L-EVANĠELJU SKONT LUQA

Dwar Dan il-Ktieb

L-enfasi speċjali ta’ Luqa hija l-Umanità ta’ Ġesù. Jirrappreżenta lil Ġesù bħala l-Iben ta’ Alla, Luqa juri l-ħniena Tiegħu lejn id-dgħajfa, il-batuti, u l-abbandunati.
Waqt li kull wieħed mill-Evanġelji kien intenzjonat fl-aħħarnett għal bnedmin kollha, Mattew jidher li kellu f’moħħu lil-Lhud, Mark lir-Rumani, u Luqa, lill-Griegi.
Hu maħsub li Luqa kiteb l-Evanġelju tiegħu madwar is-sena 60 W.K. waqt li Pawlu kien fil-ħabs f’Ċesarija.
Luqa jagħlaq dan l-ewwel ktieb tiegħu li kiteb billi jgħid li Ġesù mar lura fis-smewwiet. Imma sewwasew qabel ma Ġesù telaq, Hu jgħid lid-dixxipli Tiegħu,
“⁴⁶U qalilhom: Hekk hu miktub, u hekk kien jinħtieġ illi Kristu jbati, u li jqum mill-imwiet. ⁴⁷U li l-indiema għall-maħfra tad-dnubiet tixxandar f’ismu fost il-ġnus kollha, ibda minn Ġerusalemm. ⁴⁸U intom xhieda ta’ dawn il-ħwejjeġ.” (Luqa 24:46-48).

Ħarsa Ħafifa Lejn Dan il-Ktieb

• Għaliex Luqa Kiteb Dan il-Ktieb (1:1-4)
• It-Twelid ta’ Ġwanni l-Battista u ta’ Ġesù (1:5—2:52)
• Il-Messaġġ ta’ Ġwanni l-Battista (3:1-20)
• Il-Magħmudija u t-Tentazzjoni ta’ Ġesù (3:21—4:13)
• Il-Ministeru ta’ Ġesù fil-Galilija (4:14—9:50)
• Ġesù Jmur mill-Galilija għal Ġerusalemm (9:51—19:27)
• L-Aħħar Ġimgħa ta’ Ġesù: It-Tiġrib u l-Mewt Tiegħu (19:28—23:56)
• Ġesù Hu Ħaj (24:1-12)
• Ġesù Jidher. Hu Meħud fis-Smewwiet (24:13-53)

Luqa 1

Bosta kienu dawk li ħadu f’idejhom ix-xogħol li jiġbru bl-ordni f’rakkont wieħed il-ġrajja li seħħu fostna,
Kif għaddewhom lilna dawk li sa mill-bidu rawhom b’għajnejhom stess u saru ministri tal-kelma.
Hekk ukoll jien, wara li bir-reqqa kollha qgħadt infittex it-tagħrif dwar kull ma ġara sa mill-bidunett, deherli li għandi niktiblek kollox ħaġa b’ħaġa, wisq eċċellenti Teofilu,
Sabiex int tkun taf iċ-ċertezza tal-ħwejjeġ li int kont mgħallem.
Kien hemm fi żmien Erodi, is-sultan tal-Lhudija, wieħ-ed qassis jismu Żakkarija, mit-taqsima ta’ Abija: u martu kienet mill-bniet ta’ Aron u Eliżabetta kien ismha.
U t-tnejn kienu nies ġusti quddiem Alla, billi kienu jħarsu l-kmandamenti kollha u l-preċetti tal-Mulej bla ebda nuqqas.
U ma kellhomx tfal, għax Eliżabetta kienet ħawlija, u t-tnejn issa kienu mdaħħlin fiż-żmien.
U ġara, hu u jservi ta’ qassis quddiem Alla fl-ordni tat-taqsima tiegħu,
Skont id-drawwa tas-saċerdozju, illi messu jaħraq l-inċens meta jidħol fit-tempju tal-Mulej.
U l-ġemgħa kollha tal-poplu kienet barra titlob waqt il-ħruq tal-inċens.
U hemm deherlu anġlu tal-Mulej fin-naħa tal-lemin tal-artal tal-inċens.
U xħin Żakkarija rah, tħawwad, u biża’ waqa’ fuqu.
Imma l-anġlu qallu: La tibżax, Żakkarija: għax talbek instama’; u martek Eliżabetta tilidlek iben, u int issemmih Ġwanni.
U jkollok ferħ u hena; u ħafna jifirħu bi twelidu.
Għax hu jkun kbir quddiem il-Mulej, u la jixrob inbid u lanqas xorb qawwi; u jimtela bl-Ispirtu Qaddis, sa minn ġuf ommu.
U ħafna minn ulied Iżrael iraġġa’ lejn il-Mulej Alla tagħ-hom.
U hu jimxi quddiemu fl-ispirtu u l-qawwa ta’ Elija, biex iraġġa’ l-qlub tal-missirijiet lejn l-ulied, u lil dawk li ma joqogħdux għall-għerf tan-nies ġusti; biex ihejji poplu lest għall-Mulej.
U Żakkarija qal lill-anġlu: Biex nagħraf dan? għax jien raġel xiħ, u marti mdaħħla sewwa fiż-żmien.
U l-anġlu wieġeb, billi qal: Jien Gabrijel, li noqgħod quddiem Alla; u kont mibghut biex inkellmek, u nħabbarlek dawn l-aħbarijiet tajba.
U, ara, int tkun silenzjuż, u ma tkunx tista’ titkellem, sal-jum li fih dawn il-ħwejjeġ jiġru, għax ma emmintx kliemi, li jseħħ fi żmienu.
U n-nies stennew lil Żakkarija, u stagħġbu għax iddaw-war daqshekk fit-tempju.
U meta ħareġ, ma satax ikellimhom: u fehmu li kien ra xi dehra fit-tempju: għax għamlilhom is-sinjali, u baqa’ mutu.
U ġara, hekk kif il-jiem tas-servizz tiegħu għaddew, illi telaq lejn daru.
U wara dawk il-jiem martu Eliżabetta tqalet; u staħbiet għal ħames xhur, tgħid:
Hekk għamilli l-Mulej fil-jiem li fihom tafa’ għajnejh fuqi, biex ineħħi l-għajb tiegħi minn fost niesi.
U fis-sitt xhur l-anġlu Gabrijel intbagħat mingħand Alla f’belt tal-Galilija, jismha Nażaret,
Għand xebba mgħarrsa ma’ raġel li kien jismu Ġużeppi, mid-dar ta’ David; u l-isem tax-xebba kien Marija.
U l-anġlu daħal għandha, u qal: Is-sliem għalik, int iffavorita wisq, il-Mulej miegħek.
U meta ratu, tħawdet bi kliemu, u ħasbet fiha nfisha x’tista’ tkun din it-tislima.
U qalilha l-anġlu: La tibżax, Marija: għax int sibt grazz-ja quddiem Alla.
U, ara, int tnissel f’ġufek, u tiled iben, u ssemmih ĠESÙ.
Hu jkun kbir, u jissemma Bin il-Għoli: u l-Mulej Alla jagħtih it-tron ta’ missieru David:
U jsaltan għal dejjem fuq id-dar ta’ Ġakobb; U għal saltnatu ma jkunx hemm tmiem.
U mbagħad Marija qalet lil anġlu: Kif ikun dan, la jien ma nagħrafx raġel?
U wieġeb l-anġlu, u qalilha: L-Ispirtu Qaddis jiġi fuqek, u l-qawwa tal-Għoli tgħattik: għalhekk ukoll dak li jitwieled minnek ikun imsejjaħ qaddis, Bin Alla.
U, ara, il-qariba tiegħek Eliżabetta, hi wkoll tqila b’iben fi xjuħitha: u dan hu s-sitt xahar lil dik, li kienu jgħidulha ħawlija.
Għax m’hemm xejn li ma jistax ikun għal Alla.
U qalet Marija: Hawn hi l-qaddejja tal-Mulej; ikunli skont kelmtek. U l-anġlu telaq minn ħdejha.
U qamet Marija f’dawk il-jiem, u telqet bil-għaġla lejn il-għoljiet, f’belt ta’ Ġuda;
U daħlet fid-dar ta’ Żakkarija, u slelmet lil Eliżabetta.
U ġara, meta Eliżabetta semgħet it-tislima ta’ Marija, illi t-tarbija f’ġufha qabżet; u Eliżabetta imtliet bl-Ispirtu Qaddis:
U għajtet b’leħen għoli, u qalet: Imbierka inti fost in-nisa, u mbierek il-frott ta’ ġufek.
U mnejn hu dan lili, li tiġi omm Mulejja għandi?
Għax, ara, hekk kif il-leħen tat-tislima tiegħek ġie f’widnejja, it-tarbija qabżet f’ġufi bil-ferħ.
U mbierka dik li emmnet: għax iseħħu dawk il-ħwejjeġ li ntqalulha mill-Mulej.
U Marija qalet: Ruħi tkabbar il-Mulej.
U l-ispirtu tiegħi jithenna f’Alla s-Salvatur tiegħi.
Għax ħares lejn l-istat umli tal-qaddejja tiegħu: għax, ara, minn issa ’l quddiem, imbierka tgħidli kull ġenerazzjoni.
Għax is-Setgħani għamel miegħi ħwejjeġ kbar; u qaddis hu ismu.
U minn nisel għal nisel hi l-ħniena tiegħu ma’ dawk li jibżgħu minnu.
Wera l-qawwa bi driegħu; xerred l-imkabbrin fil-ħsibi-jiet ta’ qalbhom.
Niżżel is-setgħanin mit-tron tagħhom, u għolla lil dawk li huma umli.
Lill-imġewħin xabba’ bi ħwejjeġ tajba; u lill-għonja bagħathom b’xejn.
Għen lill-qaddej tiegħu Iżrael, biex jiftakar fil-ħniena tiegħu;
Bħal ma tkellem ma’ missirijietna, ma’ Abraham, u ma’ nislu għal dejjem.
U Marija baqgħet magħha madwar tliet xhur; u reġgħet lejn darha.
Issa ż-żmien ta’ Eliżabetta li kellha teħles għalqilha, wildet iben.
U l-ġirien u l-qraba tagħha semgħu kif il-Mulej wera ħniena kbira magħha; u ferħu magħha.
U ġara, fit-tmien jum, illi ġew biex jagħmlu ċ-ċirkon-ċiżjoni lit-tifel, u semmewh Żakkarija, bħal isem missieru.
U ommu wieġbet, u qalet: Mhux hekk; iżda jisemma Ġwanni.
U qalulha: M’hemm ħadd minn niesek li għandu dan l-isem.
U għamlu s-sinjali lil missieru, x’irid isemmih.
U talab tavla żgħira, u kiteb hekk: Ġwanni ismu. U kulħadd stagħġeb.
U fommu nfetaħ dak il-ħin stess, u nħall ilsienu, u tkel-lem, u bierek lil Alla.
U waqa’ biża’ fuq dawk kollha li kienu jgħammru madwarhom: u fil-għoljiet kollha tal-Lhudija kienu jitħaddtu fuq dawn il-ħwejjeġ.
U dawk kollha li semgħuhom żammewhom f’qalbhom, billi qalu: X’għad ikun dat-tifel? U id il-Mulej kienet miegħu.
U missieru Żakkarija mtela bl-Ispirtu Qaddis, u ħabbar, billi qal:
Imbierek il-Mulej Alla ta’ Iżrael; għax żar u feda l-poplu tiegħu.
U qajjem għalina qarn tas-salvazzjoni fid-dar tal-qaddej tiegħu David;
Bħal ma tkellem b’fomm il-profeti mqaddsa tiegħu, sa mill-antik;
Li nkunu salvati mill-għedewwa tagħna, u minn id dawk kollha li jobogħduna;
Biex jagħmel il-ħniena mwiegħda lil missirijietna, u jiftakar fir-rabta qaddisa tiegħu:
Il-ħalfa li ħalef lil Abraham missierna.
Li jagħtina, li meħlusin minn idejn l-għedewwa tagħna, naqduh bla biża’.
Fil-qdusija u l-ħaqq quddiemu, il-jiem kollha ta’ ħajjitna.
U int, tfajjel, tissejjaħ profeta tal-Għoli; għax tmur quddiem wiċċ il-Mulej biex thejjilu t-toroq tiegħu.
Biex tagħti tagħrif fuq is-salvazzjoni lill-poplu tiegħu bil-maħfra ta’ dnubiethom,
Bil-ħniena ħelwa ta’ Alla tagħna; li biha jżurna ż-żerniq mill-għoli.
Biex idawwal lil dawk li qegħdin fid-dlam u fid-dell tal-mewt, biex imexxi lil riġlejna fi triq is-sliem.
U t-tfajjel kiber, u tqawwa fl-ispirtu, u kien fix-xagħri sal-jum li fih wera lilu nnifsu lil Iżrael.

Luqa 2

U ġara f’dawk il-jiem, illi ħareġ degriet mingħand Ċesri Awgustu, li l-abitanti kollha jkunu rreġistrati.
U dil-kitba saret l-ewwel darba meta kien Kirinu gver-natur tas-Sirja.
U kollha marru jinkitbu, kull wieħed f’beltu.
U tala’ Ġużeppi wkoll mill-Galilija, mill-belt ta’ Nażaret, fil-Lhudija, fil-belt ta’ David, li jisimha Betlehem; (billi hu kien mid-dar u mill-familja ta’ David:)
Biex jinkiteb ma’ Marija martu, li kienet tqila.
U ġara, meta kienu hemm, li għalqilha ż-żmien biex teħles.
U wildet l-ewwel tifel tagħha, u fisqietu, u medditu f’maxtura; għax ma kienx hemm wisa’ għalihom fil-lukanda.
U kien hemm fl-istess naħa xi ragħajja qegħdin fl-għelieqi, igħassu bil-lejl l-imrieħel tagħhom.
U, ara, l-anġlu tal-Mulej ġie fuqhom, u l-glorja tal-Mulej iddiet madwarhom: u qabadhom biża’ kbir.
U qalilhom l-anġlu: La tibżgħux: għax, ara, inġibilkom aħbarijiet tajba ta’ ferħ kbir, li jkunu għall-poplu kollu.
Għax tweldilkom illum fil-belt ta’ David, Salvatur, li hu Kristu l-Mulej.
U dan ikun sinjal għalikom; intom issibu t-tarbija mfisqija, mimduda f’maxtura.
U minnufih kien hemm ma’ l-anġlu kotra ta’ qtajja tas-sema jfaħħru lil Alla, u jgħidu:
Glorja lil Alla fl-aktar għoli, u fuq l-art pa?i, lejn dawk li jog??bu lilu.
U ġara, meta l-angli telqu minn ħdejhom għal ġos-sema, illi r-ragħajja bdew igħidu lil xulxin: Ħa mmorru issa sa Betlehem, u naraw dil-ħaġa li ġrat, u li l-Mulej għarrafna.
U ġew bil-għaġla, u sabu lil Marija, u lil Ġużeppi, u t-tarbija mimduca fil-maxtura.
U malli rawha, ħabbru l-kliem li ntqalilhom fuq dik it-tarbija.
U dawk kollha li semgħuh stagħġbu b’dawk il-ħwejjeġ li qalulhom ir-ragħajja.
Imma Marija kienet iżżomm dan kollu, u taħseb fuqu f’qalbha.
U r-ragħajja reġgħu lura, jigglorifikaw u jfaħħru lil Alla għall-ħwejjeġ kollha li semgħu u raw, bħalma ntqalilhom.
U meta għaddew tmint ijiem biex jagħmlu ċ-ċirkon-ċiżjoni lit-tifel, semmewh ĠESÙ, kif kien imsemmi mill-anġlu qabel ma tnissel fil-ġuf.
Wara li għalqilhom iż-żmien għall-purifikazzjoni tagħ-hom skont il-liġi ta’ Mosè, ħaduh Ġerusalemm biex jippreżen-tawh lill-Mulej,
Kif hemm miktub fil-liġi tal-Mulej, li ‘kull tifel li jiftaħ il-ġuf, jiġi kkonsagrat lill-Mulej,’
U biex joffru b’sagrifiċċju ‘par gamiem jew żewġ bċieċen,’ kif jingħad ukoll fil-liġi tal-Mulej.
U, ara, kien hemm raġel f’Ġerusalemm, jismu Simgħon, u dar-raġel kien ġust u tajjeb, jistenna l-faraġ ta’ Iżrael: u l-Ispirtu Qaddis kien fuqu.
U kien imgħarraf mill-Ispirtu Qaddis, li ma jarax il-mewt, qabel ma jara il-Kristu tal-Mulej.
U mnebbaħ mill-Ispirtu ġie fit-tempju: u meta l-ġenituri ġiebu t-tarbija Ġesù, biex jagħmlulu kif kienet id-drawwa tal-liġi,
Ħadu f’dirgħajh, u bierek ’l Alla, u qal:
Mulej, issa ħalli l-qaddej tiegħek imur fis-sliem, skont il-kelma tiegħek.
Għax għajnejja raw is-salvazzjoni tiegħek,
Li int hejjejt quddiem wiċċ il-popli kollha;
Dawl biex idawwal lill-Ġentili, u l-glorja ta’ Iżrael il-poplu tiegħek.
U missieru u ommu stagħġbu b’dak li ntqal għalih.
U berikhom Simgħon, u qal lil Marija ommu: Ara, dat-tfajjel imqiegħed għat-tiġrif u l-qawmien ta’ ħafna f’Iżrael; u għal sinjal li jmeruh.
Iva, xabla wkoll tinfidlek ruħek biex jinkixfu l-ħsibijiet ta’ ħafna qlub.
U kien hemm waħda Anna, profeta mara, bint Fanwel, tat-tribù ta’ Aser: din kienet imdaħħla fiż-żmien wisq, u kienet għexet seba’ snin ma’ żewġha minn xbubitha.
U kienet armla ta’ erbgħa u tmenin sena, u ma kenitx titlaq mit-tempju iżda taqdi lil Alla lejl u nhar bis-sawm u t-talb.
U waslet dak il-ħin u bdiet tfaħħar ukoll lil Alla, u tkellmet fuqu ma’ dawk kollu li kienu jistennew il-fidwa ta’ Ġerusalemm.
U meta għamlu l-ħwejjeġ kollha skont il-liġi tal-Mulej, reġgħu lura lejn il-Galilija, għall-belt tagħhom ta’ Nażaret.
U t-tfajjel kiber, u tqawwa fl-ispirtu, mimli bil-għerf: u l-grazzja t’Alla kienet fuqu.
Issa l-ġenituri tiegħu kienu jmorru kull sena Ġerusalemm għall-festa tal-għid.
U meta kellu tnax-il sena, marru Ġerusalemm bħal ma kienet id-drawwa tal-festa.
U meta għaddew dawk il-jiem, huma u ġejjin lura, Ġesù baqa’ wara Ġerusalemm; u l-ġenituri ma kinux jafu b’dan.
Iżda huma, billi minn għalihom kien ma’ dawk li kienu magħhom, għamlu jum mixi; u fittxuh qalb qrabathom u dawk li kienu jafuhom.
U meta ma sabuhx, reġgħu lura lejn Ġerusalemm, ifittxuh.
U ġara, illi wara tlitt ijiem sabuh fit-tempju, bil-qiegħda f’nofs il-għorrief, jismagħhom, u jistaqsihom.
U dawk kollha li semgħuh stagħġbu bid-dehen u bit-tweġibiet tiegħu.
U kif rawh, stagħġbu: u qaltlu ommu: Ibni, għax imxejt hekk magħna? Ara, missierek u jien konna inwetati ħafna nfittxuk.
U qalilhom: Għaliex fittixtuni? Ma tafux li jien għandi nkun fix-xogħol ta’ Missieri?
U huma ma fehmux il-kelma li qalilhom.
U niżel magħhom, u ġie f’Nażaret, u kien jisma’ minn- hom: iżda ommu kienet iżżomm dal-kliem kollu f’qalbha.
U Ġesù kiber fil-għerf u fit-tul, u fil-grazzja ma’ Alla u mal-bnedmin.

Luqa 3

Issa fis-sena ħmistax tas-saltna ta’ Tiberju Ċesri, meta Ponzju Pilatu kien gvernatur tal-Lhudija, u Erodi tetrarka tal-Galilija, u Filippu, ħuh, tetrarka tal-Iturija u tal-inħawi ta’ Trakonis, u Lisanja t-tetrarka tal-Abileni:
Fiż-żmien li Anna u Qajfa kienu l-qassisin il-kbar, kel-met il-Mulej ġiet għand Ġwanni bin Żakkarija fix-xagħri.
U ġie fl-inħawi kollha tal-Ġordan, ixandar il-magħmu-dija tal-indiema għall-maħfra tad-dnubiet.
Kif inhu miktub fi ktieb il-kliem Isaija l-profeta, li jgħid: Leħen ta’ wieħed igħajjat fix-xagħri: Hejju t-triq il-Mulej, wittu l-mogħdijiet tiegħu.
Kull wied jimtela, u kull muntanja u għolja jitniżżlu; u l-mogħdijiet imgħawġa jsiru dritti, u t-toroq imħarbta jitwittew;
U l-bnedmin kollha jaraw is-salvazzjoni ta’ Alla.
Imbagħad qal lill-follol tan-nies li kienu jiġu biex jitgħammdu minnu: Ja nisel il-lifgħat, minn wissiekom biex taħarbu mill-għadab li ġej?
Agħmlu mela frott li jixraq lill-indiema, u tibdewx tgħidu fikom infuskom: Għandna ’l Abraham b’missierna; għax ngħdilkom, li jista’ Alla minn dal-ġebel iqajjem ulied lil Abraham.
U issa wkoll il-mannara qiegħda ma’ għerq is-siġar: għalhekk kull siġra li ma tagħmilx frott tajjeb inqata, u tintafa’ fin-nar.
U n-nies staqsewh, igħidu: Mela x’għandna nagħmlu?
Wieġeb u qalilhom: Dak li għandu żewġt ilbiesi, ħa jagħti lil min m’għandux; u min għandu l-ikel, ħa jagħmel hekk ukoll.
Imbagħad ġew ukoll xi pubblikani biex jitgħammdu, u qalulu: Mgħallem, x’għandna nagħmlu?
U qalilhom: La tiħdux ħlas aktar minn dak li għandkom tieħdu.
U staqsewh ukoll is-suldati, billi qalu: U x’nagħmlu aħna? U qalilhom: La tagħmlu vjolenza fuq ħadd, u lanqas tixlu falz lil ħadd; u kunu kuntenti bil-ħlas tagħkom.
U waqt li n-nies kienu jistennew, u kulħadd kien jaħseb f’qalbu fuq Ġwanni, jekk kienx il-Kristu jew le;
Wieġeb Ġwanni, igħid lil kulħadd: Tassew jien ngħam-midkom bl-ilma; iżda jiġi wieħed aqwa minni, li ma jistħoqqlix inħollu l-qafla tal-qorq tiegħu: hu jgħammidkom bl-Ispirtu Qaddis u bin-nar:
Għandu l-midra tiegħu f’idu, u jnaddaf tajjeb l-andar tiegħu, u jiġma’ l-qamħ fil-maħżen tiegħu, imma t-tiben jaħar-qu f’nar li ma jintefiex.
U b’ħafna ħwejjeġ oħra fit-twiddib tiegħu kien ixandar l-evanġelju lill-poplu.
Imma Erodi t-tetrarka, billi kien imċanfar minnu min-ħabba Erodija mart ħuh Filippu, u minħabba l-ħwejjeġ ħżiena kollha li Erodi kien għamel,
Żied dan ukoll fuq kollox, li għalaq lil Ġwanni fil-ħabs.
Issa meta l-poplu kollu tgħammed, ġara illi Ġesù tgħam-med ukoll, u hu u jitlob, infetaħ is-sema,
U niżel fuqu l-Ispirtu Qaddis għamla ta’ ġisem bħal ħamiema, u leħen ġie mis-sema, li qal: Int Ibni l-maħbub; bik nitgħaxxaq.
U Ġesù nnifsu, meta beda, kellu madwar tletin sena, u kif kienu jaħsbuh li kien bin Ġużeppi, bin Għeli,
bin Mattat, bin Levi, bin Melki, bin Ġanna, bin Ġużeppi,
bin Mattatija, bin Għamos, bin Naħum, bin Għesli, bin Naggaj,
bin Maħat, bin Mattatija, bin Simgħi, bin Ġużeppi, bin Ġuda,
bin Ġoħanna, bin Resa, bin Żorobabel, bin Saltiel, bin Neri,
bin Melki, bin Addi, bin Kosam, bin Elmodam, bin Għer,
bin Ġosè, bin Eligħeżer, bin Ġorim, bin Mattat, bin Levi,
bin Simgħon, bin Ġuda, bin Ġużeppi, bin Eljakim,
bin Melja, Menan, bin Mattata, bin Natan, bin David.
bin Ġessi, bin Għobed, bin Bogħaż, bin Salmon, bin Naħson,
bin Għamminadab, bin Aram, bin Ħesrom, bin Fares, bin Ġuda,
bin Ġakobb, bin Iżakk, bin Abraham, bin Teraħ, bin Naħor,
bin Sarug, bin Ragħu, bin Faleg, bin Għeber, bin Sala,
bin Qajnan, bin Arfaksad, bin Sem, bin Noè, bin Lamek,
bin Metuselaħ, bin Ħenok, bin Ġared, bin Maħlalel, bin Qajnan,
bin Enos, Set, bin Adam, bin Alla.

Luqa 4

U Ġesù billi kien mimli bl-Ispirtu Qaddis raġa’ lura mill-Ġordan, u kien meħud mill-Ispirtu fix-xagħri,
U kien għal erbgħin jum imġarrab mix-Xitan. U ma kiel xejn f’dawk il-jiem: u meta għaddew, wara ħadu l-ġuħ.
U x-Xitan qallu: Jekk int l-Iben t’Alla, ordna lil dil-ġebla ssir ħobż.
U Ġesù wieġbu: Hu miktub, li mhux bil-ħobż biss igħix il-bniedem, iżda b’kull kelma ta’ Alla.
U x-Xitan ħadu fuq muntanja għolja, u wrieh is-saltniet kollha tad-dinja f’mument ta’ żmien.
U x-Xitan qallu: Lilek nagħti din l-awtorità kollha, u l-glorja tagħha: għax lili kienet mogħtija; u lil min irrid nagħtiha.
Jekk int mela tagħtini qima, tkun tiegħek kollha.
U wieġeb Ġesù, u qallu: Lura minni, Satana: għax hu miktub: Il-Mulej Alla tiegħek għandek tqim, u lilu waħdu taqdi.
U ħadu Ġerusalemm, u qiegħdu fuq il-quċċata tat-tempju, u qallu: Jekk int l-Iben ta’ Alla, inxteħet minn hawn għall-isfel:
Għax hu miktub: Jordna l-anġli tiegħu biex iħarsuk:
U fuq idejhom jerfgħuk, li ma taħbatx riġlek ma’ xi ġeb-la.
U Ġesù wieġeb, billi qallu: Intqal: Iġġarrabx il-Mulej Alla tiegħek.
U wara li x-Xitan temm it-tiġrib kollu, warrab minnu għal xi żmien.
U Ġesù fis-setgħa tal-Ispirtu raġa’ ġie l-Galilija: u kliem tajjeb ħareġ ma’ dik in-naħa kollha.
U hu kien jgħallem fis-sinagogi tagħhom, imfaħħar minn kulħadd.
U ġie Nażaret, fejn kien imrobbi: u, kif kienet id-drawwa tiegħu, daħal fis-sinagoga fil-jum tas-sabat, u qam biex jaqra.
U newlulu l-ktieb ta’ Isaija l-profeta. U x’ħin fetaħ il-ktieb, sab hemm fejn hu miktub:
L-Ispirtu tal-Mulej fuqi, għaliex hu dilikni biex inxandar l-evanġelju lill-foqra; biex inħabbar il-ħelsien lill-imjassrin, u nagħti d-dawl lill-għomja; biex neħles lill-imgħakksin.
Biex inxandar is-sena milqugħa mill-Mulej.
U għalaq il-ktieb, u tah lura lill-qaddej, u qagħad bil-qiegħda. U għajnejn dawk kollha li kienu fis-sinagoga kienu mwaħħlin fih.
U beda jgħidilhom: Illum seħħet din l-iskrittura f’wid-nejkom.
U lkoll tawh xhieda, u stagħġbu bil-kliem ta’ ħlewwa li ħareġ minn fommu, U qalu: Dan mhux bin Ġużeppi?
U qalilhom: Tassew intom tgħiduli dal-qawl: Tabib, fej-jaq lilek innifsek: kulma smajna li għamilt f’Kafarnahum, agħmlu hawn ukoll f’pajjiżek.
U qal: Ngħidilkom is-sewwa: Ebda profeta mhu milqugħ f’pajjiżu.
Iżda ngħidilkom is-sewwa, ħafna romol kienu f’Iżrael fi żmien Elija, meta s-sema kien magħluq għal tliet snin u sitt xhur, u meta waqa’ għaks fuq il-pajjiż kollu;
Imma għand ebda waħda minnhom ma kien mibgħut Elija, imma biss f’Sarefta, belt ta’ Sidon, għand waħda mara li kienet armla.
U ħafna mġiddma kienu f’Iżrael fi żmien Eliżew il-profeta: u ħadd minnhom ma ndaf, ħlief Nagħman is-Sirjan.
U dawk kollha li kienu fis-sinagoga, malli semgħu dawn il-ħwejjeġ, imtlew bil-għadab,
U qamu, u keċċewh barra mill-belt, u ħaduh sa xifer il-għolja li fuqha belthom kienet mibnija, biex jitfgħuh għal rasu ’l isfel.
Iżda hu għadda minn nofshom, u baqa’ sejjer.
U niżel f’Kafarnahum, belt tal-Galilija, u kien igħallim-hom fis-sabat.
U stagħġbu bit-tagħlim tiegħu: għax kelmtu kienet bis-setgħa.
U fis-sinagoga kien hemm raġel, li kellu spirtu ta’ de-monju mniġġes, li għajjat b’leħen qawwi,
Billi qal: Ħallina; x’għandna naqsmu miegħek, o Ġesù ta’ Nażaret? ġejt teqridna? Naf min int; il-Qaddis t’Alla.
U Ġesù ċanfru, billi qal: Iskot, u oħroġ minnu. U wara lid-demonju tefgħu fin-nofs, ħareġ minnu, u ma weġġgħux.
U kollha stagħġbu, u tkellmu bejniethom, igħidu: X’kel-ma hi din! għax bis-setgħa u l-qawwa jordna l-ispirti mniġġsa, u joħorġu.
U xterdet aħbaru f’kull naħa ta’ dawk l-inħawi.
U qam, u ħareġ mis-sinagoga, u daħal f’dar Xmun. Issa omm il-mara ta’ Xmun kienet miżmuma b’deni kbir; u talbuh għaliha.
U resaq fuqha, u ċanfar id-deni; u d-deni telaqha: u minnufih qamet u daret bihom.
Issa xħin ix-xemx kienet nieżla, dawk kollha li kellhom kull xorta ta’ mard ġibuhomlu; u qiegħed idejh fuq kull wieħed minnhom, u fejjaqhom.
U ħarġu wkoll demonji minn ħafna, jgħajtu, u jgħidu: Int Kristu l-Iben ta’ Alla. U hu u jċanfarhom, ma ħalliehomx jitkellmu: għax huma kienu jafu li hu Kristu.
U malli sebaħ, telaq u mar f’post imwarrab: u n-nies kienu jfittxuh, u ġew għandu, u żammewh, biex ma jitlaqx minnhom.
U qalilhom: Jaħtieġli nxandar is-saltna t’Alla lil bliet oħra wkoll: għax għal dan jien mibgħut.
U xandar fis-sinagogi tal-Galilija.

Luqa 5

U ġara, waqt li n-nies kienet tross miegħu biex tisma’ l-kelma ta’ Alla, illi kien wieqaf ħdejn l-għadira ta’ Ġennesaret,
U ra żewġ dgħajjes weqfin ħdejn l-għadira: imma s-sajjieda kienu telqu minnhom, u kienu jaħslu x-xbieki tagħhom.
U tala’ f’waħda mid-dgħajjes, li kienet ta’ Xmun, u talbu biex jaqla’ ftit ’il barra mill-art. U qagħad bil-qiegħda, u għallem lin-nies mid-dgħajsa.
Issa meta waqaf jitkellem, qal lil Xmun: Itfa’ ’l barra, u itfgħu x-xbieki tagħkom għas-sajd.
U Xmun wieġeb, billi qallu: Mgħallem, ħdimna l-lejl kollu, u ma qbadna xejn: iżda fuq il-kelma tiegħek inniżżel ix-xbiek.
U wara li għamlu hekk, qabdu kotra kbira ta’ ħut: u x-xbiek tagħhom inqasam.
U għamlu sinjal lil sħabhom, li kienu fid-dgħajsa l-oħra, biex jiġu jgħinuhom. U ġew, u mlew iż-żewġ dgħajjes, hekk li kienu se jegħrqu.
Malli ra dan, Xmun Pietru nxteħet f’riġlejn Ġesù igħid: Tbiegħed minni; għax jien raġel midneb, o Mulej.
Għax kien imgħaġġeb, hu u dawk kollha li kienu miegħu, bil-qabda ħut li kienu qabdu:
U hekk ukoll kien Ġakbu, u Ġwanni, ulied Żebedew li kienu sħab ta’ Xmun. U Ġesù qal lil Xmun: La tibżax; minn issa ’l quddiem taqbad il-bnedmin.
U ġara li ġibdu d-dgħajjes tagħhom l-art, telqu kollox, u marru warajh.
U ġara, meta kien f’waħda mill-ibliet, illi kien hemm raġel mimli kollu ġdiem: li hekk kif ra lil Ġesù xteħet wiċċu fl-art, u talbu, billi qal: Mulej, jekk trid, tista; tnaddafni.
U medd idu, u messu, hu u jgħid: Irrid: kun imnaddaf. U minnufih il-ġdiem għab minnu.
U wissieh li ma jgħid lil ħadd: iżda mur, uri ruħek lill-qassis, u offri għat-tindif tiegħek, bħal ma ordna Mosè, b’xhie-da għalihom.
Iżda ġera aktar il-kliem fuqu: u qtajja kbar ta’ nies kienu jiġu biex jisimgħu, u jitfejqu mill-mard tagħhom.
U mar fl-imwarrab, u qagħad jitlob.
U ġara darba waħda, hu u jgħallem, illi kien hemm bil-qiegħda xi Fariżej u mgħallmin tal-liġi, li kienu ġew minn kull belt tal-Galilija, u l-Lhudija, u Ġerusalemm: u l-qawwa tal-Mulej kienet hemm biex tfejjaqhom.
U, ara, xi rġiel ġiebu fuq saqqu raġel paralitiku: bdew ifittxu mezz kif idaħħluh ġewwa, u jqegħduh quddiemu.
U billi ma setgħux isibu minn fejn idaħħluh minħabba l-ġemgħa tan-nies, telgħu fuq il-bejt, u niżżluh minn bejn ix-xorok bis-saqqu tiegħu fin-nofs quddiem Ġesù.
U kif ra l-fidi tagħhom, qallu: Raġel, dnubietek maħfura.
U l-iskribi u l-Fariżej bdew jaħsbu, u jgħidu: Min hu dan li qiegħed jitkellem id-dagħa? Min jista’ jaħfer id-dnubiet, ħlief Alla waħdu?
Iżda x’ħin Ġesù għaraf ħsibijiethom, wieġeb billi qalilhom: X’intom tgħidu f’qalbkom?
X’inhu l-eħfef, tgħid: dnubietek huma maħfurak; jew tgħid: Qum u imxi?
Iżda biex tkunu tafu li bin il-bniedem għandu s-setgħa fuq l-art biex jaħfer id-dnubiet qal lill-paralitiku: qiegħed ngħidlek: Qum, u arfa’ s-saqqu tiegħek, u mur darek.
U minnufih qam quddiemhom, u rafa’ dak li fuqu kien mixħut, u telaq lejn daru, ifaħħar lil Alla.
U kollha stagħġbu, u faħħru lil Alla, u mimlijin bil-biża’, kienu jgħidu: Rajna ħwejjeġ tal-għaġeb illum.
U wara dawn il-ħwejjeġ ħareġ, u ra pubblikan, jismu Levi, bil-qiegħda quddiem il-bank tat-taxxi, u qallu: Ejja war-ajja.
U dak telaq kollox, qam, u mar warajh.
U Levi għamillu festa kbira f’daru: u kien hemm ġemgħa kbira ta’ pubblikani, u ta’ oħrajn li kienu fuq il-mejda magħhom.
Imma l-iskribi tagħhom u l-Fariżej bdew igergru kontra d-dixxipli tiegħu, billi jgħidu: Għaliex tieklu u tixorbu mal-pubblikani u l-midinbin?
U Ġesù weġibhom: ‘Mhux dawk li huma b’saħħithom għandhom bżonn it-tabib, iżda l-morda.
Jien mhux lill-ġusti ġejt insejjaħ, iżda lill-midinbin għal l-indiema.
U qalulu: Għaliex id-dixxipli ta’ Ġwanni jsumu ta’ sikwit, u jagħmlu t-talb, u l-istess ukoll id-dixxipli tal-Fariżej; iżda tiegħek jieklu u jixorbu?
U qalilhom: Tistgħu intom iġġiegħlu lill-mistiedna tal-għarus isumu, meta l-għarus qiegħed magħhom?
Iżda l-jiem, meta jitteħdilhom il-għarus, imbagħad isumu dak in-nhar.
U qalilhom ukoll parabbola: Ħadd ma jagħmel roqgħa minn libsa ġdida fuq libsa qadima; għax inkella l-ġdida tagħmel tiċrita, u r-roqgħa li ttieħdet mill-ġdida ma taqbilx mal-qadima.
U ħadd ma jqiegħed inbid ġdid f’boroż tal-ġild qodma, inkella l-inbid il-ġdid jifqa’ l-boroż, u jixxerred, u l-boroż jintilfu.
Iżda nbid ġdid għandu jitqiegħed fi ġlud ġodda; u t-tnejn ma jintilfux.
Ħadd ukoll wara li jkun xorob inbid qadim, minnufih jixtieq il-ġdid; għax igħid: Il-qadim aħjar.

Luqa 6

Fis-sabat, waqt li kien għaddej minn qalb l-għelieqi tal-qamħ, u d-dixxipli tiegħu qatgħu ż-żbul, u kielu, wara li farrkuhom b’idejhom.
U x’uħud mill-Fariżej qalulhom: Għaliex qegħdin tagħ-mlu dak li mhuwiex skont il-liġi li tagħmlu fil-jum tas-sabat?
U wieġeb Ġesù, billi qal: Ma qrajtux għalanqas x’għamel David, meta ħadu l-ġuħ, hu u dawk li kienu miegħu;
Kif daħal fid-dar t’Alla, u ħa u kiel il-ħobż imqiegħed quddiem il-Mulej, li ma kienx jiswa min jieklu ħlief il-qassisin biss, u ta wkoll lil dawk li kienu miegħu?
U qalilhom: Li Bin il-bniedem hu sid is-Sibt ukoll.
U ġara wkoll f’sibt ieħor illi daħal fis-sinagoga u għallem: u kien hemm raġel b’idu l-leminija niexfa.
U l-iskribi u l-Fariżej kienu għassa tiegħu, jekk ifejjaqx fil-jum tas-sabat; biex isibu fuqiex jixluh.
Iżda hu kien jaf ħsibijiethom, u qal lir-raġel li kellu idu niexfa: Qum, u għoqod fin-nofs. U dak qam u qagħad bil-wieqfa.
Imbagħad Ġesù qalilhom: Nistaqsikom ħaġa: Huwa skont il-liġi li tagħmel il-ġid fil-jum tas-sabat, jew tagħmel id-deni? Issalva ħajja, jew teqridha?
U tafa’ ħarsa madwarhom ilkoll, u qal lir-raġel: Midd idek. U dak għamel hekk: u reġgħet idu ssaħħet bħall-oħra.
U huma mtlew bil-qilla; u bdew jitħaddtu bejniethom x’jagħmlu lil Ġesù.
U ġara f’dawk il-jiem, illi ħareġ lejn muntanja biex jitlob, u għadda l-lejl kollu jitlob lil Alla.
U malli sebaħ, sejjaħ id-dixxipli tiegħu lejh: u għażel tnax minnhom, li wkoll semmihom appostli;
Xmun li semmieh ukoll Pietru u Indri ħuh, u Ġakbu u Ġwanni, Filippu u Bartilmew,
Mattew u Tumas, Ġakbu bin Alfew, u Xmun li jgħidulu Żelote,
U Ġuda ħu Ġakbu, u Ġuda Iskarjota, li kien ukoll traditur.
U niżel magħhom, u waqaf fil-wita, hu u l-ġemgħa tad-dixxipli tiegħu, u kotra kbira ta’ nies mil-Lhudija kollha u Ġerusalemm, u mix-xtajta ta’ Tir u Sidon, li ġew jisimgħuh, u biex ikunu mfejqa mill-mard tagħhom.
U dawk li kienu mħabbtin bl-ispirti mniġġsa: u kienu mfejqa.
U l-ġemgħa kollha tan-nies kienet tfittex illi tmissu: għax qawwa kienet toħroġ minnu, u tfejjaqhom ilkoll.
U rafa’ għajnejh lejn id-dixxipli tiegħu, u qal: Imberkin intom il-foqra: għax tagħkom hi s-saltna t’Alla.
Imberkin intom li issa bil-ġuħ: għax tkunu mxebbgħin. Imberkin intom li issa tibku: għax għad tidħku.
Imberkin intom, meta jobogħdukom il-bnedmin, u meta jifirdukom minn magħhom, u jċanfrukom, u jarmu isimkom bħala ħażin, minħabba Bin il-bniedem.
Ifirħu f’dak il-jum, u aqbżu bil-ferħ: għax, ara, ħlaskom kbir fis-sema: għax l-istess għamlu missirijiethom lill-profeti.
Iżda għali kbir għalikom, ja għonja! għax ħadtu l-faraġ tagħkom.
Għali kbir għalikom intom li issa mxebbgħin! għax tkunu bil-ġuħ. Ħażin għalikom intom li issa tidħku! Għax għad tolfqu u tibku.
Għali kbir għalikom, meta l-bnedmin kollha jitkellmu tajjeb fuqkom! għax hekk ukoll għamlu missirijiethom lill-profeti foloz.
Iżda jien ngħid lilkom li qegħdin tisimgħu: Ħobbu l-għedewwa tagħkom, għamlu l-ġid lil dawk li jobogħdukom.
Bierku lil dawk li jisħtukom, u itolbu għal dawk li jżebilħukom.
U lil min jagħtik daqqa ta’ ħarta fuq ħaddek, dawwarlu l-ieħor ukoll; u min jeħodlok il-mantar, la tiċħdlux jeħodlok il-libsa wkoll.
Lil kull min jitolbok, agħtih; u min jeħodlok ħwejjeġ tarġax titlobhomlu.
Kif tridu li l-bnedmin jagħmlulkom, hekk agħmlu lilhom.
Għax jekk tħobbu lil min iħobbkom, xi ħlas għandkom? għax il-midinbin ukoll iħobbu lil dawk li jħobbuhom.
U jekk tagħmlu l-ġid lil dawk li jagħmlulkom il-ġid, xi ħlas ħaqqkom? għax il-midinbin ukoll hekk jagħmlu.
U jekk tisilfu lil dawk li minhom tittamaw li tieħdu, xi ħlas ħaqqkom? għax il-midinbin ukoll jisilfu lill-midinbin, biex jerġgħu jieħdu daqshekk ieħor.
Imma ħobbu lill-għedewwa tagħkom, u agħmlu l-ġid, u isilfu, bla tittamaw għal xejn iżjed; u l-ħlas tagħkom ikun kbir, u tkunu wlied Alla l-Għoli: għax hu twajjeb ma’ dawk ta’ qalbhom iebsa, u mal-ħżiena.
Kunu mela ħanina, bħalma Missierkom hu wkoll ħanin.
La tiġġudikawx, u ma jsirx ġudizzju minnkom; la tikkun-dannawx, u ma tkunux ikkundannati: aħfru, u tinħafru:
38 Agħtu, u jingħatalkom; kejl tajjeb, marsus, u mheżheż, u mfawwar, jagħtukom il-bnedmin fi ħdankom. Għax bl-istess kejl li tkejlu, jarġa’ jkun imkejjel lilkom.
U qalilhom parabbola: Jista’ agħma jmexxi agħma?
Id-dixxipli mhux fuq l-imgħallem tiegħu: iżda kull min ikun perfett ikun bħall-imgħallem tiegħu.
U għax tara s-sifja li hemm f’għajn ħuk, u ma tarax it-travu li hemm f’għajnek stess?
Jew kif tista’ tgħid lil ħuk: Ħi, ħa naqlagħlek is-sifja li hemm f’għajnek, meta int ma tarax it-travu li hemm f’għajnek stess? Ja ipokrita, aqla’ l-ewwel it-travu minn għajnek, imbagħ-ad tara tajjeb biex taqla’ s-sifja minn għajn ħuk.
Għax siġra tajba ma tagħmilx frott ħażin; lanqas tagħ-mel frott tajjeb siġra ħażina.
Għax kull siġra tingħaraf mill-frott tagħha. Għax mix-xewk il-bnedmin ma jiġbrux tin, lanqas mill-għolliq ma jiġbru għeneb.
Bniedem tajjeb mill-ħażna tajba ta’ qalbu joħoroġ dak li hu tajjeb; u bniedem ħażin mill-ħażna ta’ qalbu joħroġ dak li hu ħażin; għax mill-milja tal-qalb jitkellem fommu.
U għaliex issejħuli: Mulej, Mulej, u ma tagħmlux dak li ngħid jien?
Kull min jiġi lejja, u jisma’ kliemi, u jagħmilhom, nuri-kom lil min jixbah:
Jixbaħ lil raġel li bena dar, u ħaffer ’l isfel, u qiegħed is-sisien fuq il-blat: u meta tala’ l-ilma, il-wied ħabat bil-qawwa ma’ dik id-dar, u ma satax iqanqalha: għax kienet mi-bnija fuq blata.
Iżda min jisma’, u ma jagħmilx, hu bħal raġel li bena dar fuq il-art bla sisien; li l-wied ħabat fuqha bil-qawwa, u malajr waqgħet; u kbira kienet it-tiġrifa ta’ dik id-dar.

Luqa 7

Issa kif temm kliemu kollu fejn jisimgħu in-nies, daħal Kafarnahum.
U wieħed qaddej ta’ ċenturjun, li kien għażiż għalih, kien marid, u sa jmut.
Malli sama’ b’Ġesù, bagħatlu l-anzjani tal-Lhud, jitolbuh biex jiġi jfejjaqlu l-qaddej.
U xħin ġew għand Ġesù, talbuh bil-ħerqa, igħidu: Jistħoqqlu li tagħmillu dan:
Għax iħobb il-ġensna, u bnielna sinagoga.
Imbagħad Ġesù mar magħhom. U meta ma kienx bgħid mid-dar, iċ-ċenturjun bagħatlu xi ħbieb igħidulu: Mulej, toqgħ-odx titħabat: għax ma jistħoqqlix illi tidħol taħt is-saqaf tiegħi:
Għalhekk deherli li lanqas ma kien jixraqli niġi għandek: iżda għid kelma waħda, u l-qaddej tiegħi jfiq.
Għax jien ukoll bniedem li ninsab taħt is-setgħa, u għandi taħt idejja suldati, u ngħid lil wieħed: Mur, u hu jmur: u lil ieħor: Ejja, u hu jiġi; u lill-qaddej tiegħi: Agħmel dan, u hu jagħmlu.
U malli sama’ dan, Ġesù stagħġeb bih, u dar, u qal lin-nies li kienet miexja warajh: Ngħidlkom li ma sibtx fidi hekk kbira, le, anqas f’Iżrael.
Xħin reġgħu lura d-dar, dawk li kienu mibgħutin sabu l-qaddej li kien marid imfejjaq.
U ġara l-għada, illi mar f’belt jisimha Najin; u marru miegħu ħafna mid-dixxipli tiegħu, u bosta nies.
Kif wasal qrib il-bieb tal-belt, kienu qegħdin iġorru wieħed mejjet li ommu, mara armla, ma kellhiex ħliefu; u magħha kien hemm għadd ġmielu ta’ nies tal-belt.
U malli l-Mulej, raha, kellu ħniena minnha, u qalilha: La tibkix.
U resaq u mess it-tebut: u dawk li kienu jerfgħuh waqfu. U qal: Żagħżugħ, jien ngħidlek: Qum.
U l-mejjet qam, u beda jitkellem. U tah lil ommu.
U qabadhom il-biża’ lkoll: u bdew jigglorifikaw ’l Alla, billi jgħidu: Deher fostna profeta kbir; u Alla żar lill-poplu tiegħu.
U din l-aħbar fuqu xterdet mal-Lhudija kollha, u fl-art kollha tal-inħawi.
U d-dixxipli ta’ Ġwanni qalulu b’dawn il-ħwejjeġ.
U Ġwanni sejjaħ lejh tnejn mid-dixxipli tiegħu u Bagħa-thom għandu Ġesù jgħidu: Inti dak li għandu jiġi, jew nistennew ieħor?
Xħin l-irġiel waslu għandu, qalulu: Ġwanni l-Battista bagħatna nistaqsuk: Inti dak li għandu jiġi? Jew nistennew ieħor?
U dak il-ħin stess fejjaq ħafna mill-mard tagħhom u flaġelli, u spirti ħżiena; u ħafna li kienu għomja tahom id-dawl.
Imbagħad Ġesù wieġeb, qalilhom: Morru u għidu ’l Ġwanni dak li rajtu u smajtu; kif il-għomja jaraw, iz-zopop jim-xu, l-imġiddmin jitnaddfu, it-torox jisimgħu, il-mejtin iqumu, u l-evanġelju mxandar lill-foqra.
U mbierek kull min ma jitfixkilx minħabba fija.
U wara li telqu l-messaġġiera ta’ Ġwanni, beda jgħid lill-poplu fuq Ġwanni: Xi ħriġtu taraw fix-xagħri? Qasba mxej-ra mar-riħ?
Imma xi ħriġtu taraw? Raġel liebes ilbies artab? Ara, dawk li huma mlibbsin sabiħ, u jgħixu mfissdin, qegħdin fil-palazzi tas-slaten.
Imma xi ħriġtu taraw? Profeta? Iva, ngħidilkom, u wisq iżjed minn profeta.
Dan hu dak, li fuqu nkiteb: Ara, jien nibgħat il-messaġ-ġier tiegħi quddiem wiċċek, li jhejji triqtek quddiemek.
Għax jien ngħidilkom: Fost dawk li huma mweldin min-nisa m’hemm ebda profeta akbar minn Ġwanni l-Battista: iżda dak li hu l-iżgħar fis-saltna t’Alla hu akbar minnu.
U l-poplu kollu li semgħu, u l-kolletturi tat-taxxi, iġġustifikaw ’l Alla, billi tgħammdu bil-magħmudija ta’ Ġwanni.
Imma l-Fariżej u l-għorrief tal-liġi, li ma tgħammdux minnu, ma laqgħux ir-rieda ta’ Alla bi ħsara tagħhom infushom.
U l-Mulej qal: Ma’ min mela nxebbah lin-nies ta’ din il-ġenerazzjoni? U lil min jixbhu?
Huma bħat-tfal li joqogħdu bil-qiegħed fil-misraħ, u jgħajtu lil xulxin, u jgħidu: Daqqejnielkom il-flawt, u ma żfin-tux: newwaħnielkom, u ma bkejtux.
Għax ġie Ġwanni l-Battista, la jiekol ħobż u la jixrob inbid; u tgħidu: Għandu demonju.
Bin il-bniedem ġie jiekol u jixrob; u tgħidu: Ara, bniedem wikkiel u xarrab l-inbid, ħabib tal-pubblikani u tal-midinbin!
Imma l-għerf hu iġġustifikat minn uliedu kollha.
U wieħed mill-Fariżej xtaqu jiekol miegħu. U daħal fid-dar tal-Fariżew, u qagħad fuq il-mejda.
U, ara, mara li kienet fil-belt, u li kienet midinba, malli għarfet li Ġesù kien qiegħed fuq il-mejda f’dar il-Fariżew, ġiebet vażett tal-alabastru biż-żejt tal-fwieħa.
U qagħdet f’riġlejh warajh tibki, u bdiet ixxarrablu riġ-lejn bid-dmugħ, u mesħithomlu b’xagħar rasha, u bisitlu riġ-lejh, u dilkithomlu biż-żejt tal-fwieħa.
Issa meta ra dan il-Fariżew li stiednu, qal fih innifsu: Dan il-bniedem, kieku kien profeta, kien ikun jaf min hi u x’inhi l-mara li qiegħda tmissu: għax hi midinba.
U Ġesù wieġeb, billi qallu: Xmun, għandi xi ngħidlek. U hu qal: Mgħallem, għid.
Kien hemm wieħed li jislef il-flus li kellu żewġ mid-junin: wieħed kellu jagħtih ħames mitt dinier, u l-ieħor ħamsin.
U meta ma kellhom xejn biex iħallsu, ħafrilhom bil-qalb it-tnejn. Għidli mela, min iħobbu l-aktar?
Wieġeb Xmun, u qal: Naħseb li dak, li ħafirlu l-iżjed. U qallu: Ħsibt sewwa.
U dar lejn il-mara, u qal lil Xmun: Tara dil-mara? Dħalt f’darek, u ilma għal riġlejja ma tajtnix: imma din ħaslitli riġ-lejja bid-dmugħ, u mesħithom b’xagħar rasha.
Bewsa ma tajtnix: iżda dil-mara minn xħin dħalt ma waqfitx tbusli riġlejja.
Biż-żejt ma dliktlix rasi; imma dil-mara dilkitli riġlejja biż-żejt tal-fwieħa.
Għalhekk ngħidlek: Dnubietha, li huma ħafna, huma maħfura, għax ħabbet ħafna: iżda lil min jinħafirlu ftit, dan ftit iħobb.
U qalilha: Dnubietek maħfura.
U dawk li kienu fuq il-mejda miegħu bdew igħidu fihom infushom: Min hu dan li jaħfer id-dnubiet ukoll?
U qal lill-mara: Il-fidi tiegħek salvatek; mur bis-sliem.

Luqa 8

U ġara wara, illi mar f’kull belt u raħal, ixandar u jniedi l-bxara sabiħa tas-saltna t’Alla; u miegħu kienu t-tnax.
U xi nisa, li kienu mfejqa minn spirti ħżiena u mard, Marija jgħidulha Maddalena, li minnha kienu ħarġu seba’ de-monji,
U Ġwanna mart Ħuża li kien jieħu ħsieb dar Erodi, u Susanna, u ħafna oħra, li kienu jaħsbu għalih minn ġidhom.
U xħin inġemgħet ħafna nies, u ġiet għandu mill-ibliet kollha, hu qal parabbola:
Wieħed li jiżra’ ħareġ barra jiżra’ ż-żerriegħa tiegħu: u hu u jiżra’, xi żerrigħat waqgħu mal-ġenb tat-triq; u rtifsu, u belgħuhom it-tjur tal-ajru.
U oħrajn waqgħu fuq blata; u malli nibtu, nixfu, għax ma kellhomx tira.
U oħrajn waqgħu qalb ix-xewk; u x-xewk kiber magħ-hom, u ħanaqhom.
U oħrajn waqgħu fuq art tajba, u kibru, u għamlu frott għal mitt darba. U kif qal dan, għajjat: Min għandu widnejn biex jisma’, ħa jisma’.
U d-dixxipli tiegħu staqsewh, billi qalu: Xi tkun dil-parabbola?
U qal: Lilkom mogħti li tagħrfu l-misterji tas-saltna: iżda lill-oħrajn bil-parabboli; biex huma u jaraw, ma jarawx; u huma u jisimgħu, ma jifhmux.
Il-parabbola, mela, hija din: Iż-żerriegħa hi l-kelma ta’ Alla.
Dawk ta’ mal-ġenb tat-triq huma dawk li jisimgħu; imbagħad jiġi x-Xitan, u jieħu l-kelma minn qalbhom, li ma jmorrux jemmnu u jkunu salvati.
Dawk ta’ fuq il-blat huma dawk li meta jisimgħu, jil-qgħu l-kelma bil-ferħ; u dawn m’għandhomx għeruq; li jemm-nu għal xi żmien, u f’waqt it-tiġrib jaqgħu.
U dawk li waqgħu qalb ix-xewk huma dawk, li meta se-mgħu, telqu, u nħanqu mill-ħsibijiet u mill-għana u mill-pjaċiri ta’ dil-ħajja, u ma jwasslux frott sa ma jsir.
Imma dawk ta’ fuq art tajba huma dawk, li b’qalb onesta u tajba, jisimgħu l-kelma, u jżommuha, u jagħmlu l-frott bis-sabar.
Ebda bniedem, meta jixgħel lampa, ma jgħattiha b’xi ħaġa, jew iqiegħdha taħt sodda; iżda jqiegħdha fuq l-imnara, biex dawk li jidħlu jaraw id-dawl.
Għax xejn mhu moħbi, li ma jinkixifx; lanqas xejn moħbi, li ma jingħarafx u jiġi fil-beraħ.
Araw mela kif tisimgħu: għax min għandu, jingħatalu; u min m’għandux, jitteħidlu mqar dak li minn għalih għandu.
Ġew għalih ommu u ħutu, iżda ma setgħux jersqu lejh minħabba l-folla.
Xi ħadd qallu, ommok u ħutek qegħdin hawn barra u jarawk.
Iżda hu weġibhom: Ommi u ħuti huma dawk li jisimgħu l-kelma ta’ Alla u jagħmlu li jgħid hu.
Issa ġara f’wieħed minn dawk il-jiem, li tala’ fuq dgħaj-sa mad-dixxipli tiegħu, u qalilhom: Ejjew immorru għan-naħa l-oħra tal-għadira. U qalgħu ’l barra.
Imma huma u sejrin raqad: u fuq l-għadira maltempata ta’ riħ; u mtlew bl-ilma, u kienu fil-periklu.
U resqu lejh, u qajmuh, billi qalu: Mgħallem, mgħallem, se nintilfu aħna. Imbagħad qam, u ċanfar ir-riħ, u t-taħbit tal-ilma: u huma waqfu, u sar bnazzi.
U qalilhom: Fejn hi l-fidi tagħkom? U billi beżgħu, stagħġbu u qalu wieħed lil ieħor: xi bniedem hu dan! għax hu jordna wkoll l-irjieħ u l-ilma, u jisimgħu minnu.
U waslu fl-art ta’ Ġerasin, li hi fuq in-naħa l-oħra tal-Galilija.
U xħin niżel l-art, iltaqa’ miegħu barra mill-belt wieħed raġel, li kellu d-demonji minn żmien twil, u la kien jilbes ħwejjeġ, u lanqas kien joqgħod f’ebda dar, imma fl-oqbra.
Malli ra ’l Ġesù, għajjat, u nxteħet quddiemu, u qal; b’leħen qawwi: X’hemm bejni u bejnek, Ġesù Bin Alla l-Għoli? Nitolbok illi ma taħqarnix.
Għax ordna l-ispirtu mniġġes biex joħroġ mir-raġel. Għax bosta drabi kien qabdu: u kien miżmum marbut bil-ktajjen u bil-qjud; u kien iqatta’ l-irbit, u kien misjuq mid-demonju fix-xagħri.
U Ġesù staqsieh, billi qallu: X’jismek? U dak wieġeb: Leġjun: għax ħafna demonji kienu daħlu fih.
U tqalbu biex ma jġegħilhomx imorru fl-abbissi.
Issa kien hemm merħla ta’ ħafna ħnieżer jirgħaw fuq il-muntanja: u talbuh biex iħalihom jidħlu fihom. U ħalliehom.
U d-demonji ħarġu mbagħad mir-raġel, u daħlu fil-ħnieżer: u l-merħla nteftgħet bil-herra ’l isfel mill-irdum fl-għadira, u kienu mgħarrqin.
X’ħin ir-rgħajja raw x’ġara, ħarbu, u marru u qalu dan fil-belt, u fl-irħula.
Imbagħad ħarġu jaraw x’ġara; u ġew fejn Ġesù, u sabu r-raġel, li minnu d-demonji kienu ħarġu, bil-qiegħda f’riġlejn Ġesù, liebes, u moħħu f’loku: u beżgħu.
Dawk li raw dan qalulhom kif dak li kellu d-demonji kien fieq.
Imbagħad in-nies kollha ta’ madwar il-pajjiż ta’ Ġerasin talbuh biex jitbiegħed minnhom; għax kien qabadhom biża’ kbir: u hu tala’ fuq id-dgħajsa, u raġa’ lura.
Issa r-raġel li minnu kienu ħarġu d-demonji talbu bil-ħniena biex jibqa’ miegħu: iżda Ġesù bagħtu, billi qallu:
Arġa’ mur darek, u xandar kemm ħwejjeġ kbar għamil-lek Alla. U dak telaq, u xandar mal-belt kollha kemm ħwejjeġ kbar għamillu Ġesù.
U ġara, x’ħin Ġesù raġa’ lura, illi l-poplu laqgħu bil-qalb: għax kulħadd kien jistennieh.
U ġie wieħed, jismu Ġajru, li kien kap tas-sinagoga, nxteħet f’riġlejn Ġesù u talbu jasal wasla sa għandu,
għax kienet qiegħda tmutlu bintu, tifla ta’ xi tnax-il sena, li ma kellux ħliefha. Huwa u sejjer, In-nies bdew irossu fuqu.
U mara li kienet ilha tbati tnax-il sena minn telf ta’ demm, u li ma setgħet titfejjaq minn ħadd.
Ġiet warajh, u messet tarf il-libsa tiegħu; u minnufih waqfet it-tnixxiha ta’ demmha.
U Ġesù qal: Min messni? Meta kulħadd ċaħad, qal Pietru u dawk li kienu miegħu: Mgħallem, il-ġemgħa tan-nies tiffolla madwarek u trossok, u int tgħid: Min messni?
U Ġesù qal: Xi ħadd messni: għax naf li qawwa ħarġet minni.
U xħin rat il-mara li nkixfet, resqet imriegħda, u nxteħtet quddiemu, u għarrfitu kif fieqet f’daqqa.
U qalilha: Binti, ifraħ: il-fidi tiegħek fejqitek: mur bis-sliem.
Kif kien għadu jitkellem, ġie wieħed mingħand il-kap tas-sinagoga jgħidulu: Bintek mietet: tħabbatx lill-Imgħallem.
Iżda xħin Ġesù sama’ dan, wieġbu, qallu: La tibżax: biss emmen, u hi tfiq.
U xħin wasal id-dar, ma ħalla lil ħadd min jidħol miegħu, ħlief lil Pietru, u ’l Ġakbu u ’l Ġwanni, u ’l missier it-tifla u lil ommha.
U kollha bkew, u tħassruha: iżda hu qal: La tibkux: mhix mejta, iżda rieqda.
U bdew jidħku bih, billi kienu jafu li mietet.
U ġagħalhom joħorġu lkoll barra, u qabadha minn idha, u għajjat: Tifla, qum.
U l-ispirtu tagħha raġa’ ġie, u hi qamet minnufih: u ordna li jtuha tiekol.
U l-ġenituri tagħha stagħġbu; iżda hu wissiehom biex ma jgħidu lil ħadd dak li kien ġara.

Luqa 9

Imbagħad sejjaħ lit-tnax-il dixxiplu tiegħu flimkien, u tahom qawwa u awtorità fuq id-demonji kollha, u biex ifejqu l-mard.
U bagħathom ixandru s-saltna t’Alla, u jfejqu l-morda.
U qalilhom: tieħdu xejn għall-vjaġġ tagħkom, la ħatar, la ħorġa, la ħobż, u lanqas ikollkom żewġt ilbiesi.
U f’kull dar li tidħlu, hemm oqogħdu, sakemm titilqu minn hemm.
U kull min ma jilqagħkomx, meta toħorġu minn dik il-belt, farfru sat-trab minn riġlejkom bħala xhieda kontra tagħ-hom.
U ħarġu, u għaddew mill-ibliet, ixandru l-evanġelju, u jfejqu kullimkien.
Issa Erodi t-tetrarka sama’ dak kollu li kien qiegħed jiġri: u tħawwad sewwa, għax x’uħud kienu jgħidu, li Ġwanni qam mill-imwiet:
U minn oħrajn, li Elija deher; u minn oħrajn, li wieħed mill-profeti mill-qodma qam.
U Erodi qal: Ġwanni qtajtlu rasu: mela min hu dan, li fuqu qiegħed nisma’ ħwejjeġ bħal dawn? U xtaq jarah.
U l-appostli, meta reġgħu lura, qalulu kulma kienu għa-mlu. U ħadhom, u tealq waħdu f’post imwarrab tal-belt jisimha Betsajda.
Iżda n-nies, malli ntebħu b’dan, marru warajh: u laqa-għhom, u tkellem magħhom fuq is-saltna t’Alla, u fejjaq lil dawk li kellhom bżonn il-fejqan.
U meta l-jum beda għaddej, ġew it-tnax, u qalulu: Ib-għat il-ġmiegħi tan-nies, biex imorru fl-irħula ta’ madwar, biex isibu fejn joqgħodu, u x’jieklu; għax hawn qegħdin f’post diżabitat.
Imma hu qalilhom: Agħtuhom intom jieklu. U qalulu: M’għandniex aktar minn ħames ħobżiet, u żewġ ħutiet; jekk ma mmorrux aħna nixtru l-ikel għal dal-poplu kollu.
Għax kienu madwar ħamest elef raġel. U qal lid-dixxipli tiegħu: Ġegħluhom joqogħdu bil-qiegħda fi qtajja ta’ xi ħamsin-il waħda.
U hekk għamlu, u ġegħluhom ilkoll joqogħdu bil-qiegħda.
Imbagħad ħa l-ħames ħobżiet u ż-żewġ ħutiet, u wara li rafa’ għajnejh lejn is-sema, berikhom, u kisirhom, u tahom lid-dixxipli tiegħu, biex iqegħduhom quddiem il-ġemgħa.
U kielu, u xebgħu kollha: u refgħu mill-fdal tnax-il qoffa bċejjeċ.
U ġara, waqt li kien jitlob waħdu, illi d-dixxipli kienu miegħu: u hu staqsiehom, billi qal: Min igħidu n-nies li jiena jien?
Wieġbu, igħidu: Ġwanni l-Battista; iżda x’uħud igħidu li qam wieħed mill-profeti l-qodma.
U qalilhom: Iżda intom min tgħidu li jiena jien? U Pietru wieġeb, qal: Il-Kristu ta’ Alla.
Iżda hu wissiehom, u ordnalhom biex dan ma jgħiduh lil ħadd;
Billi qal: Bin il-bniedem għandu jbati wisq, u jinċaħad mill-anzjani u mill-qassisin il-kbar u mill-iskribi, u jinqatel, u fit-tielet jum iqum.
U qalilhom ukoll: Jekk xi ħadd irid jiġi warajja, ħa jiċħad lilu nnifsu, u jarfa’ salibu kuljum, u jiġi warajja.
Għax, kull min irid isalva ħajtu, jitlifha: iżda kull min jitlef ħajtu minħabba fija, dan isalvaha.
Għax x’jiswielu bniedem, jekk jirbaħ id-dinja kollha, u jitlef lilu nnifsu, jew jintrema?
Għax kull min jistħi minni u minn kliemi, Bin il-bnie-dem jistħi minnu, meta jiġi fil-glorja tiegħu, u f’ta’ Missieru, u tal-anġli qaddisa.
Iżda ngħidilkom is-sewwa: Hawn x’uħud minn dawk li qegħdin hawn, li ma jduqux il-mewt, sa ma jaraw is-saltna t’Alla.
U ġara, xi tmint ijiem wara dawn it-taħditiet, illi ħa miegħu lil Pietru, u lil Ġwanni, u lil Ġakbu, u tala’ fuq mun-tanja biex jitlob.
Hu u jitlob, id-dehra ta’ wiċċu tbiddlet, u lbiesu sar abjad u jiddi.
U, ara, kien hemm jitkellmu miegħu żewġt ir-ġiel, li kienu Mosè u Elija:
Li dehru fil-glorja, u kienu jitħaddtu fuq it-tmiem tiegħu li hu kellu jwettaq Ġerusalemm.
Iżda Pietru u dawk li kienu miegħu kienu magħfusin bin-ngħas: u xħin stenbħu, raw il-glorja tiegħu, u ż-żewġt irġiel li kienu ħdejh.
U ġara, huma u jitilqu minn ħdejh, illi Pietru qal lil Ġesù: Mgħallem, tajjeb li aħna noqogħodu hawn: ħallina nagħ-mlu tliet tined; waħda għalik, waħda għal Mosè, u waħda għal Elija: billi ma kienx jaf x’qiegħed igħid.
Hu u jgħid hekk, ġiet sħaba, u għattiethom: u beżgħu xħin daħlu fis-sħaba.
U ġie leħen mis-sħaba jgħid: Dan hu Ibni l-għażiż: lilu isimgħu.
U wara li għadda l-leħen, Ġesù nstab waħdu. Huma baqgħu siekta, u f’dawk il-jiem lil ħadd ma qalu xejn milli raw.
U ġara l-għada, meta niżlu mill-għolja, illi ħafna nies iltaqgħu miegħu.
U wieħed raġel mill-folla refa’ leħnu u qallu: Mgħallem, nitolbok, ħares ħarsa lejn ibni, għax lilu biss għandi.
U, ara, meta jaħtfu spirtu, minnufih jibda’ jgħajjat; u jħabbtu ma’ l-art, hekk li jarġa’ joħroġ ir-ragħwa, u qajla jitilqu wara li jkun benġlu.
U jien tlabt bil-ħniena lid-dixxipli tiegħek biex joħorġuh; u ma setgħux.
U Ġesù wieġeb, billi qal: Ja ġenerazzjoni bla twemmin u maqluba, kemm sa ndum magħkom, u naħmilkom? Ġib hawn lil ibnek.
U hu u riesaq, id-demonju tefgħu ma’ l-art, u qallbu. U Ġesù ċanfar lill-ispirtu mniġġes, u fejjaq it-tifel, u raddu lil mis-sieru.
U kienu lkoll mistagħġbin bil-qawwa kbira ta’ Alla. Iżda huma u jistagħġbu b’kulma għamel, Ġesù qal lid-dixxipli tiegħu:
Ħallu dawn il-kelmiet jidħlu f’widnejkom: Bin il-bnied-em sa jingħata f’idejn il-bnedmin.
Imma huma ma fehmux dil-kelma, u kienet moħbija minnhom, biex ma jifhmuhiex: u beżgħu jistaqsu fuqha.
U qamet tilwima bejniethom, min minnhom kien l-akbar.
U Ġesù, billi għaraf il-ħsieb ta’ qalbhom, ħa tifel żgħir, u qiegħdu ħdejh.
U qalilhom: Min jilqa’ lil dat-tifel żgħir f’ismi jilqa’ lili: u min jilqa’ lili jilqa’ lil min bagħatni: għax min hu l-iżgħar fostkom ilkoll, dan ikun kbir.
U Ġwanni wieġeb u qal: Mgħallem, rajna wieħed joħroġ id-demonji f’ismek, u ma ħallejniehx, għax ma jimxix magħna.
Qallu Ġesù: La żżommuhx, għax min mhux kontra tagħna hu magħna.
U ġara, meta ż-żmien li jkun milqugħ fis-sema wasal, illi dawwar wiċċu biex imur Ġerusalemm,
U bagħat xi messaġġiera quddiemu: u marru, u daħlu f’raħal tas-Samaritani, biex ihejjulu.
U ma laqgħuhx, għax wiċċu kien bħallikieku kien sejjer Ġerusalemm.
U malli d-dixxipli tiegħu Ġakbu u Ġwanni raw dan, qalu: Mulej, tridx ngħidu biex jinżel nar mis-sema, u jtemm-hom, bħal ma għamel ukoll Elija?
Iżda hu dar, u ċanfarhom, u qal: Intom ma tafux minn liema ġens ta’ spirtu intom.
Għax Bin il-bniedem ma ġiex biex jeqred il-ħajja tal-bnedmin, iżda biex isalvahom. U marru f’raħal ieħor.
U ġara, huma u mexjin fit-triq, illi wieħed raġel qallu: Mulej, nimxi warajk kull fejn tmur.
U Ġesù qallu: Il-volpijiet għandhom il-ħofor, u t-tjur tal-ajru għandhom il-bejtiet; iżda Bin il-bniedem m’għandux fejn imidd rasu.
Qal lil wieħed ieħor: Imxi warajja. Iżda dak qal: Mulej; ħallini l-ewwel immur nidfen lil missieri.
Imma Ġesù qallu: Ħalli l-mejtin jidfnu lill-mejtin tagħ-hom: iżda int mur xandar is-saltna ta’ Alla.
Ieħor ukoll qal: Mulej, jien niġi warajk; iżda l-ewwel ħallini nsellem lin-nies ta’ dari.
U Ġesù qallu: Ebda bniedem, wara li jagħmel idu fuq il-moħriet, u jħares lura, ma hu tajjeb għas-saltna ta’ Alla.

Luqa 10

Wara dan għażel il-Mulej tnejn u sebgħin oħra, u bagħa-thom tnejn tnejn quddiemu f’kull belt u post, fejn kellu jiġi hu stess.
Għalhekk qalilhom: Il-ħsad tassew kbir, iżda l-ħaddie-ma huma ftit: itolbu għalhekk lil Sid il-ħsad, biex jibgħat ħad-diema għall-ħsad tiegħu.
Morru: Ara, qiegħed nibgħatkom bħal ħrief qalb l-ilpup.
La ġġorrux u la borża, u la ħorġa, u lanqas qorq; u la sselmu lil ħadd fit-triq.
U f’kull dar li tidħlu, l-ewwel għidu: Is-sliem lil did-dar.
U jekk ikun hemm bin is-sliem, is-sliem tagħkom jinżel fuqha: jekk le, tarġa’ lura għandkom.
U f’dik l-istess dar ibqgħu, tieklu u tixorbu milli jagħtu-kom; għax il-ħaddiem jistħoqqlu ħlasu. La tmorrux minn dar għal dar.
U f’kull belt li tidħlu, u jilqgħukom, kulu minn dak li jqegħdulkom quddiemkom:
U fejqu l-morda li jkun hemm, u għidulhom: Is-saltna t’Alla qorbot lejkom.
Iżda f’kull belt li tidħlu, u ma jilqgħukomx, oħorġu fit-toroq tagħha, u għidu:
Sa l-istess trab ta’ beltkom, li weħel magħna, aħna nfarfu għalikom: madankollu kunu żguri minn dan, li qorbot is-saltna t’Alla lejkom.
Iżda ngħidilkom: Ikun eħfef f’dak il-jum għal Sodoma, milli għal dik il-belt.
Għali kbir għalik, Korażajn! Għali kbir għalik, Betsajda! Għax kieku saru f’Tir u f’Sidon l-opri kbar li saru fikom, ilhom żmien li nidmu, mixħutin lebsin ix-xkora, u fl-irmied.
Imma jkun eħfef għal Tir u Sidon f’jum il-ħaqq, milli għalikom.
U int, Kafarnahum, taħseb li se togħla sas-sema? F’Ħades tkun imniżżel.
Min jisma’ lilkom, ikun jisma’ lili u min iwarrab lilkom ikun iwarrab lili; u min iżeblaħ lili, iżeblaħ lil dak li bagħatni.
U t-tnejn u sebgħin reġgħu lura ferħanin, u qalu: Mulej, sad-demonji wkoll joqoghdu għalina f’ismek.
U qalilhom: Jien rajt lil Satana jaqa’ bħal berqa mis-sema.
Ara, jien nagħtikom is-setgħa timxu fuq is-sriep u l-isk-orpjuni, u fuq kull qawwa tal-għadu: u xejn ma jista’ jagħmlil-kom ħsara.
Madankollu b’dan la tifirħux, li l-ispirti joqogħdu għali-kom, iżda ifirħu li isimijietkom kienu miktuba fis-smewwiet.
F’dik l-istess siegħa Ġesù tqanqal bil-ferħ fl-Ispirtu Qaddis u qal: Infaħħrek, Missier, Sid is-sema u l-art, għax int ħbejt dawn il-ħwejjeġ mill-għorrief u min-nies tad-dehen, u għarrafthom liċ-ċkejknin. Iva, Missier; għaliex hekk għoġbok.
Kollox ingħatali minn Missieri; u ħadd ma jaf min hu l-Iben ħlief il-Missier; u min hu l-Missier, ħlief l-Iben, u lil min l-Iben ikun irid igħarrafhulu.
U dar lejn id-dixxipli tiegħu, u qalilhom weħidhom: Im-berkin l-għajnejn li jaraw dak il taraw intom:
Għax ngħidilkom, li ħafna profeti u slaten xtaqu li jaraw dak li taraw intom, u ma rawhx; u jisimgħu dak li tisimgħu int-om, u ma semgħuhx.
U, ara, wieħed imgħallem tal-liġi qam bil-wieqfa, u hu u jġarrbu, qal: Mgħallem, x’għandi nagħmel biex niret il-ħajja ta’ dejjem?
U qallu: X’hemm miktub fil-liġi? X’taqra?
U dak wieġeb, qal: Ħobb il-Mulej Alla tiegħek b’qalbek kollha, u b’ruħek kollha, u b’saħħtek kollha, u b’moħħok, kollu; u lil għajrek bħalek innifsek.
U qallu: Tajjeb weġibt: għamel dan, u tgħix.
Imma dak, billi ried jiġġustifika lilu nnifsu, qal lil Ġesù: U min hu għajri?
Wieġeb Ġesù, u qal: Wieħed raġel kien nieżel minn Ġerusalemm lejn Ġeriko, u waqa’ f’idejn il-ħallelin, li neżżgħuh minn ħwejġu, u ferewh, u telqu, u ħallewh bejn ħaj u mejjet.
U nzerta kien għaddej minn dik it-triq wieħed qassis: u meta rah, għadda fuq in-naħa l-oħra.
U hekk ukoll Levita, meta wasal hemm, ġie u ħares lejh, u għadda fuq in-naħa l-oħra.
Imma wieħed Samaritan, li kien għaddej, ġie ħdejh: u meta rah, kellu ħniena minnu.
U resaq fejnu, u rabatlu ġrieħu, wara li sawwablu żejt u nbid; u qiegħdu fuq il-bhima tiegħu stess, u ħadu f’lukanda, u ħa ħsiebu.
U l-għada, x’ħin kien sejjer, ħareġ żewġ dinieri, u tahom lir-raġel tal-lukanda, u qallu: Ħu ħsiebu; u kulma tonfoq iżjed, nagħtihulek meta narġa’ ngħaddi.
Min minn dawn it-tlieta, jidhirlek int, kien il-għajr ta’ dak li waqa’ f’idejn il-ħallelin?
U dak qal: Dak li wera ħniena miegħu. Imbagħad Ġesù qallu: Mur, u agħmel hekk int ukoll.
Issa ġara, huma u sejrin, illi daħal f’raħal: u waħda mara jisimha Marta laqgħetu f’darha.
U kellha oħtha Marija, li qagħdet ukoll bil-qiegħda f’riġlejn Ġesù, u semgħet il-kelma tiegħu.
Imma Marta kienet aljenata b’ħafna qadi, u resqet lejh u qalet: Mulej, mhu xejn dan għalik li oħti ħallietni naqdi waħdi? Għidilha mela biex tgħinni.
U Ġesù wieġeb u qalilha: Marta, Marta, int imkidda u mħabbta għal ħafna ħwejjeġ;
Imma ħaġa waħda hi meħtieġa: u Marija għażlet dak l-aħjar sehem, li ma jitteħdilhiex.

Luqa 11

U ġara, fil-waqt li kien jitlob f’ċertu lok, xħin waqaf, illi wieħed mid-dixxipli tiegħu qallu: Mulej, għallimna nitolbu, bħal ma għallem ukoll Ġwanni lid-dixxipli tiegħu.
U qalilhom: Meta titolbu, għidu: Missier, jitqaddes ismek. Tiġi saltnatek.
Ħobżna ta’ kuljum agħtihulna minn jum għal jum.
U aħfrilna dnubietna; għax aħna wkoll naħfru lil kull min għandu jagħtina. U la ddaħħalniex fit-tiġrib.
U qalilhom: Min minnkom ikollu ħabib, u jmur għandu f’nofs il-lejl, u jgħidlu: Ħabib, islifni tliet ħobżiet;
Għax ħabib tiegħi ġie għandi minn vjaġġ, u m’għandux xi nqegħidlu quddiemu?
U dak minn ġewwa jwieġbu u jgħidlu: Tħabbatnix: il-bieb issa magħluq, u wliedi qegħdin fis-sodda miegħa nistax inqum nagħtik.
Ngħidilkom: Għalkemm ma jqumx u jagħtih, għax ikun ħabibu, iżda minħabba l-leħħa tiegħu jqum u jagħtih kemm jinħtieġlu.
U ngħidilkom: Itolbu, u jingħatalkom; fittxu, u ssibu; ħabbtu, u jinfetħilkom.
Għax kull min jitlob jaqla’; u min jifittex isib; u min iħabbat, jiftħulu.
Jekk iben jitlob il-ħobż lil wieħed minnkom, li hu mis-sier, jagħtih ġebla? Jew jekk jitlob ħuta, minflok ħuta jagħtih serp?
Jew jekk jitlob bajda, jagħtih skorpjun?
Jekk intom mela, li intim ħżiena, tafu kif tagħtu lil ulie-dkom għotjiet tajba: kemm aktar Missierkom tas-sema jagħti l-Ispirtu Qaddis lil dawk li jitolbuh?
U kien qiegħed joħroġ id-demonju, li kien mutu. U ġara, meta d-demonju ħareġ, illi l-mutu tkellem; u n-nies stagħġbu.
Imma x’uħud minnhom qalu: Bis-saħħa ta’ Begħelże-bub, il-ħakkiem tad-demonji, joħroġ id-demonji.
U oħrajn, huma u jġarrbuh, talbu minnu xi sinjali mis-sema.
Imma hu, billi kien jaf ħsibijiethom, qalilhom: Kull salt-na mifruda kontra tagħha nnifisha titħarbat, u dar mifruda kont-ra dar taqa’.
Jekk Satana wkoll hu mifrud kontra tiegħu nnifsu, kif iżżomm is-saltna tiegħu? Għax intom tgħidu li bis-saħħa ta’ Begħelżebul jiena noħroġ id-demonji.
U jekk jiena bis-saħħa ta’ Begħelżebul noħroġ id-dem-onji, bis-saħħa ta’ min joħorġuhom uliedkom? Għalhekk huma jkunu l-imħallfin tagħkom.
Iżda jekk jien bis-saħħa tas-saba’ t’Alla noħroġ id-demonji, mela s-saltna t’Alla waslet fuqkom.
Meta raġel qawwi armat jindokra lil daru, ħwejġu huma fis-sliem:
Imma jekk wieħed b’saħħtu aktar minnu jiġi fuqu, u jegħlbu, jeħodlu l-armi kollha li kien jafda fihom, u jqassam dak li ħataflu.
Min mhux miegħi huwa kontra tiegħi: u min ma jiġborx miegħi, ixerred.
Meta l-ispirtu mniġġes joħroġ minn bniedem, jimxi f’postijiet nexfin, ifittex il-mistrieħ; u meta ma jsibx, igħid: Narġa’ mmur dari mnejn ħriġt.
U meta jiġi, isibha miknusa u mżejna.
Imbagħad imur, u jieħu miegħu seba’ spirti oħra agħar minnu nnifsu; u jidħlu, u jgħammru hemm: u l-aħħar qagħda ta’ dak il-bniedem tkun agħar minn tal-ewwel.
U ġara, hu u jgħid dan, kien hemm waħda mara li għolliet leħinha minn qalb il-folla u qaltlu: Imbierek l-ġuf li ġiebek u s-sider li rdajt!
Imma hu qal: Iva, imma aktar imberkin dawk li jisi-mgħu l-kelma t’Alla u jħarsuha.
U kif in-nies bdew jintrassu flimkien, qabad igħid: Din hi ġenerazzjoni ħażina: ifittxu sinjal; u l-ebda sinjal ma jingħatalu, ħlief is-sinjal ta’ Ġona l-profeta.
Għax bħalma Ġona kien sinjal għan-nies ta’ Ninwè, hekk ukoll bin il-bniedem ikun għal din il-ġenerazzjoni.
Is-sultana ta’ nofsinhar tqum f’jum il-ħaqq ma’ l-irġiel ta’ din il-ġenerazzjoni, u tikkundannahom: għax hi ġiet minn truf l-art biex tisma’ l-għerf ta’ Salamun; u, ara, wieħed aqwa minn Salamun hu hawn.
L-irġiel ta’ Ninwè jqumu f’jum il-ħaqq ma’ din il-ġene-razzjoni, u jikkundannawha: għax huma nidmu meta Ġona xandar; u, ara, wieħed aqwa minn Ġona hu hawn.
Ħadd, meta jixgħel lampa ma jqiegħdha f’post sigriet, lanqas taħt il-modd imma fuq l-imnara, biex dawk li jidħlu jaraw id-dawl.
Id-dawl tal-ġisem hi l-għajn: għalhekk meta għajnek hi safja, ġismek kollu hu mimli dawl; iżda meta għajnek tkun ħażina, ġismek ukoll ikun mimli dlam.
Qis mela li d-dawl li hu fik ma jkunx dlam.
Jekk mela ġismek ikun mimli kollu dawl, bla ma jkollu ebda naħa mudlama, ikun kollu mdawwal, bħal meta d-dija tal-lampa tagħtik id-dawl.
U hu u jitkellem, talbu wieħed Fariżew biex jiekol miegħu: u daħal, u qagħad fuq il-mejda.
U xħin il-Fariżew ra dan, stagħġeb li ma kienx inħasel qabel l-ikel.
U l-Mulej qallu: Issa intom il-Fariżej tnaddfu t-tazza u d-dixx minn barra; iżda ġewwa tagħkom mimli bis-serq u bil-ħażen.
Ja boloh, min għamel barra ma għamilx ukoll ġewwa?
Imma agħtu karità minn dak li għandkom; u, ara, kollox hu nadif għalikom.
Iżda għali kbir għalikom, Fariżej! għax intom tagħtu lura l-għexur n-nagħniegħ u l-flejġel u kull xorta ta’ ħxejjex, u tħallu l-ħaqq u l-imħabba ta’ Alla: dawn kien imisskom għamiltu, u ma tħallux lil l-oħrajn barra mhux magħmulin.
Għali kbir għalikom, Fariżej! għax intom tħobbu l-ewwel siġġijiet fis-sinagogi, u t-tislim fil-pjazez.
Għali kbir għalikom skribi u Fariżej, ipokriti! Għax intom bħal oqbra li ma jidhrux, u n-nies li jimxu fuqhom ma jafux bihom.
Imbagħad wieġeb wieħed mill-imgħallmin tal-liġi, u qallu: Mgħallem, b’dal-kliem int qiegħed tgħajjar lilna wkoll.
U qal: Għali kbir għalikom ukoll, ja mgħallmin tal-liġi! għax tgħabbu l-bnedmin tagħbijiet tqal biex jirtefgħu, u intom infuskom ma tmissux it-tagħbijiet b’wieħed mis-swaba tagħ-kom.
Għali kbir għalikom! Għax tibnu l-oqbra tal-profeti, li mis-sirijietkom qatluhom.
Tassew intom xhieda li taqblu ma’ l-opri ta’ mis-sirijietkom; għax huma tassew qatluhom, u intom tibnu l-oqbra tagħhom.
Għalhekk ukoll qal il-għerf ta’ Alla: Nibgħatilhom pro-feti u appostli, u x’uħud minnhom joqtluhom u jippersegwitaw-hom.
Biex id-demm tal-profeti kollha, li xxerred sa mit-tisjis tad-dinja, jintalab minn din il-ġenerazzjoni;
Minn demm Abel sa demm Żakkarija, li kien meqrud bejn l-artal u s-santwarju: tassew ngħidilkom: Għad jintalab minn fuq din il-ġenerazzjoni.
Għali kbir għalikom, ja mgħallmin tal-liġi! Għax ħadtu l-muftieħ tal-għerf: intom infuskom ma dħaltux, u dawk li kienu deħlin intom fixkiltu.
U hekk kif qalilhom dan, l-iskribi u l-Fariżej bdew iżommulu bis-sħiħ, u jġagħluh jitkellem fuq ħafna ħwejjeġ.
Lesti għalih, u jfittxu li jaqbdi xi ħaġa minn fommu, biex jixluh.

Luqa 12

Waqt li eluf ta’ nies kienu miġmugħin, hekk li kienu jirfsu lil xulxin, hu beda jgħid l-ewwel lid-dixxipli tiegħu: Ħarsu ruħkom mill-ħmira tal-Fariżej, li hi l-ipokresija.
Għax m’hemm xejn imgħotti, li ma jinkixifx; u lanqas moħbi, li ma jingħarafx.
Għalhekk kulma tkunu għidtu fid-dlam jinstama’ fid-dawl; u dak li tkunu għidtu fil-widna fil-kmamar ta’ ġewwa jixxandar fuq il-bjut.
U lilkom ħbieb tiegħi ngħidilkom: La tibżgħux minn dawk li joqtlu l-ġisem, u wara dan m’għandhom xejn iżjed x’jistgħu jagħmlu.
Iżda jien nurikom minn qabel minn min għandkom tibżgħu: Ibżgħu minn dak, li wara li jkun qatel għandu s-setgħa li jitfa’ fl-infern; iva, ngħidilkom: Ibżgħu minnu.
Jaqaw ħames għasafar tal-bejt ma jinbigħux għal żewġ ħabbiet, u lanqas wieħed minnhom mhu minsi quddiem Alla?
Iżda sax-xagħar ta’ raskom hu kollu magħdud; la tibżgħux mela: intom tiswew aktar minn ħafna għasafar tal-bejt.
Ngħidilkom ukoll: Kull min jistqarrni quddiem il-bnedmin, jistqarru wkoll Bin il-bniedem quddiem l-anġli ta’ Alla.
Iżda dak li jiċħadni quddiem il-bnedmin, jinċaħad quddiem l-anġli ta’ Alla.
U kull min igħid kelma kontra Bin il-bniedem, jinħa-firlu: iżda min jidgħi bl-Ispirtu Qaddis ma jinħafirlux.
U meta jġibukom quddiem is-sinagogi, u l-maġistrati, u l-ħakiema, la ssirux anzjużi dwar kif u x’sejrin twieġbu, jew x’sa tgħidu:
Għax l-Ispirtu Qaddis jgħallimkom dak il-ħin stess x’għandkom tgħidu.
U qallu wieħed mill-ġemgħa tan-nies: Mgħallem, għid lil ħija, biex jaqsam il-wirt miegħi.
U hu qallu: Raġel, min għamilni mħallef jew qassâm fuqkom?
U qalilhom: Araw tajjeb, u ħarsu ruħkom mir-regħba: għax il-ħajja tal-bniedem mhix qiegħda fil-kotra tal-ġid li għandu.
U qalilhom parabbola, billi qal: Ir-raba’ ta’ wieħed għani raddlu ħafna:
U ħaseb fih innifsu, billi qal: X’nagħmel, għax m’għandix fejn naħżen il-frott tiegħi?
U qal: Hekk nagħmel: Inħott l-imħażen tiegħi, u nibni oħrajn akbar; u niġma’ hemm il-qamħ kollu tiegħi, u ġidi.
U ngħid lil ruħi: Ruħ, għandek ħafna ġid merfugħ għal ħafna snin; strieħ, kul, ixrob u thenna.
Imma Alla qallu: Ja iblah, dal-lejl ruħek tintalab minn għandek, imbagħad dak li hejjejt ta’ min ikun?
Hekk hu dak li jaħżen teżori għalih innifsu, u mhux għani ma’ Alla.
U qal lid-dixxipli tiegħu: Għalhekk ngħidilkom: La tkunux anzjużi għal ħajjitkom, x’sa tieklu; lanqas għall-ġisem, x’sa tilbsu.
Il-ħajja hi aqwa mill-ikel, u l-ġisem hu aqwa mill-ilbies.
Ħarsu lejn iċ-ċawl: għax huma la jiżirgħu u la jaħsdu; la għandhom maħżen u la fossa; u Alla jitmagħhom: kemm wisq iżjed tiswew intom mit-tjur?
U min minnkom billi jkun anzjuż jista’ jżid ma’ tulu kubitu wieħed?
Jekk mela ma tistgħux tagħmlu l-iżgħar ħaġa, għax tħabblu raskom għall-ħwejjeġ oħra?
Ħarsu lejn il-ġilji kif jikbru: la jaħdmu, la jinsġu; u jien ngħidilkom li lanqas Salamun fil-glorja kollha tiegħu ma kien imlibbes bħal wieħed minnhom.
Jekk mela Alla jlibbes hekk lill-ħaxix, li llum jinsab fil-għalqa, u għada jinxteħet fil-forn; kemm aktar ilibbes lilkom, ja intom ta’ fidi żgħira?
U la tfittxux x’sa tieklu, jew x’sa tixorbu, u la titħass-bux.
Għax dawn il-ħwejjeġ kollha jfittxuhom il-ġnus tad-din-ja: u Missierkom jaf li taħtiġuhom.
Iżda fittxu s-saltna ta’ Alla; u dawn il-ħwejjeġ kollha jiżdidulkom.
La tibżax, merħla żgħira; għax Missierkom għoġbu jagħtikom is-saltna.
Bigħu dak li għandkom, u għamlu karità; għamlu għali-kom boroż li ma jiqdimux, teżor fis-sema li ma jonqos qatt, fejn ebda ħalliel ma jersaq, u lanqas ma teqred il-kamla.
Għax fejn hemm it-teżor tiegħek, hemm qiegħda wkoll qalbek.
Ħalli ġenbejkom ikunu mħażżmin, u l-imsiebaħ tagħ-kom mixgħulin;
U intom kunu bħal irġiel jistennew lil sidhom, meta jiġi lura mit-tieġ; biex meta jiġi u jħabbat, jiftħulu malajr.
Imberkin dawk il-qaddejja, li xħin jiġi sidhom isibhom jishru: ngħidilkom is-sewwa, li hu jitħażżem, u jqegħidhom fuq il-mejda, u jgħaddi iservihom.
U jekk jiġi fit-tieni sahra, jew jiġi fit-tielet sahra, u jsibhom hekk, imberkin dawk il-qaddejja.
Kunu afu dan, li kieku sid id-dar kien jaf xħin ġej il-ħalliel, kien jishar, u ma jħallix daru tinfetaħ.
Kunu mela wkoll imhejjijin: għax f’siegħa li ma taħs-bux fiha jiġi Bin il-bniedem.
Imbagħad qallu Pietru: Mulej, għalina qiegħed tgħid dil-parabbola, jew għal kulħadd ukoll?
U l-Mulej qal, “Min, mela, hu dak il-prokuratur fidil u għaqli, li sidu jqiegħdu fuq in-nies tad-dar, biex jagħtihom f’waqtu sehemhom tal-ikel?
Imbierek dak il-qaddej, li x’ħin jiġi sidu jsibu jagħmel hekk.
Tassew ngħidilkom, li jqiegħdu fuq kulma għandu.
Iżda u jekk dak il-qaddej igħid f’qalbu: Jiddawwar sidi ma jiġi; u jibda jsawwat lill-qaddejja rġiel u nisa, u jiekol u jixrob, u jisker;
Sid dak il-qaddej jiġi f’jum li ma kienx jistennieh, u f’siegħa li ma jobsorx, jaqsmu tnejn, u jagħtih sehmu ma’ dawk li ma jemmnux.
U dak il-qaddej, li għaraf il-fehma ta’ sidu, u ma hejjiex lilu nnifsu, u lanqas għamel skont ir-rieda tiegħu, jissawwat b’ħafna daqqiet.
Imma dak li ma għarafx, u għamel ħwejjeġ li jistħoqqil-hom id-daqqiet, jissawwat bi ftit daqqiet. Għax lil min tawh ħafna, ħafna jitolbu minn għandu: u lil min il-bnedmin irħewlu ħafna f’idejh, iżjed jitolbu minnu.
Nar ġejt nitfa’ fl-art; u x’irrid iżjed jekk diġa’ qabad?
Iżda jien għandi magħmudija biex nitgħammed biha; u kif jien imdejjaq sa ma sseħħ!
Taħsbu intom li ġejt biex inġib is-sliem fl-art? Le: ngħi-dilkom; imma pjuttost il-firda:
Għax minn issa ’l quddiem ikunu ħamsa f’dar waħda mifrudin, tlieta kontra tnejn, u tnejn kontra tlieta.
Il-missier ikun mifrud kontra l-iben, u l-iben kontra l-missier; l-omm kontra l-bint, u l-bint kontra l-omm; omm ir-raġel kontra mart binha u mart l-iben kontra omm żewġha.
U qal ukoll lin-nies: Meta taraw sħaba tiela’ mill-punent, malajr tgħidu: Ġejja x-xita; u hekk jiġri.
U meta taraw jonfoħ ir-riħ isfel, tgħidu: Ġejja s-sħana; u hekk jiġri.
Ja ipokriti, tafu tagħrfu wiċċ is-sema u l-art; kif ma tafux tagħrfu dan iż-żmien?
Iva, u għaliex minnkom infuskom stess ma tiġġudikaw is-sewwa?
Int u sejjer ma’ l-għadu tiegħek għal għand il-maġistrat, kif tkun għadek fit-triq, qis li teħles minnu; li ma jeħdokx quddiem l-imħallef,u l-imħallef jerħik f’idejn il-għassies, u l-għassies jixħtek il-ħabs.
Ingħidlek: Minn hemm ma toħroġx, sa ma trodd sa l-aħħar ħabba.

Luqa 13

F’dak il-ħin kien hemm preżenti x’uħud li qalulu fuq il-Galilin, li Pilatu ħallat demmhom mas-sagrifiċċji tagħhom.
U Ġesù wieġeb, qalilhom: Taħsbu intom li dawn il-Galilin kienu midinbin aktar mill-Galilin kollha, għax batew dan kollu?
Le, ngħidilkom; imma jekk ma tindmux, ilkoll tintilfu bħalhom.
Jew dawk it-tmintax, li waqa’ fuqhom it-torri ta’ silwam, u qatilhom, taħsbu intom li kienu midjunin aktar min-nies kollha li jgħammru Ġerusalemm?
Le, ngħidilkom; imma jekk ma tindmux, ilkoll tintilfu bħalhom.
Imbagħad qal ukoll dil-parabbola: Wieħed raġel kellu siġra tat-tin imħawla fil-għalqa tad-dwieli tiegħu; u ġie u fittex il-frott fuqha, u ma sab xejn.
Imbagħad qal lill-ħaddiema tal-għalqa tad-dwieli tiegħu: Ara, dawn it-tliet snin ilni niġi nfittex il-frott fuq din is-siġra tat-tin, u ma sibtx: aqtagħha; għalfejn qiegħda tħassar l-art?
Wieġeb u qallu: Mgħallem, ħalliha dis-sena wkoll, sa-kemm nagħżaq madwarha, u nagħtiha d-demel.
U jekk tagħmel il-frott, tajjeb: u jekk le, imbagħad wara aqtagħha.
U kien qiegħed igħallem f’waħda mis-sinagogi fis-sabat.
U, ara, kien hemm mara li kellha spirtu ta’ marda minn tmintax-il sena; u kienet milwija għalkollox, u ma kenitx tista’ tarfa lilha nfisha b’xejn.
U xħin raha Ġesù, sejħilha ħdejh, u qalilha: Mara, int meħlusa mill-marda tiegħek.
U medd idejh fuqha: u hi minnufih iddrittat, u igglorifikat lil Alla.
U l-kap tas-sinagoga wieġeb imgħaddab, għax Ġesù fejjaq fil-jum tas-sabat, u qal lin-nies: Hemm sitt ijiem li fihom wieħed għandu jaħdem; ejjew f’dawk il-jiem u kunu mfejqa u mhux fis-sabat.
Wieġbu mbagħad il-Mulej, u qal: Ja ipokrita, mhux kull wieħed minnkom nhar ta’ Sibt iħoll il-gendus tiegħu, jew il-ħmar tiegħu mill-maxtura, u jieħdu jisqih?
U dil-mara, bint Abraham, u li Satana rabatha, ara għal tmintax-il sena, ma kellhiex tinħall minn dan l-irbit fil-jum tas-sabat?
U meta qal dal-kliem stħaw dawk kollha li kienu kontra tiegħu: u l-poplu kollu feraħ bil-ħwejjeġ tal-għaġeb kollha li hu għamel.
Imbagħad qal: Lil xiex tixbah is-saltna t’Alla, u ma’ xiex inxebbahha?
Tixbah lill-ħabba tal-mustarda, li raġel ħa, u tafa’ fil-ġnien tiegħu; u kibret, u saret siġra kbira; u t-tjur tas-sema ġew jistrieħu fuq il-friegħi tagħha.
U raġa’ qal: Ma’ xiex inxebbah is-saltna t’Alla?
Hi bħal ħmira, li mara ħadet u ħbiet ġo tliet sèat dqiq, sakemm ħemer kollu.
U mar fl-ibliet u fl-irħula, igħallem, u jimxi lejn Ġeru-salem.
Imbagħad qallu wieħed: Mulej, huma ftit dawk li jkunu salvati? U qalilhom:
Tħabtu biex tidħlu mill-bieb id-dejjaq: għax ngħidil-kom, ħafna jfittxu jidħlu, u ma jkunux jistgħu.
Meta darba sid id-dar ikun qam, u għalaq il-bieb, u intom tkunu qegħdin minn barra, tibdew tħabbtu l-bieb, tgħidu: Ja Sid, ja Sid, iftħilna: iżda hu jwieġeb u jgħidilkom: Ma nafx mnejn intom.
Imbagħad tibdew tgħidu: Kilna u xrobna quddiemek, u għallimt fil-pjazzez tagħna.
Iżda hu jgħid: Ngħidilkom: Ma nafx mnejn intom: warrbu minni, intom ilkoll li tagħmlu l-ħażen.
Hemm ikun hemm il-biki u t-tgħażżiż tas-snien, meta taraw lil Abraham u lil Iżakk u lil Ġakobb u l-profeti kollha fis-saltna ta’ Alla, u intom imkeċċija ’l barra.
U jiġu mill-lvant, u mill-puntent, u mit-tramuntana, u min-nofsinhar, u joqogħdu fuq il-mejda fis-saltna t’Alla.
U, ara, dawk li huma l-aħħar ikunu l-ewwel, u hemm min hu l-ewwel u jkun l-aħħar.
Dak in-nhar stess ġew x’uħud mill-Fariżej igħidulu: Itlaq, u mur minn hawn: għax Erodi jrid joqtlok.
U qalilhom: Morru għidulu lil dak il-volpi, ‘Ara, jiena nkeċċi d-demonji u nfejjaq il-mard illum u għada, u fit-tielet jum nasal fit-tmiem tiegħi.
Madankollu jaħtieġ li nimxi llum u għada, u l-jum ta’ wara; għax ma jistax ikun li profeta jinqered barra minn Ġerusalemm.
Ġerusalemm! Ġerusalemm! Int kont toqtol il-profeti u tħaġġar il-messaġġiera li jibgħatlek Alla, kemm ridt niġbor lil uliedek bħalma qroqqa tiġbor il-flieles tagħha taħt ġwenħajha, u int ma ridtx!
Ara, darkom tibqagħlkom ħerba: u tassew ngħidilkom: Ma tarawnix, sa ma jasal il-waqt li tgħidu: Imbierek min ġej f’isem il-Mulej.

Luqa 14

U f’sabat wieħed, meta mar fid-dar ta’ wieħed mill-kbarat tal-Fariżej biex jiekol il-ħobż, illi huma kienu għassa tiegħu.
U, ara, kien hemm quddiemu raġel marid bl-idropsija.
U wieġeb Ġesù, qal lill-imgħallmin tal-liġi u lill-Fariżej: Huwa skont il-liġi li tfejjaq fis-sabat jew le?
U huma ma tkellmux. U qabdu, u fejqu, u bagħtu;
U weġibhom, qal: Min minnkom jaqagħlu ħmar jew gendus f’bir, u ma jtellgħux malajr fil-jum tas-sabat?
U ma setgħux jerġgħu jwieġbuh għal dan.
U qal parabbola lil dawk li kienu mistednin, meta ra kif kienu jagħżlu l-ewwel postijiet, billi qalilhom:
Meta tkun mistieden minn xi ħadd għat-tieġ la toqgħodx bil-qiegħda fl-ewwel post; li ma jkunx hemm xi wieħed ogħla minnek mistieden minnu;
U dak li stieden lilek u lilu jiġi u jgħidlek: Agħti l-post lil dan; u int tibda tistħi toqgħod fl-aħħar post.
Iżda meta tkun mistieden, mur oqgħod bil-qiegħeda fl-aħħar post: biex meta jiġi dak li stiednek, igħidlek: Ħabib, itla’ aktar ’il fuq: imbagħad ikollok ġieh quddiem dawk li jkunu fuq il-mejda miegħek.
Għax kull min igħolli lilu nnifsu jitniżżel; u kull min iniżżel lilu nnifsu jitgħolla.
Imbagħad qal ukoll lil dak li stiednu: Meta tagħti xi pranzu jew ikla, la ssejjaħx lil ħbiebek, u lanqas lil ħutek, u lan-qas lil qrabatek, u lanqas lill-ġirien għonja tiegħek, li ma jis-tidnukx huma wkoll, u jpattulek.
Imma meta tagħmel stedina, sejjaħ lill-foqra, lill-magħ-tubin, liz-zopop, lill-għomja:
U tkun imbierek; għax dawn ma għandhomx minn fejn iroddulek pjaċir bi pjaċir, imma jroddulek Alla meta l-ġusti jqumu għall-ħajja!
U meta wieħed minn dawk li kienu fuq il-mejda miegħu sama’ dan, qallu: Imbierek min jiekol il-ħobż fis-saltna t’Alla.
Imbagħad qallu: wieħed raġel għamel ikla kbira, u stieden ħafna:
U bagħat il-qaddej waqt l-ikla jgħid lil dawk li kienu mistednin: Ejjew; għax kollox issa lest.
U kollha bi ħsieb wieħed bdew jaqilgħu l-iskużi. L-ewwel wieħed qallu: Xtrajt biċċa art, u għandi bżonn immur naraha: nitolbok tagħdirni.
U ieħor qal: Xtrajt ħames pari gniedes, u sa mmur nippruvahom: nitolbok tagħdirni.
U ieħor qal: Iżżewwiġt mara, u għalhekk ma nistax niġi.
Għalhekk dak il-qaddej ġie lura, u wera b’dan kollu lil sidu. Imbagħad sid id-dar saħan, u qal lill-qaddej tiegħu: Oħroġ malajr fit-toroq u fis-sqaqijiet tal-belt, u daħħal hawn il-foqra, u l-magħtubin, u z-zopop, u l-għomja.
U qal il-qaddej: Sidi, sar kif ordnajt int, u għad hawn il-wisa’.
U s-sid qal lill-qaddej: Oħroġ fit-toroq, u fl-għelieqi; u ġegħilhom jidħlu, biex dari timtela.
Għax ngħidilkom: Li ħadd minn dawk l-irġiel li kienu mistednin ma jduq mill-ikla tiegħi.
U marru ħafna ġmiegħi tan-nies miegħu: u dar, u qalil-hom:
Jekk wieħed jiġi għandi, u ma jobgħodx lil missieru, u lil ommu, u lil martu, u lil uliedu, u lil ħutu, irġiel u nisa, iva, ħajtu wkoll, ma jistax ikun dixxiplu tiegħi.
U kull min ma jarfax salibu, u jiġi warajja, ma jistax ikun dixxiplu tiegħi.
Għax min minnkom, li jrid jibni torri, ma joqgħodx l-ewwel bil-qiegħda, u jgħodd in-nefqa, jekk għandux biżżejjed biex jispiċċah?
Li ma jmurx wara li jkun qiegħed is-sisien, ma jkunx jista’ jispiċċah, u dawk kollha li jarawh, jibdew jiddieħku bih,
Billi jgħidu: Dal-bniedem beda jibni, u ma kellux ħila jispiċċa.
Jew liema sultan, li jkun sejjer jagħmel gwerra ma’ sul-tan ieħor, ma joqgħodx l-ewwel bil-qiegħda, u jaħseb jekk jis-tax b’għaxart elef imur jiltaqa’ ma’ dak li ġej għalih b’għoxrin elf?
Jew inkella, meta l-ieħor ikun għadu fil-bogħod ħafna, jibgħat delegazzjoni titolbu għal ftehim ta’ paċi.
Hekk mela, kull wieħed minnkom li ma jitlaqx kulma għandu, ma jistax ikun dixxiplu tiegħi.
Il-melħ tajjeb: imma jekk il-melħ jitlef imluħitu, biex jarġa’ jissewwa?
La hu tajjeb għall-art, lanqas għall-miżbla, iżda n-nies jarmuh barra. Min għandu widnejn biex jisma’, ħa jisma’.

Luqa 15

Imbagħad resqu lejh il-pubblikani kollha u l-midinbin biex jisimgħuh.
U l-Fariżej u l-iskribi gergru, billi qalu: Dal-bniedem jilqa’ l-midinbin, u jiekol magħhom.
U qalilhom dil-parabbola, billi qal:
Liema bniedem minnkom, li għandu mitt nagħġa, jekk jitlef waħda minnhom, ma jħallix id-disgħa u disgħin f’post deżolat, u jmur wara dik li ntilfet, sa ma jisbha?
U meta jsibha, jerfagħha fuq spallejn, ferħan.
U meta jmur id-dar, isejjaħ flimkien lill-ħbieb u lill-ġirien tiegħu, u jgħidilhom: Ifirħu miegħi; għax sibt in-nagħġa tiegħi li kienet intilfet.
Ngħidilkom, li hekk ikun hemm ferħ fis-sema għal midneb wieħed li jindem, aktar milli għal disgħa u disgħin bniedem ġust, li m’għandhomx bżonn ta’ ndiema.
Jew liema mara li jkollha għaxar drakmi, u titlef drakma waħda, u ma tixgħelx lampa, u tiknes id-dar, u tfittex sewwa sa ma ssibha?
U meta ssibha, issejjaħ lil ħbiebha u lill-ġirien flimkien, u tgħid: Ifirħu miegħi; għax sibt id-drakma li kont tlift.
Hekk, ngħidilkom, ikun hemm ferħ quddiem l-anġli ta’ Alla għal midneb wieħed li jindem.
U qal: Wieħed raġel kellu żewġt itfal:
U ż-żgħir fosthom qal lil missieru: Missier, agħtini s-sehem tal-ġid li jmissni mill-wirt. U qassmilhom ġidu.
U xi ftit jiem wara, iż-żgħir ġabar kollox, u siefer lejn pajjiż imbiegħed, u hemm berbaq ġidu f’ħajja ta’ ħala.
U meta nefaq kollox, ġie ġuħ kbir f’dik l-art; u ġie fil-bżonn.
U mar, u daħal ma’ wieħed min-nies ta’ dak il-pajjiż; u bagħtu fir-raba’ tiegħu jirgħa l-ħnieżer.
U kien jixtieq jimla żaqqu bil-ħarrub li kienu jieklu l-ħnieżer: u ħadd ma kien jagħtih.
U meta daħal fih innifsu, qal: Kemm ħaddiema mikrija ta’ missieri għandhom ħobż biżżejjed u x’jagħtu, u jien qiegħed immut bil-ġuħ!
Inqum, u mmur għand missieri, u ngħidlu: Missier, dnibt kontra s-sema, u quddiemek.
U ma jisħoqqlix aktar li nissejjaħ ibnek; agħmilni bħal wieħed mill-ħaddiema mikrija tiegħek.
U qam, u ġie għand missieru. Imma meta kien għadu fil-bogħod ħafna, rah missieru, u ġietu ħniena, u ġera, u ntafa’ fuq għonqu, u biesu.
U l-iben qallu: Missier, dnibt kontra s-sema, u quddie-mek, u ma jistħoqqlix aktar li nissejjaħ ibnek.
Imma l-missier qal lill-qaddejja tiegħu: Ġibu l-aħjar libsa, u libbsuhielu; u qegħdulu ċurkett f’idu, u qorq f’riġlejh.
U ġibu l-għoġol imsemmen, u oqtluh; u ħa nieklu u nif-irħu:
Għax dan ibni kien mejjet, u raġa’ ħa l-ħajja; kien mit-luf, u nsab. U bdew jifirħu.
Issa Ibnu l-kbir kien fil-għalqa: u x’ħin kien ġej u qorob lejn id-dar, sama’ d-daqq u ż-żfin.
Sejjaħ wieħed mill-qaddejja, u staqsa x’kien ifisser dan.
U qallu: Ħuk ġie; u missierek qatel il-għoġol imsemmen għax laqgħu qawwi u sħiħ.
U għadab, u ma ridx jidħol: għalhekk ħareġ missieru, u beda jitolbu bil-ħniena.
U dak wieġeb, u qal lil missieru: Ara, ilni dawn is-snin kollha naħdimlek, u qatt ma ksirt l-ordni tiegħek; u lili qatt ma tajtni ġidi, biex nifraħ ma’ ħbiebi:
Iżda hekk kif ġie dan ibnek, li tajjar ġidek man-nisa ħżiena, qtiltlu l-għoġol imsemmen.
Ibni, qallu missieru, inti dejjem miegħi, u kull ma hu tiegħi huwa tiegħek.
Imma kien meħtieġ li nagħmlu festa u nifirħu, għax dan ħuk kien mejjet u reġa’ qam, kien mitluf u nstab.

Luqa 16

U qal ukoll lid-dixxipli tiegħu: Kien hemm wieħed raġel għani, li kellu prokuratur; u dan xlewh lilu li kien ħlielu ġidu.
U sejjaħlu, u qallu: X’inhu dan li smajt fuqek? Agħti l-kont tal-prokura tiegħek; għax ma tistax tibqa’ iżjed prokuratur.
Imbagħad il-prokuratur qal fih innifsu: X’nagħmel? għax sidi sa jneħħili l-prokura: nagħżaq m’għandix ħila; nitlob nistħi.
Naf x’għandi nagħmel, biex meta nitneħħa minn proku-ratur, jilqgħuni fi djarhom.
Għalhekk sejjaħ għandu lill-midjunin kollha ta’ sidu, u qal lil l-ewwel wieħed: Kemm għandek tagħti lil sidi?
U qal: Mitt barmil żejt. Qallu: Aqbad il-kont tiegħek, oqgħod bil-qiegħda malajr, u ikteb: ħamsin.
Imbagħad qal lil l-ieħor: U int kemm għandek tagħti? U qal: Mitt xkora qamħ. Qallu: Aqbad il-kont tiegħek, u ikteb: tmenin.
U s-sid faħħar il-prokuratur qarrieq, għax kien ħadem bil-għaqal: għax ulied ta’ did-dinja huma għan-nies ta’ żmienhom aktar għaqlin minn ulied id-dawl.
U jien ngħidilkom: Agħmlu għalikom ħbieb mill-mammona tal-ħażen; biex, meta ma jkollkomx iżjed, jilqgħukom fl-għamajjar ta’ dejjem.
Min hu fidil fil-ftit hu fidil fil-ħafna: u min hu ħażin fil-ftit hu ħażin ukoll fil-ħafna.
Jekk mela fil-għana tal-ħażen ma kontux fidili, min jerħi f’idejkom il-għana veru?
U jekk ma kontux fidili f’dak li hu ta’ wieħed ieħor, min jagħtikom dak li hu tagħkom stess?
Ebda qaddej ma jista’ jaqdi żewġ sidien: għax jew jobgħod ’il wieħed, u jħobb lill-ieħor; jew iżomm ma’ wieħed, u jżeblaħ lill-ieħor. Ma tistgħux taqdu lil Alla u lil mammona.
U l-Fariżej ukoll, li kienu jħobbu l-flus, semgħu dan kollu: u ddieħku bih.
U qalilhom: Intom dawk li tiġġustifikaw lilkom infus-kom quddiem il-bnedmin, iżda Alla jaf qalbkom; għax dak li hu eżaltat ħafna fost il-bnedmin, hu mistkerrah quddiem Alla.
Il-liġi u l-profeti kienu sa Ġwanni; minn dak iż-żmien ’il hawn is-saltna t’Alla qiegħda tixxandar , u kulħadd jitħabat biex jidħol fiha.
U hu eħfef li jgħaddu s-sema u l-art, milli taqa’ tikka waħda mill-liġi.
Kull min ikeċċi lil martu, u jiżżewweġ oħra, jikkom-metti adulterju; u min jiżżewweġ l-imkeċċija minn żewġha jik-kommetti adulterju.
Kien hemm wieħed għani, li kien jilbes il-porpra u għażel fin, u kien jixxala kuljum bil-ħala:
U kien hemm wieħed tallab jismu Lażżru, li kien mixħut ħdejn il-kanċell tiegħu, mimli ġrieħi.
U kien jixtieq jixba’ bil-frak li jaqa’ minn fuq il-mejda tal-għani: iżda sal-klieb kienu jiġu jilaqgħu l-ġrieħi tiegħu.
U ġara, illi t-tallab miet, u nġieb mill-anġli fi ħdan Abraham: il-għani wkoll miet, u ndifen.
U f’art l-imwiet waqt li kien fit-tbatija, rafa’ għajnejh, u ra ’l Abraham mill-bogħod, u lil Lażżru fi ħdanu.
U għajjat, u qal: Missier Abraham, ikollok ħniena minni, ibgħat lil Lażżru biex ibill tarf sebgħu fl-ilma, u jberridli lsieni; għax qiegħed muġugħ f’din il-fjamma tan-nar.
Iżda qal Abraham: Ibni, ftakar li int ħadt il-ġid f’ħajtek, u Lażżru wkoll ħa d-deni; iżda issa hu jitfarraġ, u inti tbati.
U barra dan kollu, bejna u bejnkom kien ġie ffissat vojt kbir; biex min ikun irid igħaddi minn hawn għal għandkom ma jkunx jista’; lanqas igħaddu għal għandna dawk li jixtiequ jiġu minn hemm.
Imbagħad qal: Nitolbok mela, missier, li tibagħtu f’dar missieri:
Għax għandi ħamest aħwa; biex jixhdilhom, ħalli ma jiġux huma wkoll f’dan il-post tat-tbatija.
Abraham qallu: Għandhom lil Mosè u l-profeti; ħa jisi-mgħuhom.
U dak qallu: Le, missier Abraham: iżda jekk xi ħadd mill-imwiet imur għandhom, jindmu.
U qallu: Jekk ma jisimgħux minn Mosè u mill-profeti, lanqas jemmnu, għalkemm wieħed iqum mill-imwiet.

Luqa 17

Imbagħad qal lid-dixxipli: Ma jistax ikun li ma jsirux skandli: iżda għali kbir għal min isiru minħabba fih!
Ikun aħjar għalih jekk tiddendel m’għonqu ġebla ta’ mitħna, u jintafa’ l-baħar milli jagħti skandlu lil wieħed minn dawn iċ-ċkejknin.
Ħarsu ruħkom: Jekk ħuk jidneb kontra tiegħek, widdbu; u jekk jindem, aħfirlu.
U jekk jidneb kontra tiegħek seba’ darbiet f’jum, u seba’ darbiet idur lejk igħid: Jisgħobbija; aħfirlu.
U l-appostli qalu lill-Mulej: Żidilna l-fidi tagħna.
U l-Mulej qal: Kieku kellkom fidi daqs qalba taż-żerriegħa tal-mustarda, kontu tgħidu lil dis-siġra tat-tut: Inqala’ mill-għeruq, u tħawwel fil-baħar; hi kienet tisma’ minnkom.
Iżda min minnkom, ikollu qaddej jaħrat jew jirgħa l-bhejjem, u jgħidlu x’ħin jiġi mill-għalqa: Isa, oqgħod malajr fuq il-mejda?
U ma jgħidlux: Hejjili x’niekol; u tħażżem, u dur bija, sakemm niekol u nixrob; imbagħad tiekol u tixrob int?
Jaqaw jiżżiħajr lil dak il-qaddej talli għamel dak li kien ordnalu? Naħseb li le.
Hekk intom, meta tagħmlu dak kollu li jordnawlkom, għidu: Aħna qaddejja li ma niswewx; dak li kellna nagħmlu għamilnieh.
U ġara, hu u sejjer lejn Ġerusalemm, illi għadda minn bejn is-Samarija u l-Galilija.
U kif daħal f’raħal, iltaqgħu miegħu għaxart irġiel li kienu mġiddmin, li qagħdu fil-bogħod:
U għollew leħinhom, u qalu: Ġesù, Mgħallem, ikollok ħniena minna.
U malli rahom, qalilhom: Morru, uru ruħkom lill-qassisin. U ġara, huma u sejrin, illi ndafu.
U wieħed minnhom, kif ra li fieq, raġa’ lura, u b’leħen għoli faħħar ’l Alla.
U nxteħet wiċċu fl-art f’riġljeh, jirringrazzjah: u dan kien Samaritan.
U wieġeb Ġesù, u qal: Mhux għaxra ndafu? Imma fejn huma d-disgħa l-oħra?
Ma nstab ħadd min jarġa’ lura biex ifaħħar ’l Alla, ħlief il-barrani?
U qallu: Qum, ibqa’ sejjer: il-fidi tiegħek fejqitek.
U meta kien mistoqsi mill-Fariżej, meta tiġi s-saltna t’Alla, weġibhom, u qal: Is-saltna t’Alla ma tiġix bid-dieher.
Lanqas ma jgħidu: Ara hawn! Jew, ara hemm! Għax, ara, is-saltna t’Alla hi ġo fikom.
U qal lid-dixxipli: Jiġi ż-żmien, meta tixtiequ taraw wieħed mill-jiem ta’ bin il-bniedem, u ma tarawhx.
U jgħidul-kom: Ara hawn; jew, ara hemm: la titilqux u lanqas tmorru warajhom.
Għax bħalma l-berqa, li tleħħ minn taħt tarf tas-sema, u tiddi sa taħt tarf ieħor tas-sema; hekk ikun Bin il-bniedem fil-jum tiegħu.
Imma qabel jaħtieġ li jbati ħafna, u jinċaħad minn din il-ġenerazzjoni.
U bħal ma ġara fi żmien Noè, hekk ikun ukoll fi żmien Bin il-Bniedem.
Kienu jieklu, jixorbu, jiżżewġu, u jingħataw għaż-żwieġ, sa dak in-nhar li daħal Noè fl-arka, u ġie d-dulluvju, u qered lil kulħadd.
Hekk ukoll ġara fi żmien Lot; kienu jieklu, jixorbu, jixtru, ibigħu, iħawlu u jibnu;
Imma dak in-nhar li ħareġ Lot minn Sodoma għamlet xita tan-nar u kubrit mis-sema, u qerdithom kollha.
Hekk ikun fil-jum li fih jidher Bin il-Bniedem.
F’dak il-jum, min ikun fuq il-bejt, u ħwejġu fid-dar, ħa ma jinżilx jeħodhom: u min ikun fil-għalqa, ħa ma jarġax lura.
Ftakru f’mart Lot.
Kull min ifittex isalva ħajtu, jitlifha; u kull min jitlef ħajtu, iħarisha.
Ngħidilkom: F’dak il-lejl tnejn ikunu f’sodda waħda: wieħed jittieħed, u l-ieħor jitħalla.
Tnejn ikunu jitħnu flimkien; waħda minnhom tittieħed, u l-oħra titħalla:
Tnejn ikunu fil-għalqa: wieħed jittieħed, u l-ieħor jitħalla.
U wieġbu, u qalulu: Fejn, Mulej? U qalilhom: Kulfejn ikun hemm il-ġisem, hemm jinġemgħu flimkien l-ajkli.

Luqa 18

U qalilhom parabbola biex juri li l-bnedmin għandhom jitolbu dejjem, u ma jaqtgħux qalbhom;
Billi qal: Kien hemm imħallef f’belt, li ma kienx jibża’ minn Alla, u lanqas iqis il-bniedem;
U f’dik il-belt kien hemm armla; u ġiet għandu tgħid: Agħmilli ħaqq kontra l-għadu tiegħi.
U għal xi żmien ma kienx irid; iżda wara qal fih innifsu: Għalkemm ma nibżax minn Alla, u ma nqisx il-bniedem;
Iżda billi din l-armla tħabbatni, nagħmillha ħaqq, biex ma tibqax tiġi iżjed iddejjaqni.
U qal il-Mulej: Isimgħu x’qal l-imħallef ħażin.
U Alla ma jagħmilx ħaqq mill-istess magħżulin tiegħu, li jgħajtulu lejl u nhar, għalkemm idum ħafna jġerragħhom?
Ngħidilkom li jagħmlilhom ħaqq malajr. Madankollu meta jiġi bin il-bniedem, isib fidi fuq l-art?
U qal dil-parabbola li x’uħud li kienu jafdaw fihom infushom li huma nies sewwa, u kienu jżebilħu l-oħrajn.
Żewġt irġiel telgħu fit-tempju jitolbu; wieħed Fariżew, u l-ieħor pubblikan.
Il-fariżew kien bil-wieqfa jitlob hekk ġo fih: O Alla, nirringrazzjak, li miniex bħan-nies l-oħra, ħattafin, bla ħaqq, adulteri, jew ukoll bħal dan il-pubblikan.
Insum darbtejn fil-ġimgħa, u nagħti l-għexur ta’ kulma għandi.
U l-pubblikan, wieqaf il-bogħod, ma ridx biss jarfa’ għajnejh lejn is-sema, imma kien iħabbat fuq sidru, igħid: O Alla, kun ħanin miegħi midneb.
Ngħidilkom: Dar-raġel niżel daru iġġustifikat pjuttost milli l-ieħor; għax kull min jitgħolla jitniżżel; u kull min iċekken lilu nnifsu jitgħolla.
U ġibulu t-trabi wkoll, biex imisshom: iżda malli d-dixxipli raw dan, ċanfruhom.
Iżda Ġesù sejħilhom lejh, u qal: Ħalluhom it-tfal ċkejknin jiġu għandi, u la żżommuhomx: għax ta’ dawn hi s-saltna ta’ Alla.
Tassew ngħidilkom: Kull min ma jilqax is-saltna ta’ Alla bħal tifel ċkejken b’xejn ma jidħol fiha.
U wieħed kap staqsieh, qallu: Mgħallem tajjeb, x’għandi nagħmel biex niret il-ħajja ta’ dejjem?
U Ġesù qallu: Għax issejjaħli tajjeb? Ħadd mhu tajjeb, ħlief wieħed, Alla.
Inti taf il-kmandamenti: La tagħmilx adulterju. La toqtolx, La tisraqx, La tixhidx ħaġa b’oħra, Weġġah lil missierek u lil ommok.
U qal: Dawn kollha ħaristhom sa minn żgħożiti.
Issa meta Ġesù sama’ dan, qallu: Iżda ħaġa waħda tonq-sok: bigħ kulma għandek, u qassmu lill-foqra; u int ikollok teżor fis-sema: u ejja, imxi warajja.
U malli sama’ dan, sewwed qalbu wisq: għax kien għani ħafna.
U xħin Ġesù ra li kien qalbu sewda wisq, qal: Kemm hu tqil li dawk li għandhom il-ġid jidħlu fis-saltna ta’ Alla!
Għax eħfef li ġemel igħaddi minn għajn ta’ labra, milli jidħol għandi fis-saltna t’Alla.
U dawk li semgħu dan qalu: Mela min jista’ jkun salvat?
U qal: Dak li ma jistax ikun għall-bnedmin jista’ jkun għal Alla.
Imbagħad Pietru qal: Ara, aħna ħallejna kollox, u ġejna warajk.
U qalilhom: Tassew ngħidilkom: M’hemm ħadd li ħalla d-dar, jew lill-ġenituri, jew lill-aħwa, jew lill-mara, jew lill-ulied, minħabba s-saltna ta’ Alla,
Li ma jieħux wisq iżjed f’dan iżmien, u fiż-żmien li ġej il-ħajja ta’ dejjem.
Imbagħad ħa miegħu t-tnax, u qalilhom: Ara, aħna telgħin Ġerusalemm, u jseħħu l-ħwejjeġ kollha li nkitbu mill-profeti dwar Bin il-bniedem;
Għax jagħtuh f’idejn il-Ġentili, u jiddieħku bih, u jgħajruh, u jobżqulu:
U jsawtuh, u joqtluh: u mat-tielet jum jarġa’ jqum.
U huma ma fehmu xejn minn dan: u dal-kliem kien moħbi minnhom, u lanqas ma kienu jafu x’intqal.
U ġara, kif wasal qrib Ġeriko, illi ċertu wieħed agħma kien bil-qiegħda fit-triq jitlob:
U malli sama’ l-ġemgħa tan-nies għaddejja, staqsa x’kien dan.
U qalulu, li kien għaddej Ġesù ta’ Nażaret.
U għajjat, qal: Ġesù, bin David, ikollok ħniena minni.
U dawk li kienu mexjin quddiem ċanfruh, biex jiskot; iżda hu għajjat wisq aktar qawwi: O Bin David, ikollok ħniena minni.
U Ġesù waqaf, u ordna li jġibuhulu: u xħin resaq staq-sih,
Billi qal: Xi tridni nagħmillek? U dak qal: Mulej, li nar-ġa’ nara.
U Ġesù qallu: Arġa’ ara: il-fidi tiegħek salvatek.
U minnufih raġa’ beda jara, u mar warajh, ifaħħar ’l Alla. U l-poplu kollu, meta ra dan, radd tifħir lil Alla.

Luqa 19

U Ġesù daħal u għadda minn Ġeriko.
U, ara, kien hemm raġel jismu Żakkew, li kien il-kbir fost il-pubblikani, u kien għani.
U kien ifittex li jara min kien Ġesù; imma ma satax minħabba l-ġemgħa tan-nies, għax kien qasir fid-daqs.
U ġera ’l quddiem, u tala’ fuq siġra tal-ġummajż biex jarah: għax kien sejjer igħaddi minn hemm.
U meta wasal f’dak il-post, Ġesù ħares ’il fuq, u qallu: Żakkew, isa, inżel; għax illum jaħtieġ li noqgħod f’darek.
U għaġġel, u niżel, u laqgħu bil-ferħa.
U xħin raw dan, kollha gergru, u bdew igħidu: Għadda joqgħod għand wieħed midneb.
Iżda Żakkew waqaf, u qal lill-Mulej: Ara, Mulej, sa nagħti nofs ġidi lill-foqra; u jekk ħadt xi ħaġa mingħand xi ħadd bil-qerq, inroddlu daqshekk erba’ darbiet.
Qallu Ġesù: Illum ġiet is-salvazzjoni lil did-dar, għax hu wkoll bin Abraham.
Għax bin il-bniedem ġie jfittex u jsalva dak li kien mitluf.
U huma u jisimgħu dawn il-ħwejjeġ, żied igħidilhom parabbola, għax kien joqrob lejn Ġerusalemm, u għax kienu jaħsbu li s-saltna t’Alla kienet sa tidher minnufih.
Mela qal: Wieħed raġel nobbli mar f’pajjiż fil-bogħod biex jieħu għalih saltna, u jarġa lura.
U sejjaħ il-għaxar qaddejja tiegħu, u tahom għaxar miniet, u qalilhom: Ħaddmuhom sakemm niġi.
Iżda n-nies ta’ pajjiżu kienu jobogħduh, u bagħtulu warajh delegazzjoni tgħidlu: Ma rridux li dan isaltna fuqna.
U ġara, meta raġa’ lura, wara li kien irċieva s-saltna, illi ordna li jsejħu lil dawk il-qaddejja għandu, li kien tahom il-flus, biex ikun jaf kemm kull wieħed qala’ billi ħaddimhom.
Imbagħad ġie l-ewwel wieħed, u qal: Ja sidi, il-mina tiegħek għamlet għaxar miniet.
U qallu: Prosit, ja qaddej tajjeb: għax kont fidil fi ftit wisq, Ħu ħakma fuq għaxart ibliet.
U ġie t-tieni wieħed igħid: Il-mina tiegħek, ja sidi, għamlet ħames miniet.
U lil dan qallu l-istess: U int ukoll aħkem fuq ħamest ibliet.
Ġie ieħor, u qal: Ja sidi, ara hawn hi l-mina tiegħek, li żammejt merfugħa f’maktur:
Għax bżajt minnek, għax int bniedem iebes: tieħu dak li ma qegħidtx, u taħsad dak li ma żrajtx:
U qallu: Minn kliem fommok stess nagħmel ħaqq minnek, ja qaddej ħażin. Kont taf li jien bniedem iebes, nieħu dak li ma qegħidtx, u naħsad dak li ma żrajtx;
Għaliex ma qegħidx flusi l-bank, biex meta niġi kont niġbidhom bl-imgħax?
U qal lil dawk li kienu madwar: Ħudulu l-mina u agħtuha lil dak li għandu għaxra.
(U qalulu: Ja Sid, dan għandu għaxar miniet).
Għax ngħidilkom: Li lil kull min għandu jingħatalu; u mingħand min m’għandux, jeħdulu dak ukoll li għandu.
Iżda dawk l-għedewwa tiegħi, li ma ridux li nsaltan fuqhom, ġibuhom hawn, u oqtluhom quddiemi.
U wara li qal dan, baqa’ sejjer ’il quddiem, tiela’ lejn Ġerusalemm.
U ġara, meta qorob lejn Batfaġe u Betanja, ħdejn il-għolja li jgħidulha taż-Żebbuġ, illi bagħat żewġ dixxipli tiegħu.
Qalilhom: Morru r-raħal li jinsab fuq in-naħa l-oħra, u intom u deħlin fih, issibu felu marbut, li fuqu għadu ma qagħad ebda bniedem: ħolluh, u ġibuh hawn.
U jekk xi ħadd jistaqsikom: Għaliex qegħdin tħolluh? għidulu hekk: Għax il-Mulej għandu bżonnu.
U telqu dawk li kienu mibgħutin, u sabu hekk kif qalil-hom.
U huma u jħollu l-felu, is-sidien tiegħu qalulhom: Għa-liex qegħdin tħollu l-felu?
U qalulhom: Il-Mulej għandu bżonnu.
U ġibuh lil Ġesù; u tefgħu lbieshom fuq il-felu, u qiegħ-du ’l Ġesù fuqu.
U hu u għaddej, firxu ħwejjiġhom fit-triq.
U meta issa kien qrib in-niżla tal-għolja taż-Żebbuġ, il-ġemgħa kollha tad-dixxipli bdew jifirħu u jfaħħru ’l Alla b’leħen għoli għal l-opri kbar kollha li kienu raw;
Billi jgħidu: Imbierek is-Sultan li ġej f’isem il-Mulej: sliem fis-sema, u glorja fl-aktar għoli.
U x’uħud mill-Fariżej minn qalb il-ġemgħa tan-nies qalulu: Mgħallem, ċanfar id-dixxipli tiegħek.
Wieġeb u qalilhom: Ngħidilkom, li, jekk jisktu dawn, malajr igħajjat il-ġebel.
U meta qorob, lemaħ il-belt, u beka għaliha.
Billi qal: kieku int kont taf, ukoll f’dan il-jum, dak li jwassal għall-paċi tiegħek! iżda issa nħeba minn għajnejk.
Għax għad jiġu l-jiem fuqek, li l-għedewwa tiegħek itel-lgħu rampa madwarek, u jdawruk, u jrossuk minn kull naħa.
U jġarrfuk ma’ l-art, int u wliedek fik; u ma jħallux fik ġebla fuq oħra; għaliex int ma għaraftx iż-żmien taż-żjara li saritlek.
U daħal fit-tempju, u qabad ikeċċi lil dawk li kienu jbi-għu hemm ġew, u lil dawk li kienu jixtru;
U qalilhom: Hu miktub: Dari dar it-talb: iżda intom għamiltuha għar tal-ħallelin.
U kien igħallem kuljum fit-tempju. Imma l-qassisin il-kbar u l-kittieba u l-ewlenin tal-poplu kienu jfittxu li jeqirduh.
U ma setgħux isibu x’jistgħu jagħmlu: għax il-poplu kollu kien imqabbad miegħu biex jisimgħu.

Luqa 20

U ġara, f’wieħed minn dawk il-jiem, hu u jgħallem lill-poplu fit-tempju, u jxandar l-evanġelju, illi l-qassisin il-kbar u l-kittieba, flimkien ma’ l-anzjani, resqu fuqu.
U huma kellmuh, qalulu: Għidilna, b’liema awtorità int tagħmel dawn il-ħwejjeġ? Jew min hu dak li tak din l-awtorità?
Weġibhom, billi qalilhom: Nistaqsikom jien ukoll ħaġa; u wiġbuni:
Il-magħmudija ta’ Ġwanni, kienet mis-sema, jew mill-bnedmin?
U huma qagħdu jaħsbu fihom infushom, u qalu: Jekk ngħidu mis-sema, igħid: Mela għax ma emmintuħx?
Iżda jekk ngħidu: Mill-bnedmin; il-poplu kollu jħaġġar-na għax jemmen li Ġwanni kien profeta.
U huma wiġbuh, li ma jafux igħidu mnejn kienet.
U Ġesù qalilhom: Lanqas jien ma ngħidilkom b’liema awtorità nagħmel dawn il-ħwejjeġ.
Imbagħad qabad igħid lill-poplu dil-parabbola: Raġel ħawwel għalqa dwieli, u qabbilha lill-bdiewa, u mar f’pajjiż il-bogħod għal żmien twil.
U fl-istaġun bagħat qaddej għand il-bdiewa, biex jagħ-tuh mill-frott tal-għalqa tad-dwieli: imma l-bdiewa sawtuh, u bagħtuh idu f’idu.
U raġa’ bagħat qaddej ieħor; u lil dan ukoll sawtuh, u żebilħuh, u bagħtuh idu f’idu.
Raġa’ bagħat it-tielet wieħed, u lil dan ferewh ukoll, u xeħtuh ’il barra.
Imbagħad qal sid il-għalqa tad-dwieli: X’nagħmel? Ib-għat lil ibni l-maħbub; għandu mnejn meta jarawh juruh stima.
Iżda meta l-bdiewa rawh, ħasbu fihom infushom, u qa-lu: Dan hu l-werriet: ejja, ħa noqtluh, biex il-wirt ikun tagħna.
Għalhekk waddbuh barra mill-għalqa tad-dwieli, u qat-luh. X’jagħmlilhom mela sid il-għalqa tad-dwieli?
Jiġi u jeqred dawn il-bdiewa, u jagħti l-għalqa tad-dwieli lill-oħrajn. U malli semgħu dan, qalu: Jalla ma jiġri qatt dan!
Ħares lejhom, u qal: X’inhu mela dak li nkiteb: Il-ħaġra li warrbu l-bennejja, din saret ras il-għareb?
Kull min jaqa’ fuq dik il-ġebla jitfarrak; iżda fuq min taqa’ titħnu trab.
U l-qassisin il-kbar u l-kittieba fittxu jmiddu idejhom fuqu dak il-ħin; u beżgħu mill-poplu: għax għarfu li għalihom kien qal dil-parabbola.
U qagħdu jgħassulu, u bagħtu spjuni, biex jagħmluha ta’ nies sewwa, biex jaqbduh f’kelma, sabiex jagħtuh f’idejn is-setgħa u l-ħakma tal-gvernatur.
U staqsewh u qalulu: Mgħallem, aħna nafu li inti tgħid u tgħallem is-sewwa bla ma tħares lejn wiċċ ħadd, imma t-triq ta’ Alla tgħallimha kif tassew hi.
Hu skont il-liġi li nħallsu t-taxxa lil Ċesri jew le?
Imma hu għaraf ħżunithom, u qalilhom: Għaliex iġġar-buni?
Uruni dinier. Ta’ min hi din ix-xbieha u l-kitba li fih? Wieġbu u qalulu: Ta’ Ċesri.
U qalilhom: Roddu mela lil Ċesri dak li hu ta’ Ċesri, u dak li hu ta’ Alla lil Alla.
U ma setgħux jaqbduh f’kelma quddiem il-poplu: u stagħġbu bit-tweġiba tiegħu, u siktu.
Imbagħad resqu lejh x’uħud mis-Sadduċej, li jiċħdu li hemm xi qawmien mill-mewt: u staqsewh,
Billi qalu: Mgħallem, Mosè kitbilna: Jekk xi ħu wieħed imut, u jkollu mara, u jmut mingħajr tfal, ħuh għandu jieħu l-mara tiegħu biex iqajjem nisel lil ħuh.
Kien hemm mela sebat aħwa: u l-ewwel wieħed iżżewweġ, u miet bla tfal.
U żżewwiġha t-tieni, u miet bla wlied.
U ħadha t-tielet; u hekk ukoll is-sebgħa kollha: u ma ħallewx ulied, u mietu.
Fl-aħħar mietet ukoll il-mara.
Mela fil-qawmien mart min minnhom tkun din? għax sebgħa ħaduha b’marthom?
U Ġesù wieġeb, qalilhom: Ulied did-dinja jiżżewġu, u jingħataw għaż-żwieġ:
Iżda dawk li jkunu meqjusin li jistħoqqilhom dak iż-żmien l-ieħor, u l-qawmien mill-mewt, la jiżżewġu, u lanqas jingħataw għaż-żwieġ:
Lanqas jistgħu jmutu iżjed: għax huma bħall-anġli; u huma wlied Alla, billi huma wlied il-qawmien mill-imwiet.
Issa li l-mejtin iqumu, urieh ukoll Mosè ħdejn il-għolliq, meta lill-Mulej sejjaħlu Alla ta’ Abraham, u Alla ta’ Iżakk, u Alla ta’ Ġakobb.
Għax Hu mhux Alla tal-mejtin, iżda tal-ħajjin: għax kul-ħadd jgħix għalih.
Xi wħud mill-iskribi wieġbu, billi qalu: Mgħ-allem, sewwa għidt.
U wara dan ma kellhomx il-ħila jistaqsuh xejn aktar.
Imbagħad qalilhom: Kif jgħidu li Kristu hu bin David?
U David innifsu jgħid fil-ktieb tas-salmi: Qal il-Mulej lil Sidi: Oqgħod f’lemini,
Sa ma nqiegħed l-għedewwa tiegħek b’mirfes riġlejk.
David mela jsejjaħlu Sidu, kif inhu ibnu?
Imbagħad quddiem il-poplu kollu, qal lid-dixxipli tiegħu:
Ħarsu ruħkom mill-iskribi, li jħobbu jimxu bi lbiesi twal, u jħobbu t-tislim fil-pjazez u l-ogħla siġġijiet fis-sina-gogi, u l-ewwel postijiet fl-imwejjed;
Li jibilgħu djar ir-romol, u għall-għajnejn jagħmlu talb twil: dawn jieħdu kundanna akbar.

Luqa 21

U ħares ’il fuq, u ra l-għonja jitfgħu l-għotjiet tagħhom fit-teżor.
U ra wkoll waħda armla fqira titfa’ hemm ħabbtejn.
U qal: Tassew ngħidilkom, li din l-armla fqira tefgħet aktar minn kulħadd:
Għax dawn kollha tefgħu miż-żejjed tagħhom fl-offerti lil Alla; imma hi fil-bżonn tagħha tefgħet il-għajxien kollu li kellha.
U waqt li x’uħud kienu jitkellmu fuq it-tempju, kemm kien imżejjen b’ħaġar sabiħ u għotjiet, qal:
Dawn il-ħwejjeġ li qegħdin taraw, jiġi ż-żmien, li fih ma titħalliex ġebla fuq oħra, li ma tiġġarrafx.
U huma staqsewh, qalulu: Mgħallem, imma meta jiġri dan? U x’sinjal ikun hemm meta dan ikun sa jiġri?
U qal: Araw li ma titqarqux: għax ħafna jiġu f’ismi jgħidu: Jien hu; u ż-żmien appuntat wasal: la tmorrux mela warajhom.
Iżda meta tisimgħu bi gwerer u tixwix, la titwerwrux: għax dawn il-ħwejjeġ għandhom l-ewwel jiġru; imma ma jiġix it-tmiem malajr.
Imbagħad qalilhom: Iqum ġens kontra ġens, u saltna kontra saltna:
U jkun hemm theżhiż tal-art kbir f’ħafna postijiet, u għaks, u pesti; u dehriet tal-biża’, u sinjali kbar ikun hemm mis-sema.
Iżda qabel dan kollu, imiddu jdejhom fuqkom, u jipper-segwitawkom, u jagħtukom f’idejn is-sinagogi, u fil-ħabsijiet, u jġibukom quddiem slaten u gvernaturi minħabba ismi.
U dan jiġrilkom b’xhieda.
Żommu mela dan f’qalbkom, li ma toqogħdux taħsbu minn qabel kif se tiddefendu ruħkom,
Għax jien nagħtikom kliem u għerf, li l-għedewwa koll-ha tagħkom ma jkunux jistgħu jmeruhom u lanqas jieqfu għalihom.
U intom tkunu ttraduti sew minn missierkom u kemm minn ommkom, u l-aħwa, u l-qraba, u l-ħbieb; u lil x’uħud min-nkom jagħtuhom il-mewt.
U tkunu mibgħudin minn kulħadd minħabba ismi.
Imma xagħra waħda minn raskom ma tintilifx.
Bis-sabar tagħkom tirbħu ruħkom.
Imma meta taraw lil Ġerusalemm imdawra bl-armati, imbagħad kunu afu li qorbot il-ħerba tagħha.
Imbagħad dawk li jkunu fil-Lhudija ħa jaħarbu lejn il-muntanji; u ħa jitilqu ’l barra dawk li jkunu fiha; u ħa ma jid-ħlux fiha dawk li jkunu fir-raba’.
Għax dawn huma jiem ta’ vendetta, li fihom iseħħ kull ma nkiteb.
Iżda għali kbir għan-nisa tqal, u għal dawk li jreddgħu, f’dawk il-jiem! Għax ikun hemm diqa kbira fuq l-art, u għadab fuq dan il-poplu;
U jaqgħu b’xifer ix-xabla, u jittieħdu bi lsiera qalb il-ġnus kollha: u tkun Ġerusalemm mirfusa mill-Ġentili, sa ma jintemmu żminijiet il-Ġentili.
U jkun hemm sinjali fix-xemx, u fil-qamar, u fil-kwiekeb; u fuq l-art diqa tal-ġnus, ma jafux x’sa jagħmlu; il-baħar u l-imwieġ igħajtu;
In-nies iħosshom ħażin bil-biża’, u bl-istennija ta’ dak li ġej fuq l-art: għax il-qawwiet tas-sema jitheżhżu.
Imbagħad jaraw lil bin il-bniedem ġej fi sħaba b’setgħa u glorja kbira.
U meta jibdew jiġru dawn il-ħwejjeġ, iddrittaw u erfgħu raskom, għax tkun qiegħda toqrob il-fidwa tagħkom.
U qalilhom parabbola: Araw is-siġra tat-tin, u s-siġar kollha.
Meta issa jarmu, intom stess taraw, u tafu li s-sajf qrib.
Hekk ukoll meta taraw dan jiġri, kunu afu li s-saltna ta’ Alla hi fil-qrib.
Ngħidilkom is-sewwa: Din il-ġenerazzjoni ma tgħaddix, sakemm isir dan kollu.
Is-sema u l-art igħaddu: imma kliemi ma jgħaddix.
U ħarsu ruħkom, li ma jmorrux qlubkom jitqalu bl-ikel żejjed, u s-sokor, u l-ħsibijiet ta’ din il-ħajja, u hekk jiġi fuq-kom dak il-jum għal għarrieda;
Għax bħal nassa jiġi fuq dawk kollha li jgħixu fuq wiċċ l-art kollha.
Ishru mela, itolbu dejjem, biex ikun jistħoqqilkom ta-ħarbu minn dawn il-ħwejjeġ kollha li għandhom jiġru, u toqogħdu quddiem Bin il-bniedem.
U bi nhar kien igħallem fit-tempju; u bil-lejl kien joħroġ barra, u jgħammar fil-għolja li jgħidulha l-għolja taż-Żebbuġ.
U l-poplu kollu kien jiġi kmieni għandu filgħodu fit-tempju biex jisimgħu.

Luqa 22

Issa l-festa tal-ażżmi, li jgħidulha l-Għid, kienet toqrob.
U l-qassisin il-kbar u l-iskribi kienu jfittxu kif joqtluh; għax kienu jibżgħu mill-poplu.
Imbagħad daħal Satana f’Ġuda, li kienu jgħidulu Iskar-jota, u li kien wieħed mit-tnax.
U mar, u tkellem mal-qassisin il-kbar u l-kaptani, kif jagħtihulhom f’idejhom.
U ferħu, u ftiehmu li jagħtuh il-flus.
U ta l-kelma, u beda jfittex il-waqt biex jagħtih f’idej-hom xħin il-ġemgħa tan-nies ma tkunx hemm.
Imbagħad wasal jum l-ażżmi, meta l-ħaruf tal-għid kellu jinqatel.
U bagħat lil Pietru, u ’l Ġwanni, billi qal: Morru hej-julna l-għid, biex nieklu.
U qalulu: Fejn tridna nhejju?
U qalilhom: Ara, meta tkunu dħaltu l-belt, hemm jiltaqa’ raġel magħkom jarfa’ ġarra, ilma; morru warajh sad-dar fejn jidħol.
U għidu lil sid id-dar: Qallek l-Imgħallem: Fejn hi l-kamra tal-mistednin, fejn niekol il-għid mad-dixxipli tiegħi?
U jurikom kamra kbira fuq mifruxa: hemm hejju.
U marru, u sabu kif qalilhom: u hejjew il-għid.
U xħin sar il-ħin, qagħad fuq il-mejda, hu u t-tnax l-appostlu miegħu.
U qalilhom: Xtaqt bi ħrara niekol dan il-għid magħkom qabel ma nbati:
Għax ngħidilkom: Ma niklux iżjed, sa ma jseħħ fis-saltna ta’ Alla.
U qabad it-tazza, u radd il-ħajr, u qal: Ħuduha, u aqsmu-ha bejnietkom:
Għax ngħidilkom, li ma nixrobx aktar mill-frott tad-dielja, sa ma tiġi s-saltna ta’ Alla.
U qabad il-ħobż u radd il-ħajr, u qasmu, u tahom, hu u jgħid: Dan hu ġismi mogħti għalikom: agħmlu dan b’tifkira tiegħi.
Hekk ukoll it-tazza wara l-ikla, hu u jgħid: Din it-tazza hija r-rabta l-ġdida f’demmi, li hu mxerred għalikom.
Iżda, ara, l-id ta’ min jittradini qiegħda fuq il-mejda miegħi.
U tassew li Bin il-bniedem imur, kif kellu jkun; iżda għali kbir għal dak il-bniedem li minnu ittradut!
U huma bdew jistaqsu lil xulxin, min fosthom kien sa jagħmel dil-ħaġa.
U kien hemm ġlieda wkoll bejniethom, min fosthom kellu jkun miżmum bl-akbar.
U qalilhom: Is-slaten tal-Ġentili jaħkmu fuqhom; u dawk li għandhom is-setgħa fuqhom jissejħu benefatturi.
Imma intom ma tkunux hekk: iżda dak li hu l-akbar fostkom, ħa jkun bħall-iżgħar; u dak li hu l-kbir, bħal dak li jaqdi.
Għax min hu l-akbar, dak li qiegħed fuq il-mejda, jew dak li jaqdi? Mhux dak li qiegħed fuq il-mejda?
Intom dawk li bqajtu miegħi fit-tiġrib tiegħi.
U jien nagħtikom saltna, bħal ma tahieli Missieri;
Biex tieklu u tixorbu fuq il-mejda tiegħi fis-saltna tiegħi, u toqogħdu fuq it-tronijiet tagħmlu ħaqq mit-tnax-il tribù ta’ Iżrael.
U l-Mulej qal: Xmun, Xmun, ara, Satana xtaq jeħod-kom, biex igħarbilkom bħal qamħ:
Imma jien tlabt għalik, biex il-fidi tiegħek ma tonqosx: u int meta tikkonverti saħħah lil ħutek.
U qallu: Mulej, miegħek jien imhejji biex immur, sew il-ħabs, u sew għall-mewt.
U qal: Pietru, ngħidlek li ma jiddinx illum is-serduq, qabel ma inti għal tliet darbiet tiċħad li tafni.
U qalilhom: Meta bgħattkom bla borża, u ħorġa, u qorq, naqaskom xi ħaġa? Qalulu: Xejn.
Imbagħad qalilhom: Imma, issa, dak li għandu borża, ħa jeħodha, u l-ħorġa tiegħu wkoll: u dak, li m’għandux xabla, ħa jbigħ il-mantar tiegħu, u jixtri wieħed.
Għax ngħidilkom, għandu jseħħ fija dan il-miktub: U kien magħdud mal-ħżiena: għax dawk il-ħwejjeġ li nkitbu fuqi għandhom it-tmiem.
U huma qalu: Mulej, ara, hawn żewġt ixwabel. U qalilhom: Biżżejjed.
U ħareġ, u mar, kif kienet id-drawwa tiegħu, lejn il-għolja taż-Żebbuġ; u marru miegħu wkoll id-dixxipli tiegħu.
U xħin wasal hemm, qalilhom: Itolbu biex ma tidħlux fit-tiġrib.
U tbiegħed minnhom daqs xeħta ta’ ġebla, u qagħad għarkobbtejh, u talab,
Billi qal: Missier, jekk trid, warrab dan il-kalċi minni: iżda mhux issir ir-rieda tiegħi, imma tiegħek.
U deherlu anġlu mis-sema, iqawwilu qalbu.
U hu u qiegħed f’agunija talab aktar bil-ħeġġa: u sar l-għaraq tiegħu qisu bħal qatriet kbar tad-demm neżlin fl-art.
U meta qam mit-talba, u ġie ħdejn id-dixxipli tiegħu sabhom reqdin bis-swied il-qalb.
U qalilhom: Għaliex intom reqdin? Qumu, itolbu, biex ma tidħlux fit-tiġrib.
U hu u jitkellem, ara, ġiet ġemgħa nies; u dak li kien jismu Ġuda, wieħed mit-tnax, kien miexi quddiemhom, u resaq lejn Ġesù biex ibusu.
Imma Ġesù qallu: Ġuda, tittradixxi lil Bin il-bniedem b’bewsa?
Meta dawk ta’ madwaru raw x’kien sa jiġri, qalulu: Mulej, nagħtu bix-xabla?
U wieħed minnhom darab lill-qaddej tal-qassis il-kbir, u qatagħlu widintu l-leminija.
U Ġesù wieġeb, u qal: Erħulhom, biżżejjed! U messlu widintu, u fejqu.
Imbagħad Ġesù qal lill-qassisin il-kbar, u lill-kaptani tat-tempju, u lill-anzjani; li kienu ġew għalih: Ħriġtu bix-xwabel u l-oħtra, donnkom għal xi ħalliel?
Meta kont inkun kuljum magħkom fit-tempju, ma meddejtux idejkom għalija: imma din hi s-siegħa tagħkom, u s-setgħa tad-dlam.
Imbagħad qabduh, u ħaduh, u ġibuh fid-dar tal-qassis il-kbir. U Pietru mexa wara mill-bogħod.
U meta qabbdu nar f’nofs il-bitħa, u qagħdu flimkien bil-qiegħda, Pietru qagħad f’nofshom.
Iżda lemħitu waħda qaddejja bil-qiegħda fil-waqt li kien ħdejn in-nar, u ħarset sewwa lejh, u qalet: Dar-raġel ukoll kien miegħu.
Iżda hu ċaħdu, billi qal: Ma nafux, mara.
U wara ftit rah ieħor, u qal: Int ukoll wieħed minhom. U qal Pietru: Ja raġel, miniex.
U wara xi siegħa, wieħed ieħor ħaqqaq b’saħħa, u qal: Tassew, dan ukoll kien miegħu: għax hu mill-Galilija.
U qal Pietru: Ja raġel, ma nafx x’inti tgħid. U minnufih, kif kien għadu jitkellem, is-serduq idden.
U dar il-Mulej, u ħares lejn Pietru, U ftakar Pietru fil-kelma tal-Mulej, kif kien qallu: Qabel ma jidden is-serduq, tiċħadni tliet darbiet.
U ħareġ barra Pietru, u beka biki ta’ mrar.
U l-irġiel li kienu jżommu ’l Ġesù iddieħku bih, u sawtuh.
U wara li għammduh, tawh fuq wiċċu, u staqsewh, billi qalu: Obsor, min hu li sawtek?
U ħafna ħwejjeġ oħra kienu jgħidu fuqu, billi jidgħu.
U hekk kif sebaħ, inġemgħu flimkien l-anzjani tal-poplu u l-qassin il-kbar, u l-iskribi, u ħaduh fil-kunsill tagħhom, u qalulu:
Int il-Kristu? għidilna. U qalilhom: Jekk ngħidilkom, ma temmnux:
U jekk jien ukoll nistaqsikom, ma twiġbux, u lanqas titilquni.
Minn issa Bin il-bniedem joqgħod fil-lemin tas-setgħa ta’ Alla.
7 Imbagħad qalu lkoll: Mela int l-Iben t’Alla? U qalil-hom: Intom qegħdin tgħidu, li jien.
7 U qalu: Xi ħtieġa għandna aktar ta’ xhieda? għax aħna nfusna smajna minn fommu stess.

Luqa 23

U qamet il-ġemgħa kollha tagħhom, u ħaduh għand Pilatu.
U bdew jixluh, billi jgħidu: lil dar-raġel sibnieh jaqleb lil ġensna, u ma jħallix li jitħallas il-ħaraġ lil Ċesri, u jgħid li huwa Kristu, Sultan.
U staqsieh Pilatu, qallu: Int is-Sultan tal-Lhud? Wieġeb u qal: Int għidt.
Imbagħad Pilatu qal lill-qassisin il-kbar u lill-poplu: Ma nsib ebda ħtija f’dar-raġel.
U dawk aktar saħnu, u bdew igħidu: Qiegħed ixewwex il-poplu, u jgħallem fil-Lhudija kollha, ibda mill-Galilija sa hawn.
Xħin sama’ Pilatu fuq il-Galilija, staqsa jekk dar-raġel kienx mill-Galilija.
U hekk kif sar jaf li kien taħt il-ħakma ta’ Erodi, bagħtu għand Erodi, li kien ukoll Ġerusalemm f’dawk il-jiem.
U meta Erodi ra ’l Ġesù, feraħ ħafna: għax kien ilu żmien twil jixtieq jarah, billi kien sama’ ħafna ħwejjeġ fuqu: u kien jittama li jara xi miraklu magħmul minnu.
Imbagħad għamillu mistoqsijiet b’ħafna kliem; imma xejn ma wieġbu.
U l-qassisin il-kbar u l-iskribi kienu qegħdin hemm jixluh bil-herra.
U żebilħu Erodi flimkien mas-suldati tiegħu, u ddieħak bih, u libbsu libsa ta’ lewn igħajjat, u raġa’ bagħtu għand Pilatu.
U dak in-nhar Pilatu u Erodi saru ħbieb: għax qabel kienu miġġeldin bejniethom.
U Pilatu, meta laqqa’ flimkien il-qassisin il-kbar, u l-kbarat, u l-poplu,
Qalilhom: Ġibtuli dar-raġel, bħal wieħed li qiegħed jaqleb il-poplu: u, ara, stħarriġtu quddiemkom, u ma sibt f’dar-raġel ebda ħtija fuq dawk il-ħwejjeġ li qegħdin tixluh:
Le, lanqas Erodi: għax jien bgħattkom għandu: u, araw, m’għamel xejn li ħaqqu l-mewt.
Għalhekk inwiddbu, u nitilqu.
(Għax kien jaħtieġlu jitilqilhom wieħed dak in-nhar tal-festa).
U għajtu lkoll f’daqqa: Neħħi lil dar-raġel, u itilqilna ’l Barabba:
Li minħabba xi tixwixa li kienet saret fil-belt, u qtil, kien mitfugħ il-ħabs.
Għalhekk Pilatu, li xtaq jeħles lil Ġesù, raġa’ kellimom.
Imma huma għajtu, igħidu: Sallbu! Sallbu!
Qalilhom għat-tielet darba: Għaliex, x’deni għamel? Ma sibtlux ħtija tal-mewt. Għalhekk inwiddbu, u nitilqu.
U huma aktar żammew iebes b’ilħna għolja, jitolbuh li jkun imsallab. U l-għajat tagħhom u tal-qassisin il-kbar rebaħ.
U Pilatu ta sentenza li jsir kif talbu.
U telqilhom lil dak li minħabba t-tixwix u l-qtil kien mitfugħ il-ħabs, u li huma xtaqu; iżda lil Ġesù tah għar-rieda tagħhom.
U huma u sejrin bih, qabdu lil wieħed Xmun, minn Ċireni, li kien ġej mir-raba’, u għabbewlu s-salib, biex iġorru wara Ġesù.
U kienet miexja warajh qatgħa kbira ta’ nies, u ta’ nisa, li kienu wkoll jibku u jolfqu għalih.
Imma Ġesù dar lejhom u qal: Ja bniet ta’ Ġerusalemm, la tibkux lili, iżda ibku lilkom infuskom, u lil uliedkom.
Għax, ara, iż-żmien ġej, li fih igħidu: Imberkin il-ħaw-lin, u l-ġwief li qatt ma wildu, u l-isdra li qatt ma reddgħu.
Mbagħad jibdew jgħidu lill-muntanji, ‘Aqgħu fuqna!’ u lil l-għoljiet, ‘Ordmuna!’
Għax jekk jagħmlu dan f’siġra ħadra, x’isir fin-niexfa?
U kienu meħudin ukoll miegħu żewġ ħatjin, biex joqt-luhom.
U meta waslu fil-post, li jgħidulu l-Kalvarju, hemm sallbu lilu, u lill-ħatjin, wieħed fil-lemin, u l-ieħor fix-xellug.
Imbagħad qal Ġesù: Missier, aħfrilhom; għax ma jafux x’inhuma jagħmlu. U qasmu ħwejġu, u tefgħu x-xorti.
U l-poplu kien wieqaf iħares. U l-kbarat kienu magħ-hom ukoll jiddieħku bih, jgħidu; Salva oħrajn; ħa jsalva lilu nnifsu, jekk hu l-Kristu, il-maħtur ta’ Alla.
U kienu jiddieħku bih is-suldati wkoll, billi kienu jersqu lejh, u joffrulu nbid qares,
U jgħidu: Jekk int is-sultan tal-Lhud, salva lilek in-nifsek.
U nkitbet ukoll kitba fuqu b’ittra bil-Grieg, bil-Latin u bil-Lhudi: DAN HU S-SULTAN TAL-LHUD.
U wieħed minn dawk il-ħatjin li kienu mdendlin beda jgħajru, billi qal: Jekk int il-Kristu, salva lilek innifsek u lilna.
Imma l-ieħor hu u jwieġeb ċanfru, billi qal: Ma tibżax minn Alla, tara li qiegħed taħt kundanna?
U tassew li aħna hawn b’ġustizzja; għax aħna qegħdin nieħdu dak li jistħoqqilna ta’ kull ma għamilna; iżda dan m’għamel xejn ħażin.
U qal lil Ġesù: Mulej, ftakar fija meta tiġi fis-saltna tiegħek.
U Ġesù qallu: Ngħidlek is-sewwa li llum tkun fil-ġenna (Hades) miegħi.
U kien diġà madwar is-sitt siegħa, u waqgħet dalma fuq l-art kollha sad-disa’ siegħa.
U x-xemx iddalmet, u l-velu tas-santwarju ċċarrat min-nofs.
U meta Ġesù għajjat b’leħen qawwi, qal: Missier, f’idejk nerħi l-ispirtu tiegħi: u malli qal hekk, radd ruħu.
Issa malli ċ-ċenturjun ra dak li ġara, igglorifika lil Alla, billi qal: Tassew dan kien raġel ġust.
U n-nies kollha li nġabru flimkien għal dik id-dehra, malli raw il-ħwejjeġ li kienu ġraw, ħabbtu fuq sidirhom, u reġ-għu lura.
U dawk kollha li kienu jafuh, u n-nisa li kienu ġew warajh mill-Galilija, kienu weqfin fil-bogħod, jaraw dawn il-ħwejjeġ.
U, ara, kien hemm raġel jismu Ġużeppi, li kien kunsil-lier; u kien raġel tajjeb, u ġust.
Dan ma kienx qabel mal-fehma u l-għemil tagħhom; kien minn Arimateja, belt tal-Lhud: u kien hu wkoll jistenna s-saltna ta’ Alla.
Dan ir-raġel mar għand Pilatu, u talab il-ġisem ta’ Ġesù.
U niżżlu, u geżwru fil-għażel, u qiegħdu f’qabar imħaf-fer fil-blat, li fih ħadd ma kien għadu tqiegħed.
U dak in-nhar kien jum it-thejjija, u s-sabat kien qiegħed jibda.
U n-nisa wkoll, li ġew miegħu mill-Galilija, imxew wara, u raw il-qabar, u kif kien imqiegħed ġismu.
U reġgħu lura, u hejjew ħwawar u żjut tal-fwieha: fis-sabat strieħu skont il-kmandament.

Luqa 24

Issa fl-ewwel jum tal-ġimgħa, kmieni ħafna filgħodu, ġew ħdejn il-qabar, u ġiebu l-ħwawar li kienu hejjew, u x’uħud oħra magħhom.
U sabu l-ġebla, mgerba ’l hemm mill-qabar.
U daħlu ġewwa, u ma sabux il-ġisem tal-Mulej Ġesù.
U, ara, kif kienu mħawdin ħafna fuq dan, ġara, li żewġt irġiel waqfu ħdejhom f’ilbies jiddi.
U billi kienu mbeżżgħin, u niżżlu wiċċhom lejn l-art, dawk qalulhom: X’intom tfittxu l-ħaj qalb il-mejtin?
Mhux hawn, imma qam: ftakru kif kellimkom meta kien għadu fil-Galilija,
Meta kien igħid: Jaħtieġ li bin il-bniedem jingħata f’idejn nies midinbin, u jkun imsallab, u fit-tielet jum iqum.
U ftakru fi kliemu,
U reġgħu lura mill-qabar, u qalu b’dan kollu lill-ħdax, u lill-oħrajn kollha.
U kienet Marija Maddalena, u Ġwanna, u Marija omm Ġakbu, u nisa oħrajn li kienu magħhom, li qalu dawn il-ħwejjeġ lil l-appostli.
U kliemhom deherilhom bħala ħrejjef fiergħa, u ma emmnuhomx.
Qam imbagħad Pietru, u ġera lejn il-qabar; u wara li tbaxxa l-isfel, lemaħ il-bċejjeċ tal-għażel mixħutin għalihom, u telaq, imgħaġġeb fih innifsu b’dak li kien ġara.
U, ara, tnejn minnhom dak in-nhar stess marru f’raħal jismu Għemmaws, li kien bogħod minn Ġerusalemm madwar sittin stadju.
U tħaddtu bejniethom fuq kulma ġara.
U ġara, huma u jitħaddtu flimkien u jirraġunaw, illi resaq Ġesù nnifsu, u mexa magħhom.
Imma għajnejhom kienu miżmumin biex ma jagħrfuhx.
U qalilhom: X’inhu dal-kliem li qegħdin tgħidu wieħed lil ieħor, intom u mexjin, u qalbkom sewda?
U wieħed minnhom, li kien jismu Klejofa, wieġeb, u qallu: Int waħdek barrani f’Ġerusalemm u ma tafx x’ġara fiha f’dawn il-jiem?
U qalilhom: X’inhu? U weġbuh: Dwar Ġesù n-Nazzarenu, li wera li kien raġel profeta, setgħan fl-għemil u fil-kelma qauddiem Alla u l-poplu kollu:
U kif il-qassisin il-kbar u l-kbarat tagħna tawh biex ikun ikkundannat għall-mewt, u sallbuh.
Imma aħna konna nittamaw li kellu jkun hu li jeħles lil Iżrael: u wara dan kollu, illum it-tielet jum minn meta saru dawn il-ħwejjeġ.
Iva, u xi nisa wkoll mill-għaqda tagħna li marru kmieni sal-qabar għaġbuna;
U meta ma sabux il-ġisem tiegħu, ġew igħidu li kienu raw ukoll dehra tal-anġli, li qalu li hu ħaj.
U x’uħud minn dawk li kienu magħna marru sal-qabar, u sabuh l-istess kif kienu qalu n-nisa: iżda lilu ma rawhx.
Imbagħad qalilhom: Ja boloh, u tqal fil-qalb biex tem-mnu dak kollu li qalu l-profeti:
Ma kellux Kristu jbati dawn il-ħwejjeġ, u jidħol fil-glorja tiegħu?
U beda minn Mosè u l-profeti kollha, u fissrilhom dawk il-ħwejjeġ li fl-iskrittura kollha hemm fuqu.
U qorbu lejn ir-raħal, fejn kienu sejrin: u hu għamel ta’ bir-ruħu li sejjer aktar il-bogħod.
Iżda huma żammewh, billi qalu: Ibqa’ magħna: għax dal-waqt isir fil-għalxija, u l-jum għoddu spiċċa. U daħal biex jibqa’ magħhom.
U gara, xħin kien fuq il-mejda magħhom, illi qabad il-ħobż, u bierku, u qasmu, u tahom.
U nfetħu għajnejhom, u għarfuh; u hu għab minn quddiem għajnejhom.
U qalu wieħed lil ieħor: Ma kenitx qalbna tixgħel fina, fil-waqt li kien ikellimna fit-triq, u jiftħilna l-iskrittura?
U qamu f’dik is-siegħa, u reġgħu lura lejn Ġerusalemm, u sabu miġmugħin flimkien il-ħdax, u lil dawk li kienu magħhom,
U qalulhom: Tassew qam il-Mulej, u deher lil Xmun.
U qalu x’ġara fit-triq, u kif kien magħruf minnhom fi qsim il-ħobż.
U huma u jitkellmu hekk, Ġesù nnfisu waqaf f’nofshom, u qalilhom: Is-sliem magħkom.
Imma huma kienu mwerwrin u mbeżżgħin, u ħasbu li kienu raw spirtu.
U qalilhom: ‘Għaliex intom imħawdin? U għaliex iqumu ħsibijiet f’qalbkom?
Araw idejja u riġlejja, kif jiena jien innifsi; missuni, u araw; għax spirtu m’għandux la laħam u lanqas għadam, bħal ma taraw li għandi jien.
U meta tkellem hekk, uriehom idejh u riġlejh.
U billi kienu għadhom ma jemmnux bil-ferħ, u jistagħġbu, qalilhom: Għandkom hawn xi ħaġa tal-ikel?
U tawh biċċa ħuta mixwija, u xehda għasel.
Ħadhom, u kiel quddiemhom.
Imbagħad qalilhom: “Meta kont għadni magħkom għedtilkom dawn il-kelmiet: ‘Jeħtieġ li jseħħ kull ma nkiteb fuqi fil-Liġi ta’ Mosè, fil-Profeti, u fis-Salmi.’”
Imbagħad fetħilhom moħhom biex jifhmu l-Iskrittura.
U qalilhom: Hekk hu miktub, u hekk kien jinħtieġ illi Kristu jbati, u li jqum mill-imwiet.
U li l-indiema għall-maħfra tad-dnubiet tixxandar f’ismu fost il-ġnus kollha, ibda minn Ġerusalemm.
U intom xhud ta’ dawn il-ħwejjeġ.
U ara, jien nibgħat il-wegħda ta’ Missieri fuqkom: iżda intom ibqgħu fil-belt ta’ Ġerusalemm, sakemm titlibbsu bil-qawwa mill-għoli.
U ħadhom barra sa ħdejn Betanja, u rafa’ idejh, u berikhom.
U ġara, hu u jberikhom, illi nfired minnhom, u kien meħud fis-sema.
U huma qimuh, u reġgħu lejn Ġerusalemm b’ferħ kbir:
U kienu dejjem fit-tempju, ifaħħru ’l Alla, Amen.