ħobż b’idejhom imniġġsin, jiġifieri mhux maħsulin, sabu ħtija fihom.
Għax il-Fariżej, u l-Lhud kollha, jekk ma jaħslux idejhom sewwa, ma jiklux, billi huma jżommu t-tradizzjoni tal-anzjani;
U meta jiġu mis-suq, ma jiklux jekk ma jinħaslux. U hemm ħafna ħwejjeġ oħra, li huma laqgħu biex iħarsuhom, bħalma hu l-ħasil tat-tazzi, tal-ġarar, u tal-ktieli tar-ram.
Imbagħad staqsewh il-Fariżej u l-iskribi: Għaliex id-dixxipli tiegħek ma jimxux fuq it-tradizzjoni tal-anzjani, iżda jieklu l-ħobż b’idejhom mhux maħsulin?
Wieġeb u qalilhom: Sewwa ipprofetizza Isaija fuqkom, ipokriti, kif inhu miktub: Dawn in-nies b’xofftejhom iweġġhuni iżda qalbhom hija ’l bogħod minni.
U għalxejn iqimuni, billi jgħallmu bħala tagħlim il-kmandamenti tal-bnedmin.
Intom twarrbu l-kmandamenti ta’ Alla u żżommu t-tradizzjoni tal-bnedmin.
U qalilhom: Ħelu ħelu ġġibu fix-xejn il-kmandamenti ta’ Alla biex tħarsu t-tradizzjonijiet tagħkom.
Għax Mosè qal: Weġġah lil missierek u lil ommok; u: Min iżeblaħ lil missieru jew lil ommu, ħa jmut bil-mewt:
Iżda intom tgħidu: Jekk wieħed igħid lil missieru jew lil ommu: Dak li bih tista’ tkun megħjun minni hu Qorban, jiġifieri, Mogħti lil Alla, ikun ħieles.
U ma tħalluh jagħmel xejn iżjed għal missieru jew għal ommu:
Billi tagħmlu bla siwi l-kelma ta’ Alla bit-tradizzjoni tagħkom, li intom għaddejtu (minn ġenerazzjoni għal l-oħra); u ħafna ħwejjeġ oħra bħal dawn qegħdin tagħmlu.
U xħin sejjaħ lejh in-nies kollha, qalilhom: Isimgħuni lkoll, u ifhmu:
M’hemm xejn barra mill-bniedem, li meta jidħol fih jista’ jħammġu: iżda l-ħwejjeġ li joħorġu barra minnu, dawk huma li jħammġu l-bniedem.
Jekk wieħed għandu widnejn biex jisma’, ħa jisma’.
U meta daħal id-dar minn fejn in-nies, id-dixxipli tiegħu staqsewh fuq il-parabbola.
U qalilhom: Hekk intom ukoll bla dehen? Ma tifhmux, li kull ħaġa li minn barra tidħol fil-bniedem, ma tistax tniġġsu;
Għax ma tidħolx f’qalbu, iżda f’żaqqu, u tmur fil-kanal, li minnu jissaffa kull ikel?
Dak li joħroġ minn ġol-bniedem, dak hu li jtabba’ lill-bniedem.
Għax hu minn ġewwa, mill-qalb tal-bniedem, li joħorġu l-ħsibijiet il-ħżiena: fornikazzjoni, serq, qtil, adulterju,
Regħba, ħażen, qerq, libertinaġġ, bluha.
Dal-ħażen kollu minn ġewwa joħroġ u jtabba’ lill-bniedem.
U qam minn hemm, u mar fl-inħawi ta’ Tir u Sidon, u daħal f’dar, u ried li ħadd ma jkun jaf b’dan: iżda ma satax jinħeba.
Għax waħda mara, li bintha ż-żgħira kellha spirtu mniġ-ġes, semgħet bih, u ġiet u nxteħtet f’riġlejh:
Il-mara kienet Griega, Sirofenissa minn ġensha; u talbitu biex ikeċċi d-demonju minn bintha.
U qalilha Ġesù: Ħa jixbgħu l-ewwel l-ulied: għax mhux xieraq li tieħu l-ħobż tal-ulied, u tixħtu lill-klieb.
U wieġbet, u qaltlu: Iva, Mulej: imma l-klieb taħt il-mejda jieklu mill-frak tal-ulied.
U qalilha: Minħabba dal-kliem mur; id-demonju ħareġ minn bintek.
U xħin waslet f’darha, sabet li d-demonju kien ħareġ, u bintha mixħuta fuq is-sodda.
U raġa’ ħareġ mill-inħawi ta’ Tir u Sidon, u ġie ħdejn il-baħar tal-Galilija, min-nofs l-inħawi ta’ Dekapoli.
U ġibulu wieħed li kien trux, li kien ibati biex jitkellem; u talbuh bil-ħrara biex iqiegħed idu fuqu.
U ħadu fil-ġenb mill-ġemgħa tan-nies, u qiegħed sub-għajh f’widnejh, u beżaq, u mess ilsienu;
U hu u jħares lejn is-sema, tniegħed, u qallu: Effata, jiġi-fieri: Infetaħ.
U minnufih widnejh infetħu, u r-rabta ta’ lsienu nħallet, u tkellem sewwa.
U wissiehom biex ma jgħidu lil ħadd: iżda aktar ma kien iwissihom, aktar iżjed kienu jxandruh.
U kienu mistagħġbin bla qjies, billi kienu jgħidu: Kollox għamel tajjeb: għamel it-torox jisimgħu, u l-muti jitkellmu.

Mark 8

F’dawk il-jiem billi l-folla tan-nies kienet kbira wisq, u billi ma kellhom xejn x’jieklu, Ġesù sejjaħ lid-dixxipli lejh, u qalilhom:
Għandi ħniena mill-folla tan-nies, għax issa ilhom miegħi tlitt ijiem, u m’għandhom xejn x’jieklu:
U jekk nibgħathom sajmin f’darhom, iħosshom ħażin fit-triq: għax ħafna minnhom ġew mill-bogħod.
U wiġbuh id-dixxipli tiegħu: Minn fejn jista’ xi ħadd hawn ixabba’ bil-ħobż lil dawn f’dan il-post imwarrab?
U staqsiehom: Kemm-il ħobża għandkom? U huma qalu: Sebgħa.
U ordna lin-nies joqogħdu bil-qiegħda fl-art; u ħa s-seba’ ħobżiet, u iżżaħajr, u qasam, u ta lid-dixxipli tiegħu biex inewlulhom; u newlu lin-nies.
U kellhom ftit ħut żgħir; u berikhom, u ordna li jnew-luhomlhom ukoll.
U kielu, u xebgħu: u ġabru mill-biċċiet li kien fadal sebat iqfief.
U dawk li kielu kienu madwar erbat elef; u bagħathom.
U minnufih tala’ fid-dgħajsa mad-dixxipli tiegħu, u ġie fl-inħawi ta’ Dalmanuta.
U l-Fariżej ħarġu, u bdew jitlewmu miegħu, billi riedu minnu sinjal mis-sema, biex iġarrbuh.
U tniegħed qawwi fl-ispirtu tiegħu u qal: Għalfejn din il-ġenerazzjoni tfittex sinjal? Tassew ngħidilkom: Ebda sinjal ma jingħata lil din il-ġenerazzjoni.
U ħalliehom, u wara li raġa’ tala’ fuq id-dgħajsa telaq għan-naħa l-oħra.
Issa d-dixxipli nsew jieħdu l-ħobż, u lanqas kellhom fid-dgħajsa magħhom iżjed minn ħobża waħda.
U wissiehom, billi qal: Araw, ħarsu ruħkom mill-ħmira tal-Fariżej, u mill-ħmira ta’ Erodi.
U tkellmu bejniethom, billi qalu: Għax m’għandniex ħobż.
U meta Ġesù għaraf dan, qalilhom: X’intom tgħidu, għax m’għandkomx ħobż? Għadkom ma tagħrfux, u lanqas tif-hmu? Għad għandkom qalbkom iebsa.
Għandkom għajnejn, u ma tarawx? U għandkom wid-nejn, u ma tisimgħux? U ma tiftakrux?
Meta qsamt il-ħames ħobżiet għall-ħamest elef, kemm-il qoffa mimlikja biċċiet ġbartu? Qlulu: Tnax.
U meta seba’ ħobżiet bejn erbat elef, kemm-il qoffa mimlija biċċiet ġbartu: U qalulu: Sebgħa.
U qalilhom: Kigf ma tifhmux?
U ġie f’Betsajda; u ġibulu raġel agħma, u talbuh bil-ħrara biex imissu.
U qabad min idu r-raġel agħma, u ħarġu mir-raħal; u qiegħed idejh fuqu, staqsieh jekk jarax xi ħaġa.
U dak ħares ’il fuq, u qal: Nara rġiel qishom siġar jimxu.
Wara dan raġa’ qiegħed idejh fuq għajnejh: u ġagħalu jħares ’il fuq; u kien imfejjaq u ra lil kulħadd ċar.
U bagħatu daru, billi qal: La tidħolx fir-raħal, u la tgħid lil ħadd b’dan fil-belt.
U Ġesù ħareġ mad-dixxipli tiegħu, għal l-irħula ta’ Ċes-arija Filippi: u fit-triq staqsa lid-dixxipli tiegħu, billi qalilhom: Min igħidu n-nies li jien?
U wieġbu: Ġwanni l-Battista; iżda x’uħud Elija; u oħrajn: Wieħed mill-profeti.
U qalilhom: Iżda intom min tgħidu li jien? U Pietru wieġbu, u qallu: Inti l-Kristu.
U wissiehom biex ma jgħidu lil ħadd fuqu.
U beda jgħallimhom, li Bin il-bniedem għandu jbati ħafna ħwejjeġ, u jinċaħad mill-anzjani, u mill-qassisin il-kbar, u l-iskribi, u jinqatel, u wara tlitt ijiem iqum mill-ġdid.
U qal dan il-kliem fil-beraħ. U Pietru ħadu fil-ġenb, u beda jċanfru.
Iżda wara li dar u ħares lejn id-dixxipli tiegħu ċanfar lil Pietru, billi qal: Lura minni, Satana: għax int ma tħabbilx moħħok bil-ħwejjeġ ta’ Alla, iżda bil-ħwejjeġ tal-bnedmin.
U meta sejjaħ in-nies lejh mad-dixxipli tiegħu wkoll, qalilhom: Kull min irid jiġi warajja, ħa jiċħad lilu nnifsu, u jarfa’ salibu, u jiġi warajja.
Għax kull min irid isalva ħajtu jitlifha; iżda kull min jitlef ħajtu minħabba fija u l-evanġelju, dan isalvaha.
Għax x’jiswielu bniedem, jekk jirbaħ id-dinja kollha, u jitlef ruħu stess?
Jew x’jagħti bniedem b’bidla ma’ ruħu?
Kull min mela jistħi minni u minn kliemi fost din il-ġenerazzjoni adultera u midinba; Bin il-Bniedem ukoll jistħi minnu meta jiġi fil-glorja ta’ Missieru ma’ l-anġli mqaddsa.

Mark 9

U qalilhom: Tassew ngħidilkom: Hemm x’uħud milli qegħdin hawn, li ma jduqux il-mewt, qabel ma jaraw is-saltna t’Alla ġejja bil-qawwa.
U wara sitt ijiem Ġesù ħa miegħu lil Pietru, u lil Ġakbu, u lil Ġwanni u ġiebhom fuq muntanja għoja għalihom weħidhom: u tbiddel quddiemhom.
U ħwejġu saru jiddu, bojod wisq daqs is-silġ; illi ebda wieħed li jnaddaf id-drapp ma jista’ jġibhom bojod daqshekk f’wiċċ l-art.
U hemm dehrilhom Elija ma’ Mosè: u kienu jitkellmu ma’ Ġesù.
U wieġeb Pietru u qal lil Ġesù: Mgħallem, tajjeb għalina li nkunu hawn: ħa nagħmlu tliet tined; waħda għalik, u waħda għal Mosè, u waħda għal Elija.
Għax ma kienx jaf x’qiegħed igħid; għax kienu beżgħa-nin wisq.
U kien hemm sħaba li għattiethom: u ġie leħen mis-sħaba jgħid: Dan hu Ibni l-għażiż: Isimgħuh.
U minnufih, xħin ħarsu madwarhom, ma raw lil ħadd iżjed, ħlief lil Ġesù biss magħhom.
U huma u neżlin mill-muntanja, ordnalhom illi ma jgħidu lil ħadd xi ħwejjeġ raw, sakemm Bin il-bniedem ikun qam mill-imwiet.
U żammew dil-kelma fihom infushom, billi kienu jistaqsu lil xulxin x’jiġifieri l-qawmien mill-imwiet.
U staqsewh, igħidu: Għaliex l-iskribi jgħidu li Elija għandu jiġi l-ewwel?
U wieġeb u qalilhom: Tassew li Elija jiġi l-ewwel, u jqiegħed kollox f’loku; u kif inhu miktub għal Bin il-bniedem, li jaħtieġ ibati wisq, u jiżżeblah.
Iżda ngħidilkom: Elija tassew ġie, u għamlulu kulma xtaqu, kif inhu miktbu fuqu.
U malli ġie fejn id-dixxipli tiegħu, ra folla kbira ta’ nies madwarhom, u l-iskribi jitlewmu magħhom.
U minnufih in-nies kollha, x’ħin rawh, stagħġbu wisq, u ġrew lejh u sellmulu.
U staqsa lill-iskribi: “X’kontu titlewmu magħhom?
U wieġeb wieħed mill-folla tan-nies u qal: Mgħallem, ġibt għandek lil ibni, li għandu spirtu mutu;
U kulfejn jieħdu, iħabbtu ma’ l-art: u hu joħroġ ir-ragħwa, u jgħażgħaż snienu, u jintilef: u jien tkellimt mad-dixxipli tiegħek biex ikeċċuh; u ma setgħux.
Wieġbu, u qal: Ja ġenerazzjoni bla fidi, kemm sa ndum magħkom? Kemm sa ndum nissaportikom? Ġibuhuli.
U ġibuhulu: u meta rah, minnufih l-ispirtu ħabbtu; u waqa’ fl-art, u hu u jitmiegħek beda joħroġ ir-ragħwa.
U staqsa lil missieru: Minn kemm ilu li ġralu dan? U dak qal: Mindu kien tarbija.
U bosta drabi xeħtu fin-nar, u fl-ilma, biex jeqirdu; iżda jekk tista’ tagħmel xi ħaġa, ikollok ħniena minna, u għinna.
U qallu Ġesù: Jekk tista’ temmen, kollox hu possibbli għal min jemmen.
Minnufih missier it-tifel għajjat, u qal bid-dmugħ: Nem-men, Mulejja; għin int in-nuqqas tat-twemmin tiegħi.
X’ħin Ġesù ra li n-nies ġew jiġru flimkien, ċanfar l-ispirtu mniġġes, billi qallu: Ja spirtu mutu u trux, ngħidlek: Oħroġ minnu, u tidħolx iżjed fih.
U l-ispirtu għajjat, u ħabbtu bis-sħiħ, u ħareġ minnu: u dak kien qisu mejjet; hekk li ħafna qalu: Miet.
Iżda Ġesù qabdu minn idu, u refgħu; u dak qam.
U xħin daħal id-dar id-dixxipli tiegħu staqsewh bejnu u bejnhom: Għaliex ma stajniex inkeċċuh?
U qalilhom: Dan ix-xorta b’xejn ma jista’ joħroġ, ħlief bit-talb.
U telqu minn hemm, u għaddew mill-Galilija; u ried li ħadd ma jkun jaf b’dan.
Għax hu għallem lid-dixxipli tiegħu, u qalilhom: Bin il-bniedem jingħata f’idejn il-bnedmin, u joqtluh; u wara li jin-qatel, iqum mat-tielet jum.
Iżda huma ma fehmux dal-kliem, u kienu jibżgħu jistaq-suh.
U wasal Kafarnahum; u kif daħal id-dar staqsiehom: Fuqiex kontu titlewmu bejnietkom fit-triq?
Iżda huma baqgħu sektin: għax fit-triq kienu tlewmu bejniethom, fuq min ikun l-akbar.
U qagħad bil-qiegħda, u sejjaħ lit-tnax, u qalilhom: Jekk wieħed jixtieq ikun l-ewwel, dan ikun l-aħħar fost kulħadd, u qaddej ta’ kulħadd.
U ħa tifel żgħir, u qiegħed f’nofshom; u wara li ħadu f’dirgħajh, qalilhom:
Min jilqa’ f’ismi wieħed minn dawn it-tfal, jilqa’ lili: u kull min jilqa’ lili, jilqa’ mhux lili, iżda lil dak li bagħatni.
U wieġeb Ġwanni, billi qal: aħna rajna wieħed ikeċċi d-demonji f’ismek, u ma ġiex warajna; u aħna ma ħallejniehx, għax ma ġiex warajna.
Imma qal Ġesù: La żżommuhx: għax m’hemm ebda bniedem li jagħmel miraklu f’ismi, li jista’ malajr wara igħid deni fuqi.
Għax min mhuwiex kontra tagħna hu magħna.
Għax min jagħtikom tazza ilma biex tixorbu f’ismi, għax intom ta’ Kristu, tassew ngħidilkom, ma jitlifx il-ħlas tiegħu.
U min ifixkel wieħed minn dawn iż-żgħar li jemmnu fija, aħjar ikun għalih li tidedendel ġebla ta’ mitħna m’għonqu, u jinxteħet il-baħar.
U jekk idek tfixklek, aqtagħha; aħjar ikun għalik li tidħol immankat fil-ħajja, milli jkollok żewġ idejn biex tmur fl-infern, fin-nar li ma jintefa’ qatt.
Fejn id-duda tagħhom ma tmutx, u n-nar ma jintefiex.
U jekk sieqek tfixklek, aqtagħha: aħjar ikun għalik li tidħol zopp fil-ħajja, milli jkollok żewġ saqajn biex tintafa’ fl-infern, fin-nar li ma jintefa qatt.
Fejn id-duda tagħhom ma tmutx, u n-nar ma jintefiex.
U jekk għajnek tfixklek, aqlagħha: aħjar ikun għalik li tidħol fis-saltna t’Alla b’għajn waħda, milli jkollok żewġ għaj-nejn biex tintafa’ fin-nar tal-infern.
Fejn id-dud tagħhom ma jmutx u fejn in-nar ma jintefiex.
Għax kulħadd ikun immellaħ bin-nar.
Tajjeb il-melħ; iżda jekk il-melħ jitlef imluħitu, biex is-sewwuh? Ħa jkollkom il-melħ fikom infuskom, u ħa jkollkom is-sliem bejnietkom.

Mark 10

U qam minn hemm, u ġie fl-inħawi tal-Lhudija ’l hinn mill-Ġordan: u n-nies reġgħu ġew lejh; u hu, bħal ma kien jagħ-mel dari, raġa’ għallimhom.
U ġew għandu l-Fariżej, u staqsewh, biex iġarrbuh: Jix-raq li raġel ikecci lil martu?
U wieġeb, u qalilhom: X’ordnalkom Mosè?
U qalu: Mosè ħalla li tinkiteb il-kitba tad-divorzju, u titkeċċa.
U wieġeb Ġesù, u qalilhom: Minħabba l-ebusija ta’ qalbkom kitbilkom dal-preċett.
Iżda mill-bidu tal-ħolqien Alla għamilhom raġel u mara.
Minħabba f’hekk raġel jitlaq lil missieru u lil ommu, u jingħaqad ma’ martu;
U t-tnejn isiru ġisem wieħed: għalhekk ma jibqgħux iżjed tnejn, iżda ġisem wieħed.
Għalhekk dak li Alla għaqqad flimkien, ħa ma jifirdux il-bniedem.
U fid-dar id-dixxipli reġgħu staqsewh fuq din l-istess ħaġa.
U qalilhom: Kull min ikeċċi lil martu, u jiżżewweġ oħra, jikkommetti adulterju kontra tagħha.
U jekk mara tkeċċi lil żewġha, u tiżżewweġ ieħor, tik-kommetti adulterju.
U ġibulu tfal ċkejknin, biex imisshom: iżda d-dixxipli tiegħu ċanfru lil dawk li ġibuhom.
Iżda malli Ġesù ra dan, għadab wisq, u qalilhom: Ħallu t-tfal ċkejknin jiġu għandi; u la żżommuhomx: għax ta’ dawn hija s-saltna t’Alla.
Tassew ngħidilkom: Min ma jilqax is-saltna t’Alla bħal tifel ċkejken, ma jidħolx fiha.
U għannaqhom, u qiegħed idejh fuqhom, u berikhom.
U wara li ħareġ fit-triq, ġie wieħed jiġri, u niżel għar-kobbtejh quddiemu, u staqsieh: Mgħallem tajjeb, x’nagħmel biex niret il-ħajja ta’ dejjem?
U Ġesù qallu: Għax tgħidli tajjeb? M’hemm ħadd tajjeb għajr wieħed, Alla.
Inti taf il-kmandamenti: La tagħmilx adulterju: La toq-tolx: La tisraqx: La tixhidx falz: La timbroljax: Weġġah lil missierek u lil ommok.
U wieġeb, u qallu: Mgħallem, dawn kollha ħarsithom minn żgħożiti.
Imbagħad Ġesù ħares lejh u ħabbu, u qallu: Ħaġa waħda tonqsok: mur, bigħ kulma għandek, u agħtih lill-foqra, u jkollok teżor fis-sema: u ejja, ħu s-salib, u imxi warajja.
U dak sogħobbih għal dal-kliem, u mar qalbu sewda: għax kellu ħafna ġid.
U Ġesù ħares madwaru, u qal lid-dixxipli tiegħu: Kemm hija ħaġa tqila li dawk li għandhom il-għana jidħlu fis-saltna t’Alla!
U d-dixxipli stagħġbu bi kliemu. Imma Ġesù reġa’ wie-ġeb, u qalilhom: Uliedi, kemm hija ħaġa tqila għal dawk li jittamaw fil-għana biex jidħlu fis-saltna t’Alla!
Eħfef li ġemel jgħaddi minn għajn ta’ labra, milli raġel għani jidħol fis-saltna t’Alla.
U kienu jistagħġbu bla qjies, billi jgħidu bejniethom: Min mela jista’ jkun salvat?
U Ġesù, hu u jħares lejhom, qal: Għall-bnedmin dan hu impossibbli; iżda mhux ma’ Alla. Għax il-ħwejjeġ kollha huma possibbli għal Alla.
Imbagħad Pietru beda jgħidlu: Ara, aħna ħallejna kollox, u ġejna warajk.
U wieġeb Ġesù, u qal: Tassew ngħidilkom: M’hemm ebda bniedem li telaq id-dar, jew lil ħutu subien, jew lil ħutu bniet, jew lil missieru, jew lil ommu, jew lil martu, jew lil uliedu, jew artijiet, minħabba fija, u minħabba l-evanġelju.
Li ma jieħux mitt darba iżjed issa f’dan iż-żmien, djar, u aħwa subien u bniet, u ommijiet u wlied, u artijiet, bil-per-sekuzzjonijiet; u fiż-żmien li ġej ħajja ta’ dejjem.
Imma ħafna li huma l-ewwel ikunu l-aħħar; u l-aħħar l-ewwel.
U kienu fit-triq telgħin Ġerusalemm; u Ġesù kien miexi quddiemhom: u kienu mistagħġbin; u huma u mexjin wara, kienu mbeżżgħin. U raġa’ ħa t-tnax, u beda jgħidilhom x’kellu jiġrilu.
Billi qal: Araw, aħna telgħin Ġerusalemm; u Bin il-bnie-dem jingħata f’idejn il-qassisin il-kbar, u lill-iskribi; u jikkun-dannawh għall-mewt, u jagħtuh f’idejn il-Ġentili.
U jiddieħku bih, u jsawtuh, u jobżqulu, u joqtluh: u fit-tielet jum jarġa’ jqum.
U resqu lejn Ġakbu u Ġwanni, ulied Żebedew, igħidu: Mgħallem, irridu li tagħmlilna kulma nixtiequ.
U qalilhom: Xi tridu li jien nagħmel għalikom?
Qalulu: Agħtina li aħna noqogħdu, wieħed fuq il-lemin tiegħek, u l-ieħor fuq ix-xellug tiegħek, fil-glorja tiegħek.
Imma qalilhom Ġesù: Ma tafux x’titolbu: tistgħu tixor-bu mit-tazza li nixrob minnha jien? U titgħammdu bil-magħmu-dija li biha mgħammed jien?
U qalulu: Nistgħu. U qalilhom Ġesù: Intom tixorbu tabi-lħaqq mit-tazza li nixrob jien; u titgħammdu bil-magħmudija li biha mgħammed jien:
Iżda biex toqgħodu fuq idi l-leminija u fuq idi x-xel-lugija mhux għalija li nagħti; iżda jingħata lil dawk li għalihom ġie mhejji.
Il-għaxra l-oħra, meta semgħu dan, saħnu għal Ġakbu u għal Ġwanni.
Iżda Ġesù sejħilhom u qalilhom: ‘Tafu intom, dawk in-nies, li l-bnedmin igħodduhom bħala kapijiet tal-Ġentili, jaħ-kmu fuqhom, u l-kbarat tagħhom għandhom jedd fuqhom.
Iżda fostkom ma għandux ikun hekk, imma min irid ikun kbir fostkom, għandu jkun qaddej tagħkom,
U kull min irid ikun l-ewwel fostkom, għandu joqgħod ilsir ta’ kulħadd.
Għax hekk ukoll Bin il-bniedem, hu ma ġiex biex ikun moqdi, imma biex jaqdi u biex jagħti ħajtu b’fidwa għall-ħafna.
U waslu Ġeriko: u hu u ħiereġ minn Ġeriko mad-dixxipli tiegħu u ma’ folla kbira ta’ nies, Bartimew l-agħma, bin Timew, kien qiegħed bil-qiegħda mal-ġenb tat-triq jitlob.
U kif sama’ li kien Ġesù ta’ Nażaret, beda jgħajjat, u jgħid: Ġesù, bin David, ikollok ħniena minni!
U ħafna ċanfruh biex joqgħod kwiet: iżda beda jgħajjat wisq aktar: Int, bin David, ikollok ħniena minni.
U waqaf Ġesù, u ordna li jsejħulu. U sejħu lir-raġel agħma, billi qalulu: Qawwi qalbek, qum; qiegħed isejjaħlek.
U dak, hu u jarmi ħwejġu, qam, u resaq lejn Ġesù.
U Ġesù wieġeb u qallu: Xi trid li jien nagħmel għalik? Qallu r-raġel agħma: Rabboni, li nerġa’ nieħu d-dawl.
U qallu Ġesù: Mur; il-fidi tiegħek fejqitek. U minnufih ħa d-dawl, u mar wara Ġesù fit-triq.

Mark 11

U x’ħin qorbu lejn Ġerusalemm, lejn Betfaġe u Betanja, fejn il-Muntanja taż-Żebbuġ, bagħat tnejn mid-dixxipli tiegħu,
U qalilhom: Morru fir-raħal li qiegħed in-naħa l-oħra tagħkom: u hekk kif tidħlu fih, issibu felu marbut, li fuqu ebda bniedem għandu ma qagħad; ħolluh, u ġibuh.
U jekk xi ħadd igħidilkom: X’intom tagħmlu? għidu li l-Mulej għandu bżonnu; u malajr jibagħtu hawn.
U marru, u sabu l-felu marbut ħdejn il-bieb f’ras żewġ toroq; u ħallewh.
U x’uħud minn dawk li kienu hemm qalulhom: X’intom tagħmlu, tħollu l-felu?
U qalulhom bħal ma kien ordna Ġesù: u ħallewhom imorru.
U ġiebu l-felu għand Ġesù, u tefgħu fuqu ħwejjiġhom; u rikeb fuqu.
U ħafna firxu ħwejjiġhom fit-triq; u oħrajn qatgħu friegħi mis-siġar, u ferrxuhom fl-art.
U dawk li marru quddiem, u dawk li ġew wara, għajtu, igħidu: Osanna; Imbierek dak li ġej f’isem il-Mulej:
Imbierka s-saltna ta’ missierna David, li ġejja f’isem il-Mulej: Osanna fl-ogħla.
U Ġesù daħal Ġerusalemm, u fit-tempju; u meta ħares lejn kollox, billi issa kien ġa tard, ħareġ għal Betanja mat-tnax.
U l-għada, meta ġew minn Betanja, ħadu l-ġuħ.
U kif ra fil-bogħod siġra tat-tin li kellha l-weraq, ġie, biex jara jekk isibx xi ħaġa fuqha; u xħin wasal fejnha, ma sab xejn ħlief weraq; għax ma kienx għadu żmien it-tin.
U wieġeb Ġesù, u qalilha: Qatt ħadd iżjed għal dejjem ma jiekol frott minnek. U d-dixxipli tiegħu semgħu dan.
U ġew Ġerusalemm: u Ġesù daħal fit-tempju, u beda jkeċċi ’l barra lil dawk li kienu jbigħu, u lil dawk li kienu jixtru fit-tempju, u qaleb l-imwejjed tas-sarrafa, u l-banketti ta’ dawk li kienu jbigħu l-ħamiem;
U ma ried iħalli lil ħadd iġorr ebda ħaġa fit-tempju.
U kien igħallem, billi jgħidilhom: Mhux miktub: Id-dar tiegħi tissejjaħ dar tat-talb għall-ġnus kollha? iżda intom għamiltuha għar tal-ħallelin.
U l-qassisin il-kbar u l-iskribi semgħu dan, u bdew ifitt-xu kif jeqerduh: għax kienu jibżgħu minnu, għax in-nies kollha kienet mgħaġġba fuq it-tagħlim tiegħu.
U meta kien isir fil-għaxija, kien joħroġ mill-belt.
U filgħodu, huma u għaddejjin, raw is-siġra tat-tin niex-fa mill-għeruq.
U x’ħin Pietru ftakar, qallu: Mgħallem, ara, is-siġra tat-tin li int sħett nixfet.
U wieġeb Ġesù, igħidilhom: Ikollkom fidi f’Alla.
Għax tassew ngħidilkom: Li kull min igħid lil dil-mun-tanja: Inqala’, u nxteħet il-baħar; u f’qalbu ma jkollux dubju, iżda jemmen li dawk il-ħwejjeġ li qal isiru; ikollu kulma qal.
Għalhekk ngħidilkom: Il-ħwejjeġ kollha li tixtiequ, intom u titolbu, emmnu li taqalgħuhom, u intom teħduhom.
U intom u titolbu, aħfru, jekk għandkom xi ħaġa kontra xi ħadd; biex Missierkom li jinsab fis-smewwiet jaħfrilkom dnubietkom ukoll.
(Iżda jekk intom ma taħfrux, lanqas Missierkom li jinsab fis-smewwiet ma jaħfrilkom dnubietkom)
U reġgħu ġew Ġerusalemm: u hu u miexi fit-tempju, res-qu fejnu l-qassisin il-kbar, u l-iskribi, u l-anzjani;
U qalulu: Bl-awtorità ta’ min tagħmel dawn il-ħwejjeġ? U min tak din l-awtorità li tagħmel dawn il-ħwejjeġ?
U wieġeb, u qalilhom Ġesù: Jien ukoll nistqasikom ħa-ġa, u wiġbuni, u ngħidilkom b’liema awtorità nagħmel dawn il-ħwejjeġ.
Il-magħmudija ta’ Ġwanni, kienet mis-sema, jew mill-bnedmin? Wiġbuni.
U huma tkellmu bejniethom, billi qalu: Jekk ngħidu: Mis-sema; igħid: Mela għax ma emmintuhx?
Iżda jekk ngħidu: Mill-bnedmin, kienu jibżgħu mill-folla: għax kulħadd kien iżomm lil Ġwanni bħala tabilħaqq profeta.
U wieġbu, u qalu lil Ġesù: Ma nafux. U Ġesù wieġeb, qalilhom: Lanqas ma ngħidilkom jien b’liema awtorità nagħmel dawn il-ħwejjeġ.

Mark 12

U beda jitkellem magħhom bil-parabboli. Wieħed raġel ħawwel għalqa dwieli, u dawwar ħajt madwarha, u ħaffer ħorfa għall-magħsra, u bena torri, u qabbilha lill-bdiewa, u mar f’paj-jiż fil-bogħod.
U fl-istaġun tal-għeneb bagħat qaddej għand il-bdiewa, biex jieħu minn għand il-bdiewa l-frott tal-għalqa tad-dwieli.
U huma qabduh, u sawtuh, u bagħtuh lura b’xejn.
U raġa’ bagħtilhom qaddej ieħor; u lil dan tefgħulu l-ġebel, u ferewh f’rasu, u bagħtuh lura mżeblaħ.
U raġa’ bagħat ieħor; u lil dan qatluh; u bosta oħrajn; lil x’uħud sawtuhom, u lil x’uħud qatluhom.
Wieħed kien baqagħlu, iben għażiż, u bagħathulhom ukoll l-aħħar wieħed, billi qal: Iġibulu rispett lil ibni.
Imma dawk il-bdiewa qalu bejniethom: Dan hu l-wer-riet; ejjew, ħa noqtluh, u l-wirt ikun tagħna.
U qabduh, u qatluh, u tefgħuh barra mill-għalqa.
X’jagħmel mela sid il-għalqa? Jiġi u jeqred il-bdiewa, u jagħti l-għalqa tad-dwieli lil nies oħra.
U ma qrajtux din l-iskrittura: Il-ġebla li l-benejja ma ridux saret għareb:
Dan kien mill-Mulej, u hu ħaġa tal-għaġeb quddiem għajnejna?
U riedu jaqbduh, iżda beżgħu mill-poplu; għaliex għarfu li kien tkellem il-parabbola għalihom: u ħallewh, u marru.
U bagħtulu x’uħud mill-Fariżej u mill-Erodjani, biex jaqbduh fi kliemu.
U malli ġew, qalulu: Mgħallem, aħna nafu li int raġel sewwa, u ma żżomm ma’ ħadd: għax ma tħarisx lejn wiċċ il-bnedmin, iżda tgħallem it-triq ta’ Alla fil-verità: Huwa skont il-liġi li nħallsu t-taxxi lil Ċesri, jew le?
Għandna jew m’għandniex inħallsuhom? Iżda hu, billi kien jaf l-ipo-kresija tagħhom, qalilhom:” Għaliex iġġarbuni? ġibuli dinier, biex narah.
U ġibuhulu. U qalilhom: Ta’ min hi dix-xbieha u l-kitba? Wiġbuh: Ta’ Ċesri.
U Ġesù wieġeb, qalilhom: Agħtu lil Ċesri, dak li hu ta’ Ġesri; u lil Alla, dak li hu ta’ Alla. U stagħġbu bih.
U ġew għandu s-Sadduċej, li jgħidu li m’hemmx qawmien mill-imwiet; u staqsewh, billi qalu:
Mgħallem, Mosè kitbilna: Jekk ħu raġel imut, u jħalli lil martu warajh, u ma jħallix ulied, ħuh għandu jiżżewweġ l-armla, biex iqajjem nisel lil ħuh.
Issa kien hemm sebat aħwa: u l-ewwel wieħed iżżew-weġ mara, u miet mingħajr ma ħalla nisel.
U t-tieni ħadha, u miet, u lanqas ħalla nisel: u l-istess it-tielet:
U s-sebgħa żżewwiġha, u ma ħalliex nisel: il-mara miet-et ukoll, l-aħħar fost kollha.
Mela fil-qawmien, meta jqumu, mart min minnhom tkun? għalliex is-sebgħa żżewġuha.
Wieġeb Ġesù, qalilhom: Mhux għalhekk tiżbaljaw, għax la tafu l-iskrittura, u lanqas is-setgħa ta’ Alla?
Għax meta jqumu mill-imwiet, la jiżżewġu, u la jin-għataw għaż-żwieġ; iżda jkunu bħall-anġli fis-smewwiet.
U dwar il-mejtin, li jqumu; ma qrajtux fil-ktieb ta’ Mosè, kif Alla tkellem miegħu qalb il-għolliq, billi qal: Jien hu Alla ta’ Abraham, u Alla ta’ Iżakk, u Alla ta’ Ġakobb?
Hu mhux Alla tal-mejtin, iżda Alla tal-ħajjin: Intom mela qegħdin fi żball kbir.
U resaq wieħed mill-iskribi, u billi semagħhom jitkell-mu flimkien, u kien jaf li weġibhom tajjeb, staqsieh: Liema hu l-ewwel kmandament fost kollha?
U wieġbu Ġesù: L-ewwel fost il-kmandamenti kollha hu: Isma’, ja Iżrael; Il-Mulej, Alla tagħna, hu Mulej wieħed:
U int tħobb il-Mulej, Alla tiegħek, b’qalbek kollha, u b’ruħek kollha, u b’dehnek kollu, u b’saħħtek kollha: dan hu l-ewwel kmandament.
It-tieni hu dan: Ħobb il-proxxmu tiegħek bħalek innifsek. M’hemm ebda kmandament ieħor akbar minn dawn.
Qallu l-kittieb: Sewwa qiegħed tgħid, Mgħallem: għan-dek raġun tgħid li wieħed hemm, u li ma hemmx ieħor ħliefu.
U li tħobbu bil-qalb kollha, u bid-dehen kollu, u bir-ruħ kollha, u bis-saħħa kollha, u li wieħed iħobb il-proxxmu tiegħu bħalu nnifsu, hi ħaġa akbar mill-offerti maħruq u s-sagrifiċċji kollha.
U meta Ġesù ra li wieġeb bil-għaqal qallu: Int m’intix ’il bogħod mis-saltna t’Alla. U ħadd wara dan ma kellu ħila jistaqsih ħaġa oħra.
U wieġeb Ġesù, u hu u jgħallem fit-tempju, qal: Kif igħidu l-iskribi li Kristu hu bin David?
Għax David innifsu jgħid bl-Ispirtu Qaddis: Il-Mulej qal lil Sidi: Oqgħod fuq il-lemin tiegħi, sa ma nqiegħed l-għedewwa tiegħek b’mirfes riġlejk.
Mela David innifsu sejjaħlu sidu; u mnejn mela hu ibnu? U l-ġemgħa tan-nies ħadet pjaċir tisimgħu.
U fit-tagħlim tiegħu kien igħidilhom: Ħarsu ruħkom mill-iskribi, li jħobbu jimxu lebsin b’ilbiesi twal, u jħobbu t-tislim fis-swieq.
U l-ewwel siġġijiet fis-sinagogi, u l-ewwel postijiet fl-ikliet ta’ fil-għaxija:
Li jibilgħu d-djar tar-romol, u b’turija jagħmlu talb twil: dawn ikollhom kundanna akbar.
U Ġesù qagħad bil-qiegħda man-naħa l-oħra tat-teżor, u qagħad jara kif in-nies kienu jitfgħu l-flus fit-teżor: u bosta li kienu għonja kienu jitfgħu ħafna.
U ġiet waħda armla fqira, u tefgħet żewġ muniti żgħar ta’ ftit valur.
U sejjaħ lejh id-dixxipli tiegħu, u qalilhom: Tassew ngħidilkom: Din l-armla tefgħet iktar minn dawk kollha li tefgħu fit-teżor:
Għaliex ilkoll tefgħu miż-żejjed tagħhom; iżda hi mill-faqar tagħha tefgħet kulma kellha: l-għajxien kollu tagħha.

Mark 13

U hu u ħiereġ mit-tempju, wieħed mid-dixxipli tiegħu qallu: Mgħallem, ara x’ġebel kbir u x’bini kbir hawn!
U Ġesù wieġeb, qallu: Tara int dal-bini kbir? Ma tit-ħalliex ħaġra fuq oħra, li ma tinħattx.
U hu u qiegħed fuq il-għolja taż-Żebbuġ man-naħa l-oħra tat-tempju, Pietru, u Ġakbu, u Ġwanni, u Indri, staqsewh bejnu u bejnhom:
Għidilna, meta jiġru dawn il-ħwejjeġ? U xi jkun is-sinjal meta dawn il-ħwejjeġ kollha jseħħu?
U weġibhom Ġesù, u beda jgħid: Araw illi ħadd ma jqarraq bikom:
Għax ħafna jiġu f’ismi jgħidu: Jien hu, u jqarrqu b’ħafna.
U meta tisimgħu bi gwerer u għidut ta’ gwerer, la tit-ħawdux: għaliex jaħtieġ li ħwejjeġ bħal dawn jiġru: iżda t-tmiem ikun għadu ma wasalx.
Għax nazzjon iqum għal nazzjon, u saltna għal saltna: u jkun hemm theżhiż tal-art f’ħafna nħawi, u jkun hemm ġuħ u tixwix: dawn il-ħwejjeġ huma l-bidu tal-weġgħat.
Imma ħarsu lilkom infuskom: għax jagħtukom f’idejn il-kunsilli; u tissawtu fis-sinagogi; u tinġiebu quddiem ħakkie-ma u slaten minħabba fija, b’xhieda għalihom.
U l-evanġelju għandu l-ewwel jixxandar lill-ġnus kollha.
Iżda meta jeħdukom, u jagħtukom f’idejhom, la toqgħo-dux taħsbu minn qabel x’sejrin tgħidu, u lanqas titħassbu minn qabel: iżda tkellmu dak kollu li jingħatalkom f’dak il-waqt: għax ma tkunux intom li titkellmu, iżda l-Ispirtu Qaddis.
Issa, wieħed mill-aħwa jagħti lil ħuh għall-mewt, u l-missier lil Ibnu; u l-ulied iqumu għall-ġenituri tagħhom, u jġi-buhom li jieħdu l-mewt.
U tkunu mibgħudin mill-bnedmin kollha minħabba ismi: iżda min iżomm qawwi sa l-aħħar, dan ikun salvat.
Iżda meta taraw il-għajb tal-ħerba, tat-tempju fejn ma għandhiex tkun, ħa jifhem min jaqra!—imbagħad dawk li jkunu fil-Lhudija ħa jaħarbu fuq il-muntanji:
U min ikun fuq il-bejt ħalli ma jinżilx, u lanqas jidħol ġewwa, biex jieħu xi ħaġa mid-dar:
U min ikun fil-għalqa ħalli ma jmurx lura biex jieħu lbiesu.
Iżda għali kbir, għall-ħbiela, u għal dawk li jreddgħu f’dawk il-jiem!
U itolbu li l-ħarba tagħkom ma tkunx fix-xitwa.
Għax f’dawk il-jiem ikun hemm għali, li bħalu mill-bidu tal-ħolqien li ħoloq Alla s’issa qatt ma kien hemm, u lan-qas ikun hemm.
U jekk il-Mulej ma jkunx qassar dawk il-jiem, ebda bniedem ma jkun salvat: iżda minħabba l-maħturin, li ħatar, hu qassar il-jiem.
Imbagħad jekk xi ħadd jgħidilkom: Ara hawn hu Kristu; jew, ara, hemm hu; la temmnuħx.
Għax iqumu Kristijiet foloz, u profeti foloz, u juru sinjali u għeġubijiet, biex iqarrqu, jekk jista’ jkun, bil-maħturin ukoll.
Iżda ħarsu sewwa, ara jien għidtilkom kollox minn qabel.
Iżda f’dawk il-jiem, wara dik it-tribulazzjoni, ix-xemx tiddal-lam, u l-qamar ma jagħtix id-dawl tiegħu.
U l-kwiekeb tas-sema jaqgħu u l-qawwiet li huma fis-smewwiet jitheżhżu.
Imbagħad jaraw lil Bin il-bniedem ġej fis-sħab b’qaw-wa kbira u glorja.
U mbagħad jibgħat l-anġli tiegħu, u jiġbor flimkien il-maħturin tiegħu mill-erbat irjieħ, minn tarf l-art sa tarf is-sema.
Issa mis-siġra tat-tin itgħallmu parabbola: Meta l-fergħa tagħha tkun għadha ratba, u toħroġ il-weraq, intom tafu li s-sajf wasal:
Hekk intom ukoll, meta taraw dawn il-ħwejjeġ jiġru, kunu afu li qorob, fejn il-bibien.
Tassew ngħidilkom, li din il-ġenerazzjoni ma tgħaddix, sa ma jiġru dawn il-ħwejjeġ kollha.
Is-sema u l-art igħaddu, imma kliemi ma jgħaddix.
Imma b’dak il-jum u b’dik is-siegħa ħadd ma jaf, le, lanqas l-anġli fis-smewwiet, lanqas l-Iben, iżda l-Missier.
Għassu, ishru, u itolbu: għax ma tafux meta jkun iż-żmien.
Bħal bniedem li sejjer fuq vjaġġ, u meta ħalla ’l daru, u ta l-awtorità lill-qaddejja tiegħu, lil kull wieħed xogħlu, u kkmanda lil tal-bieb biex jibqa’ mqajjem.
Ibqgħu intom imqajmin, mela: għax ma tafux meta sid id-dar jiġi; jekk hux filgħaxija, jew f’nofs il-lejl, jew x’ħin jidden is-serduq, jew filgħodu:
Li ma jiġix għal għarrieda, u jsibkom reqdin.
U dak li qiegħed ngħidilkom, ngħidu lil kulħadd: Ishru.

Mark 14

Wara jumejn kienet il-festa tal-għid, u tal-ażżmi: u l-qassisin il-kbar u l-iskribi bdew ifittxu kif jaqbduh bil-qerq, u joqtluh.
Imma qalu: Mhux nhar ta’ festa, li ma jkunx hemm xi rewwixta tal-poplu.
U meta kien Betanja fid-dar ta’ Xmun l-imġiddem, hu u jiekol, ġiet mara li kellha vażett tal-alabastru biż-żejt tal-fwieħa tan-nard safi li jsiwa wisq; u kissret il-vażett, u sawbitu fuq rasu.
U kien hemm x’uħud li għadbu fihom infushom, u qalu: Għalfejn sar dal-ħela taż-żejt tal-fwieħa?
Għax dan sata’ nbiegħ għal aktar minn tliet mitt dinier, u jkunu mogħtija lill-foqra. U gergru kontra tagħha.
U Ġesù qal: Ħalluha; għalfejn iddejquha? Opra tajba għamlet miegħi.
Għax intom għandkom il-foqra dejjem magħkom, u kull meta tkunu tridu tistgħu tagħmlulhom il-ġid: iżda intom m’għandkomx lili dejjem.
Hi għamlet li setgħet: dilket lil ġismi minn qabel għad-difna.
Tassew ngħidilkom: Kull fejn jixxandar dan l-evanġelju fid-dinja kollha, dan ukoll li għamlet jintqal b’tifkira tagħha.
U Ġuda Iskarjota, wieħed mit-tnax, mar għand il-qassisin il-kbar, biex jittradih magħhom.
U meta semgħu dan, ferħu, u wiegħdu li jagħtuh il-flus. U hu fittex il-waqt kif jittradih.
U fl-ewwel jum tal-ażżmi, meta kienu joqtlu l-ħaruf tal-għid, id-dixxipli tiegħu qalulu: Fejn trid li aħna mmorru nippreparaw sabiex tiekol l-ikla l-għid?
U bagħat tnejn mid-dixxipli tiegħu, u qalilhom: Morru l-belt, u hemm jiltaqa’ magħkom raġel iġorr ġarra ilma: morru warajh.
U fejn jidħol, għidu lil sid id-dar: L-Imgħallem qal: Fejn hi l-kamra tal-mistednin, li fiha niekol il-għid mad-dixxipli tiegħi?
U hu jurikom kamra kbira fuq, mifruxa u lesta: hemm hejjulna.
U d-dixxipli telqu, u waslu l-belt, u sabu kif qalilhom: u lestew il-għid.
U filgħaxija gie mat-tnax.
U huma u qegħdin bil-qiegħda jieklu, qal Ġesù: Tassew ngħidilkom: Wieħed minnkom li jiekol miegħi jittradini.
U bdew isewdu qalbhom, u jgħidulu wieħed wieħed: Jaqaw jien? U wieħed ieħor qal: Jaqaw Jien?
U wieġeb u qalilhom: Wieħed mit-tnax; dak li jbill fid-dixx miegħi.
Bin il-bniedem tassew imur, bħalma hu miktub fuqu: iżda għali kbir għal dak li minnu Bin il-bniedem hu ittradut! Kien ikun aħjar għal dak il-bniedem li kieku qatt ma twieled.
U huma u jieklu, Ġesù ħa l-ħobż, u bierku u qasmu, u tahom, u qal: Ħudu, kulu: dan hu ġismi.
U ħa l-kalċi, u wara li radd il-ħajr, tahulhom: u huma lkoll xorbu minnu.
U qalilhom: Dan hu demmi tar-rabta l-ġdida, li hu mxerred għal ħafna.
Tassew ngħidilkom: Jien ma nixrobx iżjed mill-frott tad-dielja, sa dak in-nhar meta nixobru ġdid fis-saltna ta’ Alla.
U wara li kantaw innu, ħarġu għall-għolja taż-Żebbuġ.
U qalilhom Ġesù: Il-lejla lkoll titfixklu minħabba fija: għax hu miktub: Jien nolqot ir-ragħaj, u n-ngħaġ jitferrxu.
Iżda wara l-qawmien tiegħi, jien immur qabilkom fil-Galilija.
Iżda Pietru qallu: Għalkemm kollha jitfixklu, jien le.
U qallu Ġesù: Tassew ngħidlek: Illum, dal-lejl stess, qabel ma jidden darbtejn is-serduq, tkun ċħadtni tliet darbiet.
Iżda dak tkellem iżjed qawwi: Jekk għandi mmut miegħek, ma niċħdek b’xejn. U hekk ukoll qalu lkoll.
U ġew f’post li kien jismu Ġetsemani: u qal lid-dixxipli tiegħu: Oqogħdu hawn, waqt li jien nitlob.
U ħa miegħu lil Pietru, u lil Ġakbu, u lil Ġwanni, u beda jitbażża’, u jiddejjaq wisq;
U qalilhom: Ruħi hija mdejqa wisq għall-mewt: oqogħ-du hawn, u ishru.
U mar ftit ’il quddiem; u waqa’ fl-art, u talab li, jekk jista’ jkun, titbiegħed minnu s-siegħa.
U qal: Abba, Missier, il-ħwsejjeġ kollha huma possibbli għalik; warrab minni dal-kalċi: iżda le dak li rrid jien, imma dak li trid int.
U ġie, u sabhom reqdin, u qal lil Pietru: Xmun, inti rieqed? Ma stajtx tishar għal siegħa?
Ishru, u itolbu, biex ma tidħlux fit-tiġrib: l-ispirtu hu tassew imhejji, iżda l-ġisem hu dgħajjef.
U raġa’ mar, u talab, u qal l-istess kliem.
U meta ġie, raġa’ sabhom reqdin, (għax għajnejhom kienu mtaqqlin,) u lanqas kienu jafu x’iwiġbuh.
U ġie t-tielet darba, u qalilhom: Orqdu issa, ħudu l-mist-rieħ tagħkom: huwa biżżejjed, waslet is-siegħa, ara, Bin il-bniedem sa jingħata f’idejn il-midinbin.
Qumu, immorru; ara, dak li jittradini wasal.
U minnufih, hu u jitkellem, ġie Ġuda, wieħed mit-tnax, u miegħu ġemgħa kbira ta’ nies, bix-xwabel u l-oħra, mill-qassisin il-kbar, u l-iskribi, u l-anzjani.
U dak li ttradih kien tahom sinjal, billi qal: Dak li jien inbus, dak stess hu; aqbduh, u ħuduh imħares sewwa.
U hekk kif wasal, mill-ewwel resaq fuqu, u qal: Rabbi, u biesu.
U xeħtu idejhom fuqu, u ħaduh.
U wieħed minnhom li kien hemm ħareġ xabla, u ta daqqa lill-qaddej tal-qassis il-kbir, u qatagħlu widintu.
U wieġeb Ġesù, u qalilhom: Ħriġtu donnkom għal xi ħalliel, bix-xwabel u bil-bsaten, biex teħduni?
Jien kont kuljum magħkom fit-tempju ngħallem, u ma ħadtunix: iżda l-iskrittura jaħtieġ isseħħ.
U lkoll ħallewh, u ħarbu.
U sejjer warajh kien hemm wieħed żagħżugħ, imgeżwer b’biċċa tal-għażel fuq il-laħam; u ż-żagħżugħ qabduh.
Iżda hu reħa l-biċċa tal-għażel, u ħarab minnhom għarwien.
U ħadu lil Ġesù għand il-qassis il-kbir: u nġemgħu l-qassisin il-kbar kollha u l-anzjani u l-iskribi.
U Pietru baqa’ sejjer warajh mill-bogħod, sa ġewwa l-bitħa tal-qassis il-kbir: u qagħad mal-qaddejja jisħon quddiem in-nar.
U l-qassisin il-kbar u l-kunsill kollu bdew ifittxu xhieda kontra Ġesù biex jagħtuh il-mewt; u ma sabu xejn.
Għax bosta xehdu falz kontra tiegħu, iżda x-xhieda tagħhom ma kenitx taqbel.
U qamu x’uħud, u xehdu falz kontra tiegħu, billi qalu:
Aħna smajnieh igħid: Jien inġarraf dat-tempju magħmul bl-idejn, u fi tlitt ijiem nibni ieħor magħmul mhux bl-idejn.
Iżda lanqas hekk ix-xhieda tagħhom ma qablet.
U l-qassis il-kbir qam fin-nofs, u staqsa lil Ġesù, billi qal: Int xejn ma twieġeb? X’inhu li dawn in-nies qegħdin jixhdu kontra tiegħek?
Imma hu ma tkellem xejn, u ma wieġeb xejn. Raġa’ staqsieh il-qassis il-kbir, u qallu: Inti l-Kristu, Bin l-imbierek?
U Ġesù qal: Jien hu; u għad taraw Bin il-bniedem qiegħed fil-lemin tal-qawwa, u ġej fis-sħab tas-sema.
Imbagħad il-qassis il-kbir qatta’ ħwejġu, u qal: X’għan-dna bżonn iżjed ta’ xhieda?
Smajtu d-dagħwa: X’jidhrilkom? U kollha ikkundan-nawh li hu ħati tal-mewt.
U wħud bdew jobżqulu, u jgħammdulu wiċċu, u jagħtuh bil-ponn, u jgħidulu: Obsor min: u l-qaddejja tawh daqqiet ta’ ħarta.
U x’ħin Pietru kien isfel fil-bitħa, ġiet waħda mill-qaddejja nisa tal-qassis il-kbir:
U meta rat lil Pietru jissaħħan, ħarset lejh, u qalet: U int ukoll kont ma’ Ġesù ta’ Nażaret.
Iżda hu ċaħad, billi qal: Ma nafx, u lanqas nifhem x’inti qiegħda tgħid. U ħareġ barra fil-loġġa; u s-serduq idden.
U l-qaddejja reġgħet ratu, u bdiet tgħid lil dawk li kienu qegħdin hemm: Dan wieħed minnhom.
7 Iżda hu raġa’ ċaħad. U wara ftit, dawk li kienu hemm reġgħu qalu lil Pietru: Tabilħaqq int wieħed minnhom; għax int Galilew, u kliemek jikxfek.
7 Imma hu beda jaħlef u jidgħi, billi qal: Jien ma nafx lil dal-bniedem li fuqu qegħdin titkellmu.
7 U s-serduq raġa’ idden għat-tieni darba. U ftakar Pietru fil-kelma li kien qallu Ġesù: Qabel ma s-serduq jidden darbtejn, tiċħadni tliet darbiet. U meta ħaseb fuq hekk, beka.

Mark 15

U malajr filgħodu l-qassisin il-kbar għamlu laqgħa ma’ l-anzjani u ma’ l-iskribi u mal-kunsill kollu, u rabtu ’l Ġesù, u ħaduh, u tawh f’idejn Pilatu.
U staqsieh Pilatu: Int is-Sultan tal-Lhud? U hu wieġeb, qallu: Int qiegħed tgħid dan.
U l-qassisin il-kbar xlewh f’ħafna ħwejjeġ: iżda huma wieġeb xejn.
U Pilatu raġa’ staqsieh, billi qal: Ma twieġeb xejn? Ara f’kemm ħwejjeġ qegħdin jixluk.
Iżda Ġesù raġa’ ma wieġeb xejn; hekk li Pilatu sta-għġeb.
Issa f’dik il-festa kien jitilqilhom ħabsi, min kienu jix-tiequ.
U kien hemm wieħed Barabba, li kien marbut ma’ dawk lil kienu għamlu rvell miegħu, u li kienu qatlu fl-irvell.
U l-ġemgħa tan-nies hi u tgħajjat talbitu jagħmel kif dejjem għamlilhom.
Iżda Pilatu wieġeb, qalilhom: Tridu nitilqilkom is-Sul-tan tal-Lhud?
Għax hu għaraf li minħabba l-għira l-qassisin il-kbar kienu ġibuhulu.
Iżda l-qassisin il-kbar xewxu n-nies, biex jitilqilhom pjuttost lil Barabba.
U Pilatu raġa’ wieġeb,u qalilhom: Xi tridu mela li jien nagħmel lil dak li tgħidulu s-Sultan tal-Lhud?
U reġgħu għajtu: Sallbu.
Imbagħad qalilhom Pilatu: Għaliex, xi ħsara għamel? U huma aktar għajtu: Sallbu.
U hekk Pilatu, billi ried jogħġob lin-nies, telqilhom lil Barabba, u ta ’l Ġesù, wara li sawtu, biex ikun imsallab.
U s-suldati ħaduh fil-bitħa, imsejħa l-Pretorju; u sejħu flimkien il-qatgħa kollha.
U libbsuh porpra, u nisġu kuruna tax-xewk, u qegħduha madwar rasu.
U bdew isellmulu: Is-sliem, Sultan tal-Lhud!
U tawh fuq rasu b’qasba, u besqulu, u huma u jinżlu għarkobbtejhom, qimuh.
U wara li ddieħku bih, neżżgħuh il-porpra, u libbsuh ħwejġu, u ħarġuh biex isallbuh.
U ġiegħlu lil wieħed Xmun minn Ċirene, li kien għad-dej, ġej mir-raba’, missier Xandru u Rufu, jerfagħlu s-salib tiegħu.
U wassluh f’lok jismu Golgota, li jfisser: Lok il-qor-riegħa.
U tawh jixrob inbid imħallat bil-mirra: iżda ma ħadux.
Imbagħad sallbuh, u qassmu lbiesu, billi tefgħu x-xorti fuqhom, b’kemm kull wieħed jieħu.
U kienet it-tielet siegħa, u sallbuh.
U l-kitba tal-ħtija tiegħu miktuba fuqu kienet: IS-SULTAN TAL-LHUD.
U miegħu sallbu żewġ ħallelin; wieħed fuq il-lemin tiegħu, u l-ieħor fuq ix-xelluq tiegħu.
U seħħet l-iskrittura, li tgħid: U kien magħdud mal-ħżiena.
U dawk li jgħaddu kienu jgħajruh, u jħarrku rashom, u jgħidu: Ah, int li tħott it-tempju, u tibnih fi tlitt ijiem,
Salva lilek innifsek, u inżel mis-salib!
Hekk ukoll il-qassisin il-kbar huma u jiddieħku bejniet-hom ma’ l-iskribi: Salva oħrajn; u ma jistax isalva lilu nnifsu.
Ħa jinżel mis-salib Kristu s-Sultan ta’ Iżrael, biex naraw u memmnu. U dawk li kienu msallbin miegħu kienu jgħajruh.
U meta kienet is-sitt siegħa, kien hemm dalma fuq l-art kollha sad-disa’ siegħa.
U fid-disa’ siegħa Ġesù għajjat b’leħen qawwi, billi qal: Eloj, Eloj, lama sabaqtani? Li tfisser: Alla tiegħi, Alla tiegħi, għaliex ħallejtni.
U x’uħud minnhom li kienu hemm, xħin semgħu dan, qalu: Ara, qiegħed isejjaħ lil Elija.
U wieħed mar jiġri u mela sponża bil-ħall, u qiegħdha fuq qasba, u tah jixrob, igħid: Ħa naraw jiġix Elija jniżżlu.
U Ġesù għajjat b’leħen qawwi, u radd ruħu.
U l-purtiera tat-tempju ċċartet f’biċtejn minn fuq s’isfel.
U kif iċ-ċenturjun, li kien qiegħed quddiemu, ra li kien għajjat hekk, u radd ruħu, qal: Tassew dar-raġel kien Bin Alla.
U kien hemm ukoll nisa jħarsu mill-bogħod: fosthom kien hemm Marija Maddalena, u Marija omm Ġakbu ż-żgħir, u Ġożwè, u Salome;
Li wkoll kienu jmorru warajh, meta kien fil-Galilija, u kienu jduru bih; u ħafna nisa oħra li ġew miegħu Ġerusalemm.
U issa, meta wasal fil-għaxija, billi kienet it-thejjija, jiġifieri, lejlet is-sabat,
Ġie Ġużeppi minn Arimatea, kunsillier nobbli, li hu wkoll kien jistenna s-saltna ta’ Alla; u daħal bla biża’ għand Pilatu, u talab ġisem Ġesù.
U stagħġeb Pilatu jekk kienx ġà miet: u sejjaħ liċ-ċenturjun, u staqsieh jekk kienx ilu li miet.
U meta sar jaf miċ-ċenturjun, ta l-ġisem lil Ġużeppi.
U dan xtara biċċa għażel fina, u niżżlu, u kebbu fil-għażel, u qiegħdu f’qabar li kien imħaffer fil-blat, u gerbeb ġebla fil-bieb tal-qabar.
U Marija Maddalena, u Marija omm Ġożè raw fejn tqiegħed.

Mark 16

U wara li għadda s-sabat, Marija Maddalena, u Marija omm Ġakbu, u Salome, xtraw il-fwejjaħ, biex jiġu u jidilkuh.
U kmieni ħafna filgħodu fl-ewwel jum tal-ġimgħa, ġew ħdejn il-qabar ma’ tlugħ ix-xemx.
U qalu lil xulxin: Min se jgerbbilna l-ġebla mill-bieb tal-qabar?
U meta ħarsu, raw li l-ġebla kienet imgerba: għax kienet kbira wisq.
U huma u deħlin fil-qabar, raw żagħżugħ bil-qiegħda fin-naħa tal-lemin, liebes libsa twila bajda; u ndehxu.
U qalilhom: La tindehxux: Intom qegħdin tfittxu ’l Ġesù ta’ Nażaret, li kien imsallab: hu qam; mhux hawn; araw il-lok fejn qegħduh.
Iżda morru għidu lid-dixxipli tiegħu lil Pietru li hu jmur qabilkom fil-Galilija: hemm tarawh, kif qalilkom.
U ħarġu u ħarbu mill-qabar; għax kellhom rogħda u sta-għġib; u lanqas ma qalu xejn lil ħadd, għax kienu mbeżżgħin.
Wara li qam kmieni fl-ewwel jum tal-ġimgħa, deher l-ewwel lil Marija Maddalena, li minnha kien ħareġ seba’ dem-onji.
U marret u qaltilhom li kienet miegħu, fil-waqt li kienu jitnikktu u jibku.
U huma, xħin semgħu li kien ħaj, u li kienet ratu, ma emmnux.
Wara dan deher b’sura oħra lil tnejn minnhom, huma u mexjin, sejrin lejn ir-raba’.
U marru, u qalu b’dan lill-oħrajn: u lanqas dawn ma emmnuhom.
Wara deher lill-ħdax, huma u qegħidn fuq il-mejda, u ċanfarhom għan-nuqqas ta’ fidi, u għall-ebusija ta’ qalbhom: għax ma emmnux lil dawk li kienu rawh wara li kien qam.
U qalilhom: Morru fid-dinja kollha, xandru l-bxara t-tajba lill-ħolqien kollu.
Min jemmen u jitgħammed, ikun salvat; iżda min ma jemminx ikun ikkundannat.
U dawn is-sinjali jmorru wara dawk li jemmnu: F’ismi jkeċċu d-demonji; u jitkellmu b’ilsna ġodda;
Jaqbdu s-sriep b’idejhom; u jekk jixorbu xi ħaġa li tagħti l-mewt, ma tagħmlilhomx deni; imiddu idejhom fuq il-morda, u jfejquhom.
U hekk il-Mulej Ġesù, wara li kellimhom, kien imtella’ fis-sema u qagħad in-naħa tal-lemin ta’ Alla.
U marru jippriedkaw kullimkien, il-Mulej kien jaħdem magħhom u jwettaq il-kelma bis-sinjali li kienu jsiru magħha.